Romankooɓe 2:5 - Dewtere Laamɗo Fulfulde Burkina Faso

⁵ Ammaa ko a joorɗo ɓernde, a caliiɗo tuubude ɗuum, aɗa waddana hoore maa tikkere Laamɗo nyannde Laamɗo ɓanginta tikkere muuɗum e sariya mum ponnditiiɗo oon.

Romankooɓe 2:5 ပူးပေါင်းရင်းမြစ်များ

Ayuuba 21:30

Ay, nde nyalaande bone finii fu, bonɗo oon hisii baasi, nyalaande nde tikkere rufi fu, joomum wo kisinteeɗo.

Wurtagol 14:17

Mi yoornan ɓerɗe Misirankooɓe faa ɓe njokka on. Innde am teddinte saabe ko ngaɗanmi Fira'awna e konunkooɓe muuɗum e torkooji pucci muuɗum e waɗɗiiɓe pucci muuɗum fuu ɗuum.

Wurtagol 32:34

Wooɗi, joonin yahu ardoɗaaa yimɓe ɓeen yaade nokkuure nde kaalannomaami haala muuɗum ndeen. Wo maleyka am ardete. E noon fuu, si nyalaande jukkude ɓe warii fu, sikke walaa mi jukkoto ɓe saabe hakke maɓɓe.

Wurtagol 8:15

Ndeen dabarankooɓe ɓeen mbi'i Fira'awna: — Ɗum kaa wo junngo Laamɗo. Ammaa ɓernde Fira'awna heddii ina yoori sanne. O hettindanaaki ɓe. Ɗum laatorii hono no Joomiraaɗo wiirunoo noon.

Banndi 1:18

Ammaa kamɓe kaa ko'e maɓɓe ɓe tuufinta, tuugol maɓɓe ngool wo kamɓe pay nanngata.

Banndi 11:4

Jawdi nafataa nyannde kiite, fonnditaare kam hisinta yonki e maayde.

Banndi 28:14

Jom barke wo kulɗo waɗude ko boni, yoora-hooreejo kaa, saaman nder bone.

Banndi 29:1

Tindinteeɗo de yoorni hoore mum boɓɓoto hela, hunngoo ummaade.

Tindinoowo 12:14

Sabo Laamɗo saroto gollal fuu fay cuuɗiingal, yalla wo lobbal naa bonngal.

Amos 3:10

Yimɓe ɓeen anndaa waɗude ko dartii. Noon Joomiraaɗo wi'i. Iɓe kebbini laamorɗi maɓɓe jawdi teetiraandi semmbe.

Romankooɓe 1:18

Tikkere Laamɗo ina ɓanga illa dow kammu ina jippoo dow luttugol yimɓe e oonyaare muɓɓen fuu. Iɓe kaɗa goonga ɓangude saabe oonyaare maɓɓe ndeen.

Romankooɓe 11:25

Sakiraaɓe, mi yiɗaa ndullon ko suuɗi ɗum ɗo, heɓa taa ndaardon ko'e mon wo on jom'en hakkillo: Israa'iilankooɓe laatake yoorɓe ɓerɗe, de ɗum timman wakkati siyiiji yimɓe ɓe nganaa Alhuudiyankooɓe fuu ngoonɗini, naati laamu Laamɗo.

Romankooɓe 9:22

Wooɗi, fay si taweede Laamɗo muuyi ɓanginde tikkere muuɗum e baawɗe muuɗum, o munyanii ɓe o tikkani ɓeen munyal cattungal, ɗum woni haanduɓe e halkude ɓeen.

2 Korintunkooɓe 5:10

Sabo ina tilsi en fuu ndaroɗen yeeso Almasiihu faa careɗen, faa mono fuu heɓa mbarjaari golleeji muuɗum gaɗooji e ɓanndu ndu, nde wo ko wooɗi naa ko boni.

Fillitagol 2:30

Ammaa Sihon kaananke Hesbon oon jaɓaay pecciten leydi muuɗum paltoɗen sabo Joomiraaɗo, Laamɗo mooɗon waɗii o yoornii hoore makko, o sattinii ɓernde makko faa watta o e juuɗe mooɗon no worri hannden noon.

Fillitagol 32:34

Ɗum fuu, wanaa iɗum suuɗii ɗakkol am naa? Wanaa iɗum resii ley cuuɗi am desirɗi naa?

2 Tesaloniyankooɓe 1:5

Ɗum fuu na holla sariya Laamɗo na fonnditii. Laamɗo na waɗa on faa laatoɗon fotuɓe naatude laamu muuɗum. Wo saabe maggu de oɗon torree.

Ibraninkooɓe 3:13

Ammaa cemmbunduron ɓerɗe mon nyannde fuu haddi na wi'ee «hannden» taa luttal hiila on, de yoorna ɓerɗe mon.

Ibraninkooɓe 3:15

Wo hono no Binndi ɗiin mbiiri: «Hannden, si on nanii daande makko, taa njoornee ɓerɗe mon hono no maamiraaɓe mooɗon ngaɗirnoo de muurti ni.»

Ibraninkooɓe 4:7

Ndelle Laamɗo waɗi sarɗi goɗɗo bi'eteeɗo «hannden». O haaliri ɗum e hunnduko Daawda caggal duuɓi keewɗi katin. Ɗum woni aayaare nde njannguɗen naanen ndeen: «Hannden, si on nanii daande makko, taa njoornee ɓerɗe mon.»

Yaakuuba 5:3

Kaŋŋe mooɗon e cardi mooɗon fuunii. Puundi ndiin laatantoo on seedaaku bonanda mooɗon, nyaama terɗe mooɗon hono no yiite ni. On ndesanii ko'e mooɗon jawdi ley balɗe cakitotooɗe.

Yoosuwa 11:20

Joomiraaɗo e hoorem yoorni ɓerɗe maɓɓe faa ɓe ngaɗa konu e Israa'iila, heɓa ɓe kalkee, taa ɓeen njurmoo ɓe, hono no Joomiraaɗo yamirnoo Muusaa ni.

2 Piyeer 2:9

Ɗum fuu ina holla Joomiraaɗo ina waawi reenude ɗowtaniiɓe ɗum ɓeen e ndaartindooje, ina waawi katin resande oonyiiɓe ɓeen jukkungo faa nyannde darngal,

2 Piyeer 3:7

Wo e konngol makko ngool du, kammu e leydi ɗo ngonɗen e muuɗum joonin ndesanaama yiite faa nyannde darngal. Wakkati oon yedduɓe Laamɗo ɓeen kalkete.

Yahuuda 1:6

Miccitoɗon du no maleyka'en woɓɓe muurtiri, keddaaki ley keerol baawɗe ɗe Laamɗo darnannoo ɗum'en, de njoppi joonnde muɓɓen. Saabe ɗum, Joomiraaɗo watti ɓe ley nimre faa kiite nyannde darngal, geƴƴirii ɓe geƴƴelle duumiiɗe.

Holleede 2:21

Mi hokkii mo wakkati no o tuubira, ammaa o yiɗaa tuubude e fijirde makko ndeen.

Holleede 6:17

Sabo nyannde tikkere maɓɓe mawnde ndeen yottake. Moy waawi daɗude?

1 Samuwiila 6:6

Ko waɗi oɗon njoorna ko'e mooɗon hono no Misirankooɓe e Fira'awna ngaɗunoo? Wanaa Laamɗo tiinnanii ɓe, faa ɓe accii yimɓe ɓeen njaha de ndilli naa?