Ruttu 2:10 - Dewtere Laamɗo Fulfulde Burkina Faso

¹⁰ Wakkati oon, Ruttu hofii yeeso makko, sujidani mo, wi'i: — Ko saabii ngaɗanɗaa kam moƴƴere, de teddinirɗaa kam nii? Sabo wo mi beero tan.

Ruttu 2:10 ပူးပေါင်းရင်းမြစ်များ

Fuɗɗoode 18:2

O ɓanti gite makko, o yi'i worɓe tato ina ndarii yeeso makko. Nde o yi'unoo ɓe fu, o harii, o ummii dammbugal hukum ɗoon, o doggi o jakkitowii ɓe. O hippii yeeso maɓɓe, o wi'i:

2 Samuwiila 19:28

De o mbonkii kam miin maccuɗo maaɗa yeeso maa. Ammaa joomam kaananke, aɗa nanndi e maleyka Laamɗo. Ngaɗaa ko hawrani ma fuu.

2 Samuwiila 7:18

Ndeen Daawda naati jooɗii yeeso Joomiraaɗo, wi'i: — Laamɗo Joomiraaɗo, Miin wo mi moy? Ɓeye ngoni koreeji am du faa ngadduɗaa kam to ngonumi ɗo?

2 Samuwiila 9:8

Mefiboset sujidi, wi'i: — Miin maccuɗo maaɗa wo mi ɗume faa taykoɗaa kam, miin rawaandu waatundu ndu?

Lewinkooɓe 19:34

Ndaardon ɗum hono wo sakiike mon dimaaɗo ley leydi ndiin. Njiɗiron mo hono no njiɗirɗon ko'e mooɗon noon sabo onon du, on laatakeno jananɓe leydi Misira. Miin woni Joomiraaɗo, Laamɗo mooɗon.

Matta 25:35

Sabo mi yolbiino, de on nyaamnii kam. Mi ɗomɗiino, de on njarnii kam. Mi laatakeno beero, de on njaɓɓake kam.

Luuka 1:43

Miin, wo mi ɗume faa inna Joomiraaɗo wari to am?

Luuka 1:48

sabo o yurmake kam, miin, korɗo makko leeƴuɗo. Gilla joonin jamaanuuji fuu noddiran kam barkinaaɗo.

Romankooɓe 12:10

Njiɗunduree njinngu sakiraagu, mono fuu teddina banndum faa ɓurna ɗum hoore muuɗum.

Ruttu 2:11

Bo'as jaabii mo wi'i: — Mi humpitaama ko ngaɗanɗaa esa debbo gilla maayde gora e no njoppirɗaa baaba maaɗa e inna maaɗa e leydi ɗo ndimaɗaa, de ngarɗa to lenyol ngol a anndaano arande.

Ruttu 2:13

Ruttu jaabii, wi'i: — Joomam, mi heɓi moƴƴere yeeso maaɗa. Sabo a haalii kam haalaaji belɗi, a waaltini ɓernde am du miin korɗo maaɗa, tawi mi hewtaay fay gooto hakkunde horɓe maaɗa.

Ruttu 2:19

Esiiko debbo oon ƴami mo, wi'i: — Toy cuɓoyɗaa gabbe ɗee fuu hannden? Toy ngolloyɗaa? Joomiraaɗo barkinɗin neɗɗo teddinɗo ma oon. Ndeen Ruttu haalani mo haala mo o nyalli imo golla ley ngesa muuɗum oon. O wi'i: — Jeyɗo ngesa nga ngollumi e muuɗum hannden oon ina wi'ee Bo'as.

Ruttu 2:2

Nyannde gomma Ruttu Mo'abinkeejo oon wi'i Na'omi: — Accu mi yaha ley gese, mi jokka taƴooɓe, mi suɓaa cammeeje keddiiɗe, si tawi won jaɓɓiiɗo kam. Ndeen o jaabii, o wi'i: — Yahu, suka am.

Ruttu 2:9

Ndaaru wooɗa ɗo ɓe taƴata nder ngesa ngaan, de njokkaa caggal maɓɓe. Mi yamirii du taa taƴooɓe ɓeen meeme. Si aɗa ɗomɗii du, njahaa, njaruwaa to looɗe ɗe gollooɓe am ɓeen ƴoogi kebbini ɗeen.

1 Samuwiila 25:23

Nde Abigayil yiinoo Daawda ndeen, o harii o jippii dow araawa de o sujidi e leydi yeeso Daawda.