Ruttu 3:7 - Dewtere Laamɗo Fulfulde Burkina Faso

⁷ Bo'as nyaami, yari, weltii, ummii, yehi fukkoyii ɗakkol joorde alkamaari muuɗum. Ndeen Ruttu du wari heese heese, sudditi koyɗe makko, de fukkii.

Ruttu 3:7 ပူးပေါင်းရင်းမြစ်များ

Fuɗɗoode 43:34

Yuusufi waɗi ɓe ɓattinanaa le'e joƴƴinaaɗe yeeso muuɗum ɗeen, mono e maɓɓe fuu e le'al muuɗum, ammaa le'al Benjamin ngaal ina ɓuri keddiiɗe ɗeen kile joy. Noon ɓe nyaamdiri e Yuusufi, ɓe njardi e muuɗum du, faa ɓe fuu ɓe ceyii.

2 Samuwiila 13:28

Absalom yamiri maccuɓe mum, wi'i: — Kettindee. Nde Amnon sulii faa ɓernde mum heewi seyo fu, mi wi'an on, «Piyee Amnon». Ndeen mbaron mo. Taa kulee. Wo miin hokki on yamiroore nde. Cemmbinee ɓerɗe mon, laatoɗon suusuɓe!

1 Kaanankooɓe 21:7

Ndeen Yesabel dee kaananke oon wi'i ɗum: — Wanaa aan laamii Israa'iila naa? Umma ndelle, nyaama de ceyoɗaa. Wo miin heɓante ngesa Nabot ngaan!

Ester 1:10

Nyalaande jeɗɗaɓerde majjum, tawi ɓernde kaananke na weli sanne saabe cabijam. O noddi gollooɓe makko soortaaɓe, ɗum woni: Mehuman e Biijeta e Harabona e Bigita e Abagata e Jetar e Karkas.

Tindinoowo 10:19

Nyaamndu na wadda mbelirka, njaram du na seyna, de buuɗi kaa na kumta huunde fuu.

Tindinoowo 2:24

Walaa fuu ko ɓurani neɗɗo nyaamude e yarde e weltoraade golleeji muuɗum. De kanjum du, mi yi'ii ɗum ƴuuraanaa e junngo Laamɗo.

Tindinoowo 8:15

Ɗum waɗi de teddinmi weltaare. Walaa fuu ko nafata neɗɗo ley sorndu naange ndu si wanaa nyaama, yara, weltoo. Ɗum ɗowtata golleeji muuɗum tampiriiji e nyalaaɗe ɗe Laamɗo hokki mo ley sorndu naange ndu.

Tindinoowo 9:7

Njahaa, nyaamiraa nyaamri maa seyo, njardaa njaram maaɗa lamminaaɗam e ɓernde welnde, sabo noon Laamɗo muuyi ngaɗaa.

1 Korintunkooɓe 10:31

Ndelle, si oɗon nyaama maa oɗon njara, maa ko ngaɗoton fuu, ngaɗiree ɗum faa Laamɗo teddinee.

Efeesunkooɓe 5:18

Taa njaree doro faa culoɗon, sabo ɗum wo rafi nanngitaare. Ko haani dey, keewee Ruuhu,

Ardiiɓe 16:25

Nde ɓe njarnoo njaram maɓɓe faa ɓe culii, ɓe mbeltii fu, ɓe mbi'i: Mburtinee Samson faa wamana en! Wakkati oon ɓe noddi mo, ɓe mburtini mo ley kasu, de o wamani ɓe. Ɓe ndarni mo hakkunde bimmbeeje ɗiɗi tiigiiɗe suudu nduun.

Ardiiɓe 19:22

Nde ɓe ngonnoo iɓe ceyoo ndeen, worɓe wuro ngoon, ngari piilii suudu nduun, piiri dammbugal suudu ngaal semmbe. Wo ɓe worɓe bonɓe laaliiɓe. Ɓe mbi'i gorko nayeejo jom wuro oon: — Wurtin gorko garɗo to maaɗa oon faa min pukkodoo e muuɗum!

Ardiiɓe 19:6

Katin kamɓe ɗiɗo ɓe njooɗodii, ɓe nyaamdi, ɓe njardi. Ndeen baaba debbo oon wi'i mo: — Accu mbaala ɗo, mbelna ɓernde maaɗa.

Ardiiɓe 19:9

Caggal ɗuum nde gorko oon e deekum e maccuɗo muuɗum umminoo faa ndilla fu, esum oon wi'i ɗum: — Ndaaree, naange ɓadake yanude. Mbaalee ɗo. Haya, jemma waɗii. Waalu ɗo, mbeltoɗaa. Jaango fu, ndawon nanngon laawol mon, kooton.

Ruttu 3:6

Ruttu yehi to sokkirde ndeen, waɗi huunde fuu ko esum debbo wi'i ɗum.

Ruttu 3:8

Hakkunde jemma, Bo'as diwni, de waylitii, yi'i inan debbo ina fukkii ɗakkol koyɗe muuɗum.