Ruttu 4:11 - Dewtere Laamɗo Fulfulde Burkina Faso

¹¹ Ndeen yimɓe tawaaɓe to dammbugal huɓeere ndeen e mawɓe wonɓe ɗoon fuu mbi'i: — Ayyo, miɗen ceedii! Joomiraaɗo barkinɗin debbo naatoowo e suudu maaɗa oon. O laatoo hono Rahiina e Leya, kamɓe ɗiɗo ɓeen ngoni darnuɓe suudu Israa'iila. Laatoɗaa jom jawdi nder Efrata, innde maa du laatoo teddunde nder Baytilaama.

Ruttu 4:11 ပူးပေါင်းရင်းမြစ်များ

Fuɗɗoode 23:10

Tawi Eforon Hittiyanke oon na tawaa hakkunde sakiraaɓe muuɗum jooɗiiɓe ɗoon. O ɓanti daande makko o jaabii Ibrahiima faa Hittiyankooɓe tawaaɓe dammbugal huɓeere ndeen fuu nani. O wi'i:

Fuɗɗoode 24:60

Ɓe ndu'anii Rebeka, ɓe mbi'i ɗum: Sakiike amin debbo keewaa faa laatoɗaa ujunaaje ujune, ƴuwdi maa rona naatirde e yaltirde wayɓe muuɗum.

Fuɗɗoode 29:16

Tawi Laban ina jogii ɓiɓɓe rewɓe ɗiɗo, mawniiwo oon ina wi'ee Leya, minyiiwo oon ina wi'ee Rahiina.

Fuɗɗoode 29:25

Nde weetunoo fu, Yaakuuba tawi wo Leya hokkaa. Ndeen o wi'i Laban: — Noy woni no ngaɗuɗaa kam ni? Wanaa saabe Rahiina ngollanmaami naa? Ko waɗi njambiɗaa kam?

Fuɗɗoode 29:32

Leya reedi, rimi ɓiɗɗo gorko, o inndiri ɗum Ruben. Sabo o wi'i: — Joomiraaɗo yi'ii mettorgal am. Joonin goram yiɗan kam.

Fuɗɗoode 35:23

Ɓiɓɓe Leya wo: Ruben e Simeyon e Lewi e Yahuuda e Isakar e Jabulon. Ruben woni afo Yaakuuba.

Fuɗɗoode 35:24

Ɓiɓɓe Rahiina wo: Yuusufi e Benjamin.

1 Kaanankooɓe 21:8

Debbo oon winndi ɓataakiiji e innde Ahabi, watti maande muuɗum dow majji, de neldi ɗi mawɓe e hooreeɓe wonɓe Yesre'el galluure Nabot toon.

1 Kabaaruuji Laamiiɓe 2:51

e Salma puɗɗuɗo wuro Baytilaama. Haref puɗɗuɗo wuro Bayti-Geder.

Banndi 14:1

Debbo jom hakkillo na nyiɓa suudu mum, ammaa debbo puuyɗo na sankita ndu.

Banndi 31:23

Goriiko na teddinee ley kawrital mawɓe, imo nananee ley kabaaruuji wuro ngoon.

Matta 2:6

«Aan, Baytilaama, leydi Yahuudiya, tannyoral a wanaa wuro famaro hakkunde gure Yahuudiya mawɗe ɗeen. Sabo ardotooɗo ƴuuran e maaɗa, garoowo faa dura yimɓe am, Israa'iilankooɓe.»

Fillitagol 25:7

Si gorko oon muuyaay hooƴude dee maayɗo oon waɗa deekum fu, debbo oon yaha dammbugal galluure ndeen to mawɓe de wi'a ɗum'en: «Sakiike jom ɓaade am salake jantude kam faa mi rimana goram maayɗo oon ɓiɗɗo gorko taa innde muuɗum lalla hakkunde Israa'iila. O muuyaay tabintinde innde sakiike makko oon.»

Fillitagol 25:9

debbo oon ɓattoo mo yeeso mawɓe ɓeen, ɓorta faɗo makko, tutta dow yeeso makko de ɓanta daande muuɗum wi'a: «Inan no gorko caliiɗo heɓande sakiike muuɗum maayɗo donoowo waɗetee.»

Ruttu 1:2

Gorko oon ina wi'ee Elimelek, deekiiko du ina wi'ee Na'omi. Ɓiɓɓe makko worɓe ɗiɗo, gooto ina wi'ee Maalon, gooto du na wi'ee Kiliyon. Wo ɓe Efratinkooɓe, jeyaaɓe Baytilaama nder leydi Yahuuda. Ɓe njehi ɓe njooɗowii ley leydi Mo'ab.