Tindinoowo 2:10 - Dewtere Laamɗo Fulfulde Burkina Faso

¹⁰ Ko gite am njiɗi fuu mi waɗanii ɗe. Ko weli ɓernde am fuu, mi haɗaay nde. Ɓernde am seyorake golle am, ɗum laatii ngeɗu am e ley golleeji am tampiriiji ɗiin fuu.

Tindinoowo 2:10 ပူးပေါင်းရင်းမြစ်များ

Fuɗɗoode 3:6

Ndeen debbo oon yi'i ɓiɓɓe lekki kiin ina muuyni ndaarude, ina mbeli nyaamude, iɗe ɓeyda suuno heɓude hakkillo. O itti ɓinngel makki, o nyaami. O hokki goriiko gondunooɗo e makko oon, kam du nyaami.

Fuɗɗoode 6:2

ɓiɓɓe Laamɗo nji'i no ɓiɓɓe rewɓe ɓeen ŋarɗiri. Ɓe cuɓii ley ɓeen ɓe ɓe njiɗi, ɓe ndewli ɗum'en.

Ayuuba 31:1

Mi haɓɓidii amaana e gite am, mi dekataa ndaarɗe am dow surbaajo.

Banndi 23:5

Ngam fadde maa e feertude gite dow mayri, tawan ndi halkii, ndi waɗan bippeele, ndi fiira hono gabuure.

Tindinoowo 11:9

Hey jokolle, mbeltoɗaa ley njokollaaku maaɗa fuu, njokkaa ko weli ɓernde maa e ko gite maa nji'i na njiɗi fuu, ammaa taa njeggitaa Laamɗo kiitotooɗo oon ƴamoyte ko ngaɗuɗaa fuu.

Tindinoowo 2:1

Mbiimi e hoore am: «Meeɗaa mbelirkaaji, ndaaraa ɗume nafata.» Ammaa ɗum du fuu wo ɗum ɓolum!

Tindinoowo 2:22

Ɗume neɗɗo heɓata ley golleeji muuɗum tampiriiji ɗi golliri e tinnitaare ley adunaaru sorndu naange ndu?

Tindinoowo 2:24

Walaa fuu ko ɓurani neɗɗo nyaamude e yarde e weltoraade golleeji muuɗum. De kanjum du, mi yi'ii ɗum ƴuuraanaa e junngo Laamɗo.

Tindinoowo 3:22

Mi faamii walaa fuu ko ɓurani ɓii-Aadama weltoraade golleeji muuɗum sabo ɗuum woni ngeɗu mum. Sabo moy waawi wartiroyde mo faa o yi'a ko waɗata caggal makko?

Tindinoowo 5:10

Si ni jawdi ɓeydake fu, nyaamooɓe ndi du ɓeydoto. Ɗume woodani joomiiri oon si wanaa ko yiirata ndi yitere muuɗum tan?

Tindinoowo 5:17

Inan ko njiimi: ko wooɗi e ko leeɓi ɗuum wo neɗɗo nyaama, yara, weltoroo golleeji muuɗum tampiriiji ley naange nge haddi nyalakoy koy Laamɗo hokki ɗum kooy. Sabo noon ngeɗu muuɗum foti.

Tindinoowo 5:18

Katin du ɓii-Aadama fuu mo Laamɗo hokki jawdi e danyal de hokki ɗum nawtoraade ɗum fuu, joomum jaɓa ngeɗu muuɗum de weltoroo ko tampani, wo ɗum dokkal Laamɗo.

Tindinoowo 6:2

Na woodi mo Laamɗo hokki jawdi e danyal e darja faa huunde fuu nyakaay mo, ammaa Laamɗo hokkaay mo weltoraade ɗum, wo goɗɗo nawtortoo ɗum. Ɗum fuu wo ɗum ɓolum, wo bone mettinoowo ɓernde.

Tindinoowo 6:9

Halal maa ngal njogiɗaa na ɓuri ko miilotoɗaa heɓude. Ɗum du fuu wo ɗum ɓolum, wo riiwude henndu.

Tindinoowo 8:15

Ɗum waɗi de teddinmi weltaare. Walaa fuu ko nafata neɗɗo ley sorndu naange ndu si wanaa nyaama, yara, weltoo. Ɗum ɗowtata golleeji muuɗum tampiriiji e nyalaaɗe ɗe Laamɗo hokki mo ley sorndu naange ndu.

Tindinoowo 9:6

Njinngu maɓɓe e nganyaandi maɓɓe e kiram maɓɓe fuu timmii, ɓe ngalaa ngeɗu e ko waɗetee ley sorndu naange ndu katin.

Tindinoowo 9:9

Mbeltodoɗaa e deeka mo njiɗɗaa ley nyalaaɗe nguurndam maa ɓolam ɗe Laamɗo hokki ma ley sorndu naange ndu, nyalaaɗe maaɗa ɓole ɗeen. Sabo ɗuum woni ngeɗu ngu kokkaɗaa ley nguurndam maa e golleeji maa tampiriiji ley sorndu naange ɗiin.

1 Yuhanna 2:16

Sabo ko woni e adunaaru wo muuyɗe terɗe e muuyɗe yitere e mantoraade dow jawdi. Ɗum fuu jeyaaka e Baabiiwo. Wo e adunaaru ɗum jeyaa.

Ardiiɓe 14:2

Nde o hootunoo fu, o haalani ɗum saaraaɓe makko, o wi'i: — Mi yi'i surbaajo Filistiyankeejo ley Timna. Miɗo yiɗi ɓaŋanon kam mo.