Romankooɓe 5:5 - Dewtere Laamɗo Fulfulde Burkina Faso

⁵ Jikke oon du waasataake, sabo Ruuhu Ceniiɗo mo kokkaɗen oon hebbinii en njinngu Laamɗo.

Romankooɓe 5:5 ပူးပေါင်းရင်းမြစ်များ

Ayuuba 27:8

Sabo mo hulataa Laamɗo oon, si Laamɗo ittii ɗum, hooƴii yonki mum fu, jikke oye heddanii ɗum katin?

Golle Nelaaɓe 10:45

Alhuudiyankooɓe goonɗinɓe wardunooɓe e Piyeer ɓeen fuu ɗum haaynii ɗum'en, no dokkal Ruuhu Ceniiɗo ngaal saakorii e yimɓe ɓe nganaa Alhuudiyankooɓe ni.

Golle Nelaaɓe 2:17

«Laamɗo wi'ii: E ley balɗe cakitotooɗe ɗe mi jippinan Ruuhu am dow tagaaɓe fuu. Ɓiɓɓe mooɗon worɓe e rewɓe kaaliran annabaaku. Jokolɓe mooɗon nji'an holleede, nayeeɓe mooɗon koyɗinte.

Golle Nelaaɓe 2:33

Laamɗo ɓantii mo, heedinii mo gere nyaamo muuɗum. O heɓi e Baabiiwo Ruuhu Ceniiɗo hono no aadorinoo noon, o saaki ɗum. Joonin oɗon nji'a ɗum, oɗon nana ɗum.

Romankooɓe 1:7

Miɗo jowta on fuu, onon wonɓe ley Roma ɓe Laamɗo horsini de noddi faa laatoo seniiɓe. Wo Laamɗo Baaba meeɗen e Joomiraaɗo men Iisaa Almasiihu kokku on moƴƴere e jam.

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

Romankooɓe 9:33

hono no Binndi ɗiin mbiiri ni: «Inan, mi joƴƴinan e Siyona hayre nde yimɓe pergotoo e muuɗum, tefaare liɓoore ɗum'en. De goonɗinɗo nde fuu semtintaake.»

1 Korintunkooɓe 8:3

Ammaa neɗɗo fuu jiɗɗo Laamɗo, Laamɗo ina anndi ɗum.

2 Korintunkooɓe 1:22

Katin kanko waɗi maande makko e meeɗen, o watti Ruuhu makko e ɓerɗe meeɗen laatoo maande laaɓinanoore en en keɓan moƴƴereeji garooji.

2 Korintunkooɓe 3:18

Enen ɓe geese muɓɓen cudditaa ɓeen fuu, eɗen tiima darja Joomiraaɗo hono ley daandorgal, ina yaynana en. Imo waylita en faa nannden e makko tagaadi, darja makko ina ɓeydana en yahude yeeso. Ɗum woni golle Joomiraaɗo, laatiiɗo Ruuhu oon.

2 Korintunkooɓe 4:6

Sabo Laamɗo wi'ii: «annoora yaynu e ley nimre.» Kam yaynini annoora muuɗum e ley ɓerɗe amin, faa anndina min darja muuɗum jaynoowo, gonɗo e yeeso Almasiihu.

Galaatiyankooɓe 4:6

Saabe wo on ɓiɓɓe Laamɗo du, o nuli Ruuhu Ɓiyiiko oon e ley ɓerɗe meeɗen. Ruuhu oon waɗata de noddiren Laamɗo «Abba».

Galaatiyankooɓe 5:22

Ammaa ko Ruuhu Ceniiɗo rimata e meeɗen ɗuum woni njinngu e seyo e jam e munyal e moƴƴuki e mbooɗirka e hoolnaare

Efeesunkooɓe 1:13

Onon hawtuɓe e Almasiihu du, on nanii konngol goongawol ngool, ɗum woni Kabaaru Lobbo kisinɗo on oon. Nde ngoonɗinnoɗon Almasiihu ndeen, Laamɗo wattii e mooɗon maande muuɗum nde hokkunoo on Ruuhu Ceniiɗo mo aadaninoo on.

Efeesunkooɓe 4:30

Taa mettinanee Ruuhu Laamɗo Ceniiɗo, sabo Laamɗo waɗi maande Ruuhu oon e mooɗon saabe nyalaande nde Laamɗo rimɗinta on ndeen.

Filipiyankooɓe 1:20

Ko woni e hakkillo am e ko keɗiimi sanne, wo mi hersataa e dow fay huunde. Wooɗi du, mi heddodoo e cuusal faa ko hewtii kam fuu mawnina Almasiihu gilla joonin faa abada, nde mbuurumi e nde maayumi fuu.

1 Tesaloniyankooɓe 4:8

Ndelle, caliiɗo ko haalaa joonin ɗuum fuu, wanaa neɗɗo salanii. Wo Laamɗo, kokkuɗo on Ruuhu muuɗum Ceniiɗo oon, o salanii.

2 Tesaloniyankooɓe 2:16

Joomiraaɗo meeɗen Iisaa Almasiihu, kam e Laamɗo Baaba meeɗen njiɗi en, de cellini ɓerɗe men faa abada, kokki en jikke lobbo saabe moƴƴere muɓɓen.

2 Timote 1:12

Ɗuum waɗi de miɗo torree du. Ammaa mi semtaay, sabo miɗo anndi mo ngoonɗinmi oon. Miɗo tannyori du imo waawi reenude kam, ko kalfinmi mo hoore am ɗuum faa nyannde gartol makko.

1 Yuhanna 4:19

Enen le, eɗen njiɗunduri sabo kanko artii yiɗude en.