Tindinoowo 5:18 - Dewtere Laamɗo Fulfulde Burkina Faso

¹⁸ Katin du ɓii-Aadama fuu mo Laamɗo hokki jawdi e danyal de hokki ɗum nawtoraade ɗum fuu, joomum jaɓa ngeɗu muuɗum de weltoroo ko tampani, wo ɗum dokkal Laamɗo.

Tindinoowo 5:18 ပူးပေါင်းရင်းမြစ်များ

Tindinoowo 11:9

Hey jokolle, mbeltoɗaa ley njokollaaku maaɗa fuu, njokkaa ko weli ɓernde maa e ko gite maa nji'i na njiɗi fuu, ammaa taa njeggitaa Laamɗo kiitotooɗo oon ƴamoyte ko ngaɗuɗaa fuu.

Tindinoowo 2:10

Ko gite am njiɗi fuu mi waɗanii ɗe. Ko weli ɓernde am fuu, mi haɗaay nde. Ɓernde am seyorake golle am, ɗum laatii ngeɗu am e ley golleeji am tampiriiji ɗiin fuu.

Tindinoowo 2:24

Walaa fuu ko ɓurani neɗɗo nyaamude e yarde e weltoraade golleeji muuɗum. De kanjum du, mi yi'ii ɗum ƴuuraanaa e junngo Laamɗo.

Tindinoowo 2:3

Mi waɗii anniya weltoraade njaram lamminaaɗam mi laatoo hono puuyɗo, tawaa le miɗo heddodii e hakkillo, faa mi faama ko nafata yimɓe soruɓe kammu ɓee haddi nyalakoy muɓɓen koy ngoodi kooy.

Tindinoowo 3:22

Mi faamii walaa fuu ko ɓurani ɓii-Aadama weltoraade golleeji muuɗum sabo ɗuum woni ngeɗu mum. Sabo moy waawi wartiroyde mo faa o yi'a ko waɗata caggal makko?

Tindinoowo 6:2

Na woodi mo Laamɗo hokki jawdi e danyal e darja faa huunde fuu nyakaay mo, ammaa Laamɗo hokkaay mo weltoraade ɗum, wo goɗɗo nawtortoo ɗum. Ɗum fuu wo ɗum ɓolum, wo bone mettinoowo ɓernde.

Tindinoowo 8:15

Ɗum waɗi de teddinmi weltaare. Walaa fuu ko nafata neɗɗo ley sorndu naange ndu si wanaa nyaama, yara, weltoo. Ɗum ɗowtata golleeji muuɗum tampiriiji e nyalaaɗe ɗe Laamɗo hokki mo ley sorndu naange ndu.

Tindinoowo 9:7

Njahaa, nyaamiraa nyaamri maa seyo, njardaa njaram maaɗa lamminaaɗam e ɓernde welnde, sabo noon Laamɗo muuyi ngaɗaa.

1 Korintunkooɓe 16:16

njarranee yimɓe wa'uɓe hono noon, kam'en e gollidooɓe e muɓɓen, tinniiɓe e gollal ngaal fuu.

Fillitagol 12:18

Ammaa nyaamon ɗum yeeso Joomiraaɗo, Laamɗo mooɗon, ley nokkuure nde suɓoytoo ndeen onon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon. Ceyoɗon yeeso Joomiraaɗo, Laamɗo mooɗon saabe barke golleeji mooɗon fuu.

Fillitagol 12:7

Wo toon nyaamoton yeeso Joomiraaɗo, Laamɗo mooɗon de onon e yimɓe mon mbeltoroɗon barke mo waɗani on ley golleeji mon fuu.

Fillitagol 26:11

Caggal ɗuum, ceyoɗon, onon e Lewinkooɓe wonduɓe e mooɗon e jananɓe jooɗiiɓe hakkunde mooɗon saabe barke mo Joomiraaɗo, Laamɗo mooɗon waɗani on, onon e koreeji mooɗon.

1 Timote 6:17

Njamiraa joomiraaɓe jawdi e adunaaru ndu taa mawninkinoo, taa njowa jikke muɓɓen e jawdi ndi hoolnaaki. Ammaa ɓe njowa jikke maɓɓe e Laamɗo kokkoowo en huunde fuu faa heewa faa ceyoroɗen ɗum.