Romankooɓe 4:15 - Dewtere Laamɗo Fulfulde Burkina Faso

¹⁵ Sabo jamirooje Tawreeta ɗeen wo jukkungo Laamɗo ngaddata. De si jamirooje ngalaa fu, lutti du ngalaa.

Romankooɓe 4:15 ပူးပေါင်းရင်းမြစ်များ

2 Kaanankooɓe 22:13

Njehee ƴamowee Joomiraaɗo kabaaru am, miin e yimɓe Yahuuda fuu dow ko winndaa ley dewtere yiitaande ɗuum, sabo Joomiraaɗo tikkanii en sanne ko maamiraaɓe meeɗen kettindaaki haala mayre faa ɗowtanoo ko winndaa ley mayre ɗuum.

Limle 32:14

De onon, lenyol waɗooɓe hakke, inan oɗon ndewa laawol ngol baabiraaɓe mooɗon ndewunoo faa ɓeydon tikkere Joomiraaɗo dow Israa'iila!

Yuhanna 15:22

Si mi waraayno, mbaajiimi ɓe, ɓe ngalaano hakke. De joonin kaa mi warii, mi waajake ɓe, ɓe ngalaa geldol fuu e dow hakkeeji maɓɓe.

Yuhanna 3:36

Goonɗinɗo Ɓiɗɗo oon heɓii nguurndam nduumiiɗam. Mo goonɗinaay Ɓiɗɗo oon heɓataa ɗam, tikkere Laamɗo du ina heddii e muuɗum.

Romankooɓe 1:17

Sabo Kabaaru Lobbo oon ina ɓangina no Laamɗo fonnditorii, ina ɓangina wo e goonɗinal tan neɗɗo ndaardetee ponnditiiɗo yeeso Laamɗo, illa fuɗɗoode faa e timmoode. Wo noon Binndi ɗiin mbiiri: «Ponnditiiɗo wuurdan goonɗinal.»

Romankooɓe 5:13

Si goonga, gilla Tawreeta Muusaa oon jippinaaka, hakkeeji ina ngoodi e adunaaru ndu. De si jamirooje Tawreeta ngalaa, hakkeeji kiisataake.

1 Korintunkooɓe 15:56

Tooke pooɗooje maayde wo hakke. Hakke du hemrii baawɗe saabe jamirooje Tawreeta.

Galaatiyankooɓe 3:10

Ammaa yowuɓe jikke muɓɓen e jokkude Tawreeta Muusaa ɓeen kuddi ina woni dow muɓɓen. Sabo ina winndaa: «Kuddi woodanii neɗɗo fuu mo jokkaay ko woni e dewtere Tawreeta ndeen faa hiɓɓi.»

Galaatiyankooɓe 3:19

Ndelle, ɗume Tawreeta Muusaa nafata? O ɓeydaama dow amaana faa o ɓangina hakkeeji fadde ƴuuruɗo e Ibrahiima podanaaɗo amaana oon e warde. Laamɗo rewnii Tawreeta oon faro maleyka'en de ɓeen kokki curoowo waddana o yimɓe.

Efeesunkooɓe 5:6

Taa fay gooto hiilira on haalaaji ɓoli, sabo hono majji caabotoo tikkere Laamɗo e dow saliiɓe ɗum ɓeen.

Koloosiyankooɓe 3:6

Saabe hakkeeji ɗiin tikkere Laamɗo jippoto e dow saliiɓe goonɗinde mo ɓeen.

1 Yuhanna 3:4

Golluɗo ko boni fuu, luttii jamirooje Laamɗo. Sabo gollude ko boni wo luttude jamirooje.

Holleede 19:15

Kaafaahi mbelki ina wurtoo e hunnduko makko. E kanki o soppirta laamorɗe adunaaru, de o laamoroo ɗe sawru njamndi. O dampan e ɓoosirde cabiije yaltinoore tikkere Laamɗo jom baawɗe mawnde.