Romankooɓe 2:29 - Dewtere Laamɗo Fulfulde Burkina Faso

²⁹ Wo ko yi'ataake ɗuum waɗata neɗɗo Alhuudiyanke jaati, taadagol du ley ɓernde muuɗum tawetee. Wo Ruuhu gollata ɗum, wanaa binndi. Manoore neɗɗo oon, wanaa to yimɓe ƴuurata, wo to Laamɗo nde ƴuurata.

Romankooɓe 2:29 ပူးပေါင်းရင်းမြစ်များ

1 Kabaaruuji Laamiiɓe 29:17

Laamɗo am, miɗo anndi aɗa hiinya miilooji ɓernde ɓii-Aadama fuu. Aɗa yiɗi dartaare. Mi hokkii ma dokke yardamuye ɗee fuu e ɓernde laaɓunde. Ɓernde am na seyii sanne ko yimɓe maaɗa wonɓe ɗo joonin ɓee fuu kokkata dokke muɓɓen yardamuye ɗuum.

Luuka 11:39

De Iisaa wi'i mo: — Onon Farisa'en, oɗon lawƴa caggal kore e caggal kaake, tawee le, ɓerɗe mooɗon ina keewi nguyka e bonanda!

Luuka 17:21

Fay gooto waawaa wiide inani ɗum naa inana ɗum, sabo anndee, laamu Laamɗo ina woni hakkunde mooɗon.

Yuhanna 12:43

Sabo yimɓe mana ɓe, ɗum ɓurani ɓe Laamɗo mana ɓe.

Yuhanna 4:23

Wakkati ina wara, yottake jaati, nde rewirooɓe Laamɗo goonga ɓeen ndewirta ɗum Ruuhu e goonga. Wo rewooɓe hono ɓeen Baabiiwo filotoo.

Yuhanna 5:44

Oɗon manundura, de on pilataako manooje ƴuurooje to Laamɗo gooto. Ndelle noy mbaawruɗon goonɗinirde?

Romankooɓe 14:17

Sabo laamu Laamɗo wanaa kabaaru nyaamdu naa njaram, wo kabaaru fonnditaare e jam e seyo ley kawtal Ruuhu Ceniiɗo.

Romankooɓe 2:27

Mo taadaaki de na hayba Tawreeta Muusaa oon, kam saroyte aan luttuɗo Tawreeta oon, fay si a taadiiɗo annduɗo Binndi ɗiin.

Romankooɓe 3:1

Ndelle, ɗume Alhuudiya'en ɓurdi lenyi goɗɗi? Ɗume woni nafaa taadagol?

Romankooɓe 7:6

Ammaa joonin, en ndimɗinaama e Tawreeta. Fodde Tawreeta kaɓɓunooɗo en oon, en laatake maayɓe, faa mbaawen gollande Laamɗo dow laawol kesol ngol Ruuhu muuɗum hawjii, wanaa dow laawol kiinngol ngol binndi njamirnoo.

1 Korintunkooɓe 4:5

Ndelle, taa caree fay gooto illa wakkati oon yottaaki, illa Joomiraaɗo waraay. Kam yaltinta ko suuɗinoo e nimre, kam ɓanginta anniyaaji ɓerɗe yimɓe. Nyannde ndeen, mono fuu heɓan to Laamɗo jettooje ɗe foti heɓude.

1 Korintunkooɓe 7:19

Taadaade e rafi taadaade fuu walaa ko nafata. Ko nafata dey, wo jokkude jamirooje Laamɗo.

2 Korintunkooɓe 10:18

Sabo wanaa jinnganoowo hoore muuɗum woni jaɓaaɗo, ammaa jaɓaaɗo woni mo Joomiraaɗo jinngani.

2 Korintunkooɓe 3:6

Kam waɗi min fotuɓe laataade gollanooɓe amaana keso. Amaana oon yowaaki dow jamirooje binndaaɗe, wo dow Ruuhu yowii. Sabo jamirooje binndaaɗe ɗeen wo jaarooje to maayde, ammaa Ruuhu oon na hokka nguurndam.

Fillitagol 10:16

Saabe majjum dee, keyɗintinee ɓerɗe mooɗon. Taa keddee e yoornude ko'e mon,

Fillitagol 30:6

Joomiraaɗo, Laamɗo mooɗon heyɗintinan ɓerɗe mon, onon e ƴuwdi mooɗon faa njiɗiron ɗum e ɓerɗe mon fuu, e yonkiiji mon fuu, de mbuuron e jam.

Filipiyankooɓe 3:3

Sabo wo enen ngoni taadiiɓe jaati ɓeen, eɗen teddinira Laamɗo e ballal Ruuhu muuɗum, eɗen mantoroo Iisaa Almasiihu, en njowaay jikke men dow golleeji ɓanndu.

1 Tesaloniyankooɓe 2:4

Ammaa Laamɗo yardake min faa halfini min Kabaaru Lobbo oon. Wo hono noon min mbaajortoo. Wanaa ko welata yimɓe min pilotoo. Ko welata Laamɗo kumpitiiɗo ɓerɗe amin oon min pilotoo.

1 Piyeer 3:4

Tinnee e soɗagol cuuɗiingol faa ɓerɗe mon coɗoroo jam e heese, ɗum woni soɗagol ngol timmataa. Ngool woni soɗagol korsungol to Laamɗo.

1 Samuwiila 16:7

Ammaa Joomiraaɗo wi'i Samuwiila: — Taa taykoɗaa alhaali makko naa darnde makko, sabo mi salake mo. Joomiraaɗo ndaarataa kulle ɗe neɗɗo ndaarata. Neɗɗo na ndaara ko nanngata gite, Joomiraaɗo kaa na ndaara ɓernde.