Tindinoowo 7:14 - Dewtere Laamɗo Fulfulde Burkina Faso

¹⁴ Nyannde weltaare finii fu, mbeltoɗaa. Nyannde mettorgal finii du, miiloɗaa, sabo Laamɗo waɗii ɗe ɗiɗi fuu. Ndelle tagaaɗo waawaa faamude ko warata.

Tindinoowo 7:14 ပူးပေါင်းရင်းမြစ်များ

1 Kaanankooɓe 8:47

si ɓe tuubowii to ɓe njaaraa toon, ɓe ŋaarake njurmoɗaa ɓe ley leydi ndi ɓe njaaraa ndiin, ɓe mbi'ii: «Min ngaɗii hakke, min mbosake laawol, min ngaɗii ko boni»,

Ayuuba 2:10

Ammaa Ayuuba wi'i mo: — Aɗa haalira hono debbo puuyɗo! Nde Laamɗo hokkunoo en ko wooɗi ndeen en njaɓii, de hokka en ko boni de caloɗen naa? E ley ɗuum fuu, Ayuuba waɗaay hakke ley haala mum.

Tindinoowo 10:14

Haalaaji puuyɗo na keewi du. Walaa annduɗo ko finata jaango. Moy waawi hollude mo ko waroyta caggal makko?

Tindinoowo 11:9

Hey jokolle, mbeltoɗaa ley njokollaaku maaɗa fuu, njokkaa ko weli ɓernde maa e ko gite maa nji'i na njiɗi fuu, ammaa taa njeggitaa Laamɗo kiitotooɗo oon ƴamoyte ko ngaɗuɗaa fuu.

Tindinoowo 12:13

Jonkaa ɗum fuu ɗum nanaama, inan timmoode haala ka: Kulaa Laamɗo de kaybaa jamirooje muuɗum, sabo ɗuum woni fuu ko neɗɗo haani waɗude.

Tindinoowo 12:8

Ɓolum e ɓolum! Wo ɓolum tan! Tindinoowo wi'i: «Ɗum fuu wo ɗum ɓolum!»

Tindinoowo 3:22

Mi faamii walaa fuu ko ɓurani ɓii-Aadama weltoraade golleeji muuɗum sabo ɗuum woni ngeɗu mum. Sabo moy waawi wartiroyde mo faa o yi'a ko waɗata caggal makko?

Tindinoowo 3:4

wullude e wakkatim, jalude du e wakkatim, cunu e wakkatim, bami du e wakkatim,

Tindinoowo 5:17

Inan ko njiimi: ko wooɗi e ko leeɓi ɗuum wo neɗɗo nyaama, yara, weltoroo golleeji muuɗum tampiriiji ley naange nge haddi nyalakoy koy Laamɗo hokki ɗum kooy. Sabo noon ngeɗu muuɗum foti.

Tindinoowo 8:7

Si goonga o anndaa ko waroyta. Moy hollata mo ko waɗoyta yeeso?

Tindinoowo 9:7

Njahaa, nyaamiraa nyaamri maa seyo, njardaa njaram maaɗa lamminaaɗam e ɓernde welnde, sabo noon Laamɗo muuyi ngaɗaa.

Matta 9:13

Njehee, ekitee ko Dewtere Laamɗo wi'i: «Wo yurmeende njiɗumi, wanaa sadaka duppeteeɗo.» Sabo mi waraay faa mi nodda dartiiɓe. Wo luttuɓe ngarumi noddude.

Golle Nelaaɓe 14:22

Iɓe ɓeydana taalibaaɓe semmbe, iɓe tindina ɗum'en keddoo e goonɗinal, iɓe mbi'a: — Sanaa tampen tampiriiji keewɗi fadde men e naatude laamu Laamɗo.

Fillitagol 26:11

Caggal ɗuum, ceyoɗon, onon e Lewinkooɓe wonduɓe e mooɗon e jananɓe jooɗiiɓe hakkunde mooɗon saabe barke mo Joomiraaɗo, Laamɗo mooɗon waɗani on, onon e koreeji mooɗon.

Fillitagol 28:47

Ɗum hewtoto on sabo on ndewiraay Joomiraaɗo, Laamɗo mooɗon oon e seyo e ɓernde welnde nde ngoodunoɗon huunde fuu faa na heewi ndeen.

Fillitagol 8:3

Ndelle o yarnii on torra, o rafii on de o nyaamni on manna, nyaamdu ndu onon e maamiraaɓe mooɗon fuu anndaano faa o holla on ko wanaa buuru tan neɗɗo wuurdata ammaa na wuurda ko wurtii e hunnduko Joomiraaɗo fuu.

Fillitagol 8:5

Ndelle paamon Joomiraaɗo, Laamɗo mooɗon na eeltira on hono no baabiiwo eeltirta ɓiyum noon.

Yaakuuba 5:13

Yalla won torriiɗo e mooɗon naa? O waɗa du'aare. Yalla won ceyiiɗo e mooɗon naa? O yettira Laamɗo jimi.