Romankooɓe 8:31 - Dewtere Laamɗo Fulfulde Burkina Faso

³¹ Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?

Romankooɓe 8:31 ပူးပေါင်းရင်းမြစ်များ

Fuɗɗoode 15:1

Caggal ɗuum, konngol Joomiraaɗo wari e Abram, wi'i: — Taa hulu Abram! Miin woni wawaade maaɗa, mbarjaari maa mawnan sanne.

1 Kaanankooɓe 8:57

Joomiraaɗo, Laamɗo men wonda e meeɗen hono no wondirnoo e maamiraaɓe meeɗen noon. Taa o acca en, taa o yoppa en.

2 Kaanankooɓe 6:16

Elisey jaabii mo wi'i: — Taa hulu. Wallooɓe en ɓeen na ɓuri ɓe ɗuuɗude.

1 Kabaaruuji Laamiiɓe 19:15

Nde Amoninkooɓe paamunoo Siiriyankooɓe ndoggii fu, kam'en du ndoggi yeeso Abisay sakiike Yo'ab oon, naati ley galluure ndeen. Yo'ab du naati ley Urusaliima.

1 Kabaaruuji Laamiiɓe 5:22

Wayɓe maɓɓe heewɓe caami sabo wolde ndeen to Laamɗo ƴuuri. Ɓe njooɗii nokkuuje muɓɓen faa hewti wakkati yaareede maɓɓe maccungaaku.

Limle 14:9

Ammaa taa muurtanee Joomiraaɗo. Taa kulee yimɓe leydi ndiin sabo en njaaɓan ɓe. Ndeenaagu maɓɓe dilli yoppii ɓe, ammaa enen le, Joomiraaɗo na wondi e meeɗen. Taa kulee ɓe.

Matta 1:23

«Surbaajo mo anndaa gorko reedan, rima ɓiɗɗo gorko. O inndirte Imanuwel.» Maanaa innde ndeen wo: «Laamɗo ina wondi e meeɗen».

Romankooɓe 3:5

Ɗo mi haaldan hono no woɓɓe kaaldata ni: si oonyaare meeɗen ina ɓeyda hollude fonnditaare Laamɗo ndeen, noy mbi'eten? Yalla en mbi'an Laamɗo wo oonyiiɗo si jippinii tikkere muuɗum dow meeɗen naa?

Romankooɓe 4:1

Ɗume mbi'eten dow Ibrahiima maami en oon? Ɗume o ekitii dow kabaaru oon?

Fillitagol 33:29

Aan Israa'iila, a heɓii barke. Moy wa'i hono maaɗa ni? Aan woni lenyol ngol Joomiraaɗo hisini. Imo laatanii ma wawaade reenoore ma, kanko woni kaafaahi kokkoohi ma jaalorgal. Wayɓe mon turoyto yeeso mooɗon saabe kulol, onon du njaaɓon kunkuuji maɓɓe.

Yoosuwa 10:42

Yoosuwa jaalii laamiiɓe ɓeen e leyɗe muɓɓen fuu, ley orngal konu gootal. Ɗuum fuu waɗii sabo Joomiraaɗo, Laamɗo Israa'iila honani yimɓe muuɗum ley wolde ndeen.

1 Yuhanna 4:4

Sukaaɓe am, onon le, wo on yimɓe Laamɗo, on njaalake annabaaɓe fewreeɓe ɓeen. Sabo Ruuhu Laamɗo gonɗo e mooɗon oon ɓuri gonɗo e adunaaru oon semmbe.

1 Samuwiila 14:6

Yonatan wi'i jokolle tiigiiɗo kaɓitirɗem oon: — War, njehen jipporde worɓe ɓe taadaaka ɓe. Na hasii Joomiraaɗo waɗanan en moƴƴere. Sabo fay huunde haɗataa Joomiraaɗo dannude en, nde wo en keewu de en pamɗu.