Tindinoowo 3:11 - Dewtere Laamɗo Fulfulde Burkina Faso

¹¹ Laamɗo waɗirii huunde fuu no wooɗiri e wakkati muuɗum. O wattii ley ɓernde ɓii-Aadama miilaade ko duumotoo, de fay e noon waawataa faamidinde golleeji ɗi Laamɗo waɗi gilla fuɗɗoode faa timmoode.

Tindinoowo 3:11 ပူးပေါင်းရင်းမြစ်များ

Fuɗɗoode 1:31

Laamɗo ndaari ko golli ɗuum fuu, tawi iɗum wooɗi sanne. Hiiri weeti, laatii nyalaande jeegaɓerde.

Ayuuba 11:7

Aɗa waawi faamude haddu kujje Laamɗo cuuɗiiɗe, naa du annditaa haddu kabaaru Jom Baawɗe fuu naa?

Ayuuba 37:23

Jom Baawɗe le hewtataake, baawɗe muuɗum ɗuuɗii, sariya muuɗum hiɓɓii, jom dartaare oon torrataa neɗɗo.

Ayuuba 5:9

O gaɗoowo kujje mawɗe ɗe mbaawaa fonndeede, sakko limude kayeefiiji ɗi o waɗata.

Banndi 16:4

Ko Joomiraaɗo tagi fuu na woodi sabaabu, fay bonɗo du saabe nyalaande bone.

Tindinoowo 1:13

Mi tinnake e janngude e hiinyirde hakkillo ko waɗata ley sorndu kammu fuu, de tawumi Laamɗo ronndii ɓii-Aadama donngal mettungal.

Tindinoowo 11:5

No a anndiraa to henndu fonndii noon, maa du, no ɓinngel mawnirta ley reedu innum, noon du walaa no anndirtaa golle Laamɗo taguɗo huunde fuu oon.

Tindinoowo 7:13

Ndaaraa golle Laamɗo. Moy waawi turtude ko o turi?

Tindinoowo 7:23

Ɗum fuu mi hiinyirii ɗum hakkillo, mbiimi: «Mi laatoto hakkilante», de tawumi ina woɗɗi kam.

Tindinoowo 7:29

De inan ko njiimi ley tayka am: Laamɗo tagii neɗɗo wo ponnditiiɗo, ammaa o tewtanii hoore makko dabareeji ɗuuɗɗi.»

Tindinoowo 8:17

Ndeen nji'umi ko Laamɗo waɗi fuu. Fay gooto waawaa faamude ko waɗata ley sorndu naange ndu. No joomum filorii ɗum fuu yiitataa. Fay si hakkilante wi'ii na anndi du, waawataa yiitude.

Matta 11:27

Baaba am wattii huunde fuu ley junngo am. Fay gooto anndaa Ɓiɗɗo oon si wanaa Baabiiwo. Fay gooto anndaa Baabiiwo du si wanaa Ɓiɗɗo, e mo Ɓiɗɗo oon muuyi ɓanginande.

Matta 13:22

Kabaaru aawdi caamundi e kebbe ndiin, ina nanndi e neɗɗo nanoowo konngol ngool, de kaɓɓu-ko'u adunaaru e eytugol jawdi ɓilla ngol, ngol laatoo dimarol.

Marka 7:37

Ɗum haaynii ɓe faa yottii kaaddi, iɓe mbi'a: — Golleeji makko fuu na mbooɗi. Imo faaɗintina faaɗuɓe, imo muumɗintina muumɓe.

Romankooɓe 1:28

Saabe ko ɓe miilinoo anndude Laamɗo walaa ko nafata ɗuum, Laamɗo yoppidi ɓe e majjere maɓɓe, faa ɓe ngaɗi ko neɗɗo haanaa waɗude.

Romankooɓe 11:33

Hey barkeeji Laamɗo korsuɗi ina keewi! Hakkilantaaku makko e anndal makko ina luggi! Fay gooto waawaa anndude anniyaaji makko. Fay gooto waawaa faamude laabi no o gollirta.

Fillitagol 32:4

Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.