Tindinoowo 2:23 - Dewtere Laamɗo Fulfulde Burkina Faso

²³ Nyalaaɗe makko fuu wo naawalla, golle makko du wo mettorgal. Fay jemma du hakkillo makko waalaaki. Ɗum du fuu wo ɗum ɓolum.

Tindinoowo 2:23 ပူးပေါင်းရင်းမြစ်များ

Fuɗɗoode 3:17

Laamɗo wi'i gorko oon: — Saabe ko njaɓuɗaa haala deeka de nyaamuɗaa ɓiɓɓe lekki ki kaɗumaami nyaamude ɗuum: leydi huɗaama saabe maa. E tampiri keɓirtaa nyaamdu ley nguurndam maa fuu.

Fuɗɗoode 47:9

Yaakuuba jaabii Fira'awna, wi'i: — Duuɓi am wo 130. Mi wuurdii egga-hoɗa. Duuɓi am seeɗa ɗi du, mi wuurii ɗi ley tiiɗalla. Mi heɓaay duuɓi ɗi maamiraaɓe am mbuuri ley egga-hoɗa muɓɓen ɗiin.

Ester 6:1

Ley jemma oon, kaananke hunngii ɗaanaade. O ɗaɓɓi o waddanee dewtere kabaaruuji laamu makko. Dewtere ndeen waddaa de o janganaa nde.

Ayuuba 14:1

Neɗɗo fuu mo debbo rimi, wo nyalakoy seeɗa tan woodi, wo kebbinɗo torraaji.

Ayuuba 5:7

ammaa neɗɗo rimaama faa habda e torra, hono no pette yiite pittirta dow.

Tindinoowo 1:13

Mi tinnake e janngude e hiinyirde hakkillo ko waɗata ley sorndu kammu fuu, de tawumi Laamɗo ronndii ɓii-Aadama donngal mettungal.

Tindinoowo 1:18

Sabo dey, kebbinaaɗo hakkillo hebbinte ɓernde mettunde. Ɓeydude anndal wo ɓeydude dukkuru.

Tindinoowo 2:11

Ammaa ko ndaarumi golleeji ɗi ngollannoomi miɗo tampa ɗiin fuu, mi tawii fuu wo ɓolum, wo ɗum riiwude henndu. Nafaa fuu walaa e ko waɗetee ley sorndu naange ndu.

Tindinoowo 5:12

Mi yi'ii bonnde mawnde e ley sorndu naange ndu: jawdi paggaandi na halka joomum,

Tindinoowo 5:17

Inan ko njiimi: ko wooɗi e ko leeɓi ɗuum wo neɗɗo nyaama, yara, weltoroo golleeji muuɗum tampiriiji ley naange nge haddi nyalakoy koy Laamɗo hokki ɗum kooy. Sabo noon ngeɗu muuɗum foti.

Tindinoowo 8:16

Mi waɗiino anniya faamude ko woni hakkilantaaku, e taykaade golleeji ɗi tagaaɗo gollata ley adunaaru faa gite mum meeɗataa ɗoyngol jemma e nyalooma fuu.

Golle Nelaaɓe 14:22

Iɓe ɓeydana taalibaaɓe semmbe, iɓe tindina ɗum'en keddoo e goonɗinal, iɓe mbi'a: — Sanaa tampen tampiriiji keewɗi fadde men e naatude laamu Laamɗo.