Wurtagol 10:21 - Dewtere Laamɗo Fulfulde Burkina Faso

²¹ Ndeen Joomiraaɗo wi'i Muusaa: — Ɓantu junngo maa dow faa nimre waɗa dow leydi Misira, nimre tekkunde faa ina waawi meemeede.

Wurtagol 10:21 ပူးပေါင်းရင်းမြစ်များ

Ayuuba 5:14

Iɓe kawra e nimre hakkunde nyalooma, iɓe memmemta nyalooma hono wo jemma.

Wurtagol 7:19

Joomiraaɗo wi'i Muusaa: — Mbi'aa Haaruuna hooƴa sawru muuɗum, foorta junngo muuɗum dow diyeele Misira fuu: Dow gooruuji maɓɓe mawɗi e pamari fuu, e dow pete maɓɓe e dow beeli maɓɓe e to ndiyam maɓɓe wattaa fuu faa ɗam laatoo ƴiiƴam. Ƴiiƴam ɗaam tawee ley leydi Misira fuu fay ley akalaaje e looɗe fuu.

Wurtagol 9:22

Joomiraaɗo wi'i Muusaa: — Ɓantu junngo maaɗa faro kammu faa marmalluuje toɓa dow leydi Misira fuu: dow yimɓe e kulle e funngooji gese leydi Misira fuu.

Banndi 4:19

Laawol bonɓe na nanndi e nimre ɓaleere tik, ɓe nji'ataa ko ferginta ɓe.

Tindinoowo 2:14

Hakkilante na woodi gite faa yiira, ammaa puuyɗo wo ley nimre yahata. De taykiimi, tawumi cakitte maɓɓe fuu wo gootum.

Tindinoowo 6:4

Ngel warii ɓolum, ngel dilli e nimre, walaa fuu nanuɗo innde maggel.

Matta 27:45

Gilla hakkunde naange, nimre waɗi e leydi fuu faa wakkati yamnde tati kiiral naange.

Marka 15:33

Wakkati hakkunde naange, nimre waɗi e leydi fuu faa wakkati yamnde tati kiiral naange.

Luuka 23:44

Wakkati hakkunde naange, nimre waɗi e leydi fuu faa wakkati yamnde tati kiiral naange.

Fillitagol 1:30

Joomiraaɗo, Laamɗo mooɗon ardoto on, kam e hoorem haɓanan on hono no waɗirnoo e gite mon leydi Misira noon.

Fillitagol 28:29

On tartartan hakkunde naange hono no wumɓe ley jemma noon. Ko ngolloton fuu laatoto ɓolum. Wakkati fuu woɓɓe ngaran torra on, mbujja kujje mon ammaa fay gooto warataa walla on.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

2 Piyeer 2:17

Waajotooɓe fewreeɓe ɓeen wo ɓulli ɗi ngalaa ndiyam, wo ɓe duule ɗe henndu soggata, nimre ɓurnde fuu niɓɓude ɓe ndesanaa.

2 Piyeer 2:4

Miccitoɗon, Laamɗo accaay maleyka'en luttunooɓe ɓeen. Ko o waɗi dey, o geƴƴirii ɓe callali, o faɗɗi ɓe ley nimre jahannama faa nyannde darngal.

Yahuuda 1:13

Wo ɓe bempeƴƴe maayo manngo nyannguɗe, iɓe ƴuufinira noon nguufo golleeji maɓɓe cemtiniiɗi. Wo ɓe koode jiilotooɗe. Nimre ɓurnde fuu niɓɓude ɓe ndesanaa faa abada.

Yahuuda 1:6

Miccitoɗon du no maleyka'en woɓɓe muurtiri, keddaaki ley keerol baawɗe ɗe Laamɗo darnannoo ɗum'en, de njoppi joonnde muɓɓen. Saabe ɗum, Joomiraaɗo watti ɓe ley nimre faa kiite nyannde darngal, geƴƴirii ɓe geƴƴelle duumiiɗe.

Holleede 8:12

Maleyka nayaɓo oon fuufi buututal muuɗum. Ndeen feccere tataɓerde naange e feccere tataɓerde lewru e feccere tataɓerde koode piyaa, faa gootel fuu tataɓerde muuɗum niɓɓi. Jemma e nyalooma fuu mbaasa tataɓerde annoora muɓɓen.