Romankooɓe 15:3 - Dewtere Laamɗo Fulfulde Burkina Faso

³ Sabo fay Almasiihu jokkaay mbelirka yonki muuɗum, ammaa laatake no winndiraa ni: «Mbonkaaji mbonkiiɓe ma ɗiin e am njani.»

Romankooɓe 15:3 ပူးပေါင်းရင်းမြစ်များ

Matta 10:25

Ina heƴa ko taalibbo laatoo hono moodibbom, maccuɗo du laatoo hono joomum. Si ɓe inndirii kam, miin jom wuro «Beeljebul mawɗo ginnaaji» fu, tilay ɓe inndiran on, onon yimɓe wuro du noon.

Matta 26:39

O toowti seeɗa, o hippi yeeso makko e leydi, imo du'oo, imo wi'a: — Baabiiwo, si tawii ina laatoo, woɗɗinam horde torra nde. Ammaa taa laatoroo no muuyirmi, laatoroo no muuyirɗaa aan.

Matta 26:42

O yehi katin, o du'ii, o wi'i: — Baabiiwo, si tawii horde bone nde waawaa woɗɗineede si wanaa mi yara ɗum fu, muuyɗe maa laatoo.

Matta 27:44

Yanooɓe tontaaɓe ɗakkol makko ɓeen du ina mbonkoroo mo noon.

Yuhanna 15:10

Si on njokkii jamirooje am, on ngonan ley njinngu am hono no njokkirmi jamirooje Baaba am de ngonumi e njinngu muuɗum ni.

Yuhanna 15:24

Mi gollii golleeji yeeso maɓɓe ɗi fay gooto gollaay. Si mi gollaayno kujje ɗeen fu, ɓe ngalaano hakke. Ammaa joonin ɓe nji'ii ɗe fuu, de iɓe keddii iɓe mbanyi kam, miin e Baaba am.

Yuhanna 4:34

Iisaa wi'i ɓe: — Nyaamdu am wo waɗude muuyɗe Nulɗo kam oon e yottinde golle muuɗum.

Yuhanna 5:30

Miin, walaa fuu ko mbaawumi gollude e hoore am. Ko nanumi ɗuum carotoomi. Sariya am ina dartii, sabo mi filataako muuyɗe am, wo muuyɗe Nulɗo kam oon pilotoomi.

Yuhanna 6:38

Sabo wanaa faa mi waɗa muuyɗe am ƴuurirmi dow kammu, wo faa mi waɗa muuyɗe Nulɗo kam oon.

Yuhanna 8:29

Nulɗo kam oon ina wondi e am, o yoppaay kam mi perwuɗo, sabo ko weli mo tan ngaɗammi wakkati fuu.

2 Korintunkooɓe 8:9

Sabo oɗon anndi moƴƴere Joomiraaɗo meeɗen Iisaa Almasiihu: kam jom jawdi oon, waɗii hoore muuɗum talkaajo saabe mooɗon faa laatoroɗon joomiraaɓe jawdi talkaaku muuɗum nguun.

Filipiyankooɓe 2:5

Ngorron hakkunde mooɗon hono no Iisaa Almasiihu worrunoo:

Filipiyankooɓe 2:8

O leeƴini hoore makko, o ɗowtanii Laamɗo faa o maayi, maayde dow leggal.