Romankooɓe 6:16 - Dewtere Laamɗo Fulfulde Burkina Faso

¹⁶ On paamaay naa? Si on kokkii goɗɗo ko'e mon faa ngollanon ɗum, ɗowtanoɗon ɗum fu, on laatake maccuɓe mo ɗowtantoɗon oon. Ndelle, naa on laatake maccuɓe hakke jaaroowo on e maayde, naa on ɗowtanake Laamɗo jaaroowo on e fonnditaare.

Romankooɓe 6:16 ပူးပေါင်းရင်းမြစ်များ

Fuɗɗoode 4:7

Yalla si a waɗii ko wooɗi, a jaabantaake naa? Ammaa si a waɗaay ko wooɗi fu, hakke na woni e dammbugal maaɗa ina doomi ma, ina filoo nanngude ma. De aan kaa, tinnoɗaa njaaloɗaa ɗum.

Matta 20:4

O wi'i ɓe: «Njehee onon du ngollowon to ngesa am cabiije toon. Mi yoɓan on ko haani yoɓeede.»

Matta 6:24

— Fay gooto waawaa gollande joomiraaɓe ɗiɗo, sabo joomum wanyan gooto, de yiɗa keddiiɗo oon, maa du nanngunduran e gooto, de yawa keddiiɗo oon. On mbaawaa gollande Laamɗo e jawdi fuu nde wootere.

Yuhanna 8:34

Iisaa jaabii ɓe, wi'i: — Goonga kaalanammi on: luttoowo fuu wo maccuɗo luttal.

Romankooɓe 11:2

Laamɗo yoppaay yimɓe muuɗum ɓe suɓinoo gilla arande ɓeen. Yalla on anndaa ko Binndi ɗiin mbi'i nde annabi Iliyaasa woyanannoo Israa'iilankooɓe ɓeen to Laamɗo naa? O wi'ii:

Romankooɓe 12:1

Ndelle sakiraaɓe, miɗo nyaagoo on sanne saabe yurmeende Laamɗo, cakkee ko'e mon laatoɗon sadaka buurɗo, ceniiɗo, belɗo Laamɗo. Ɗum woni dewal ngal kaanɗon rewrude mo ngaal.

Romankooɓe 6:17

Ammaa jettooje ngoodanii Laamɗo! Arande wo on maccuɓe hakke, de joonin on laatake jokkirɓe laawol ngol njannginaɗon ngool e ɓerɗe laaɓuɗe.

1 Korintunkooɓe 3:16

Yalla on anndaa wo on suudu Laamɗo, wooɗi Ruuhu Laamɗo oon ina woni e mooɗon naa?

1 Korintunkooɓe 5:6

Ko mantortoɗon ɗuum wooɗaa! Yalla on anndaa rabilla seeɗa ina ƴuufina conndi ndiibaandi fuu?

1 Korintunkooɓe 6:2

Yalla on anndaa wo yimɓe Laamɗo ɓeen caroytoo adunaaru ndu naa? Ndelle, si onon yimɓe Laamɗo caroytoo adunaaru ndu, ɗume haɗata on saraade ko ɓuri famɗude ɗuum?

1 Korintunkooɓe 6:3

Yalla on anndaa wo enen caroytoo maleyka'en ɓeen naa? Sakko ko woni ley nguurndam ɗam!

1 Korintunkooɓe 6:9

Yalla on anndaa oonyiiɓe naatataa e ley laamu Laamɗo naa? Taa kiilon ko'e mon: fijooɓe e rewooɓe tooruuji, jeenooɓe e worɓe woykuruuɓe e luuɗunkooɓe,

1 Korintunkooɓe 9:13

Yalla on anndaa gollooɓe e ley suudu dewal mawndu ɓeen ina mbuurdi e kulle ɗe yimɓe kokkata suudu nduun ɗeen naa? Yalla on anndaa halfinaaɓe golle hirsirde ɓeen ina keɓa ngeɗu muɓɓen e mayre naa?

1 Korintunkooɓe 9:24

Yalla on anndaa ley doggudu wo yimɓe heewɓe ndoggata, de gooto tan heɓata mbarjaari? Ndelle, ndoggee faa keɓon.

Yoosuwa 24:15

Si ɗowtanaade Joomiraaɗo fotanaay on, ndelle hannden cuɓee mo ɗowtantoɗon, yalla allaaji ɗi maamiraaɓe mon ɗowtantonoo caggal maayo Efaratis ɗiin naa wo allaaji Amorinkooɓe ɓe njooɗiɗon ley leydi muɓɓen ɓeen ɗowtantoɗon. Ammaa miin e suudu am kaa, min ɗowtanto Joomiraaɗo.

2 Piyeer 2:19

Iɓe aadanoo ɗum'en ndimaaku, tawee kamɓe e ko'e maɓɓe, wo ɓe maccuɓe bonanda. Sabo mono fuu wo maccuɗo ko jaalii ɗum.