Romankooɓe 12:8 - Dewtere Laamɗo Fulfulde Burkina Faso

⁸ Mo o hokki dokkal semmbinɗina yimɓe, o semmbinɗina ɗum'en. Mo o hokki dokkal moƴƴande woɓɓe du, o hokkira e yardaamuye. Mo o hokki dokkal ardaade, o ardoroo tinnaare. Mo o hokki dokkal yurmeende du, o yurmoroo woɓɓe e seyo.

Romankooɓe 12:8 ပူးပေါင်းရင်းမြစ်များ

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

Banndi 22:9

Moƴƴuɗo barkinte, sabo na yeɗa talkaaɓe nyaamdu muuɗum.

Tindinoowo 11:6

Si weetii fu aawaa aawre maa, si hiirii du taa ŋottin juuɗe maa, sabo a anndaa ndiye woni puɗoori, ndii ɗo naa ndii to, naa yalla ndi fuu ndi wooɗan.

Tindinoowo 9:10

Ko ngollataa ɗuum, ngolliraa ɗum semmbe maa, sabo saabeere to ponndiɗaa toon, golle ngalaa, dabare walaa, anndal walaa, hakkilantaaku du walaa.

Matta 25:40

Kaananke oon jaaboto ɓe wi'a: «Goonga kaalanammi on: ko ngaɗanɗon gooto e ɓurɗo famɗude ley sakiraaɓe am ɓeen fu, wo miin ngaɗanɗon.»

Golle Nelaaɓe 11:23

Nde oon yottinoo de yi'i e maɓɓe moƴƴere Laamɗo fu, seyii, tindini ɓe fuu ɓe tinnoo, ɓe tabita e Joomiraaɗo e ɓerɗe laaɓuɗe.

Golle Nelaaɓe 13:12

Nde kaananke oon yi'unoo ko waɗi ɗuum ndeen, goonɗini Iisaa. Waaju haala Joomiraaɗo kaan haaynake ɗum.

Golle Nelaaɓe 13:15

Caggal janngeede Tawreeta Muusaa e dewte annabaaɓe, hooreeɓe waajordu nduun neli ɓe noddee ɓe ngara yeeso muɓɓen. Ɓe mbi'i: — Sakiraaɓe, si oɗon njogii haala cemmbinooha yimɓe ɗo fu, kaalee.

Golle Nelaaɓe 15:32

Yahuuda e Silas wo annabaaɓe. Ɓe mbaaltiniri ɓerɗe sakiraaɓe e haalaaji keewɗi, ɓe cemmbini ɗum'en.

Golle Nelaaɓe 20:2

O yiiltii ley leydi ndiin, imo semmbina yimɓe toon e waajuuji keewɗi. Caggal ɗuum, o yottii Geres.

Golle Nelaaɓe 20:28

Ndeenee ko'e mooɗon, ndeenon coggal ngal Ruuhu Ceniiɗo halfini on faa kaybon ngaal. Laatoɗon durooɓe kawrital goonɗinɓe Laamɗo, ngal soodiri ƴiiƴam ɓiyum.

Golle Nelaaɓe 4:36

Ina woodi ɗoon goɗɗo bi'eteeɗo Yuusufi, mo nulaaɓe ɓeen coowirannoo Barnabas (ɗum na fiirta «Ɓii cellinoowo ɓerɗe»). Wo o ƴuuruɗo e lenyol Lewi, dimaaɗo Kipirus.

Romankooɓe 12:13

Mballee seniiɓe Laamɗo e haajuuji muɓɓen, laatee jaɓɓotooɓe weerɓe.

Romankooɓe 13:6

Ɗum waɗi de oɗon njoɓa lampo, sabo laamiiɓe ɓeen wo gollanooɓe Laamɗo, hokkuɓe wakkatiiji muɓɓen fuu faa laamoo.

1 Korintunkooɓe 12:28

Nii Laamɗo darniri kawrital goonɗinɓe ngaal: ko artii fuu o joƴƴini nulaaɓe, o ɓeydi katin haaldooɓe annabaaku, de o jokkintini jannginooɓe. Caggal ɗuum, o joƴƴini waɗooɓe kaayeefiiji e dannooɓe nyawɓe e wallooɓe e ardotooɓe e haalooɓe ɗemle ɗe anndaaka.

1 Korintunkooɓe 14:3

Ammaa kaaloowo konngol annabaaku oon, wo yimɓe haaldata, faa semmbina goonɗinal muɓɓen, sellina ɓerɗe muɓɓen, de feewtina ɗe.

2 Korintunkooɓe 1:12

Inan ko min mantortoo: ɓerɗe amin ina ceedanoo min min mbuurdii e goonga e laaɓal ɓerɗe ƴuurungal to Laamɗo ley adunaaru ndu, sakko hakkunde mooɗon. Min ngaɗiraay ɗum hakkillooji ɓiɓɓe-Aadama, ammaa wo e moƴƴere Laamɗo.

2 Korintunkooɓe 11:3

Ammaa miɗo hula taa hakkillooji mooɗon mbonnee, nanndon e Hawwaa mo mboddi ƴoƴundi hiili oon, de celon jokkude Almasiihu e laaɓal e ɓernde wootere.

2 Korintunkooɓe 8:12

Sabo si neɗɗo anniyake waɗude moƴƴere fu, dokkal ngaal ina weli Laamɗo fodde baawɗe kokkoowo oon. Laamɗo ƴamataa neɗɗo ko walaa.

2 Korintunkooɓe 9:11

Noon du keɓal mon ɓeydorto e huunde fuu, faa mbaawon hokkirde yardaamuye wakkati fuu. Ndeen heewɓe njettan Laamɗo saabe ballal mon ngal min njaaranta ɓe.

2 Korintunkooɓe 9:13

Si ɓe ndaarii ballal mooɗon ngaal, ɓe teddinan Laamɗo saabe ɗowtaare mooɗon holloore seedaaku mon Kabaaru Lobbo haala Almasiihu. Ɓe teddinan mo du saabe ko peccirɗon barkeeji mon e yardaamuye faa kokkon ɓe, kamɓe e yimɓe fuu.

2 Korintunkooɓe 9:7

Mono fuu hokka ko anniyii e ɓernde muuɗum, tawa wanaa e mettorgal, wanaa e doole. Sabo Laamɗo ina yiɗi kokkiroowo seyo.

Efeesunkooɓe 6:5

Onon maccuɓe, ɗowtanoɗon joomiraaɓe mooɗon dow kulol e diwngol tawee e ɓerɗe laaɓuɗe no ɗowtorantoɗon Almasiihu ni.

Fillitagol 15:14

Njardoɗaa kokkaa o daabaaji pamari e alkama e inaboojam e huunde fuu ko Joomiraaɗo, Laamɗo maaɗa barkiniri ma.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Koloosiyankooɓe 3:22

Onon maccuɓe, ɗowtanoɗon joomiraaɓe mooɗon e huunde fuu, tawee wanaa wakkati mo ɓe nji'ata on tan hono filotooɓe weldude e ɓiɓɓe-Aadama. Ko haani dey, ɗowtoranee ɓe e ɓerɗe laaɓuɗe e ley kulol Joomiraaɗo.

1 Tesaloniyankooɓe 2:3

Sabo waaju amin yowaaki dow majjere naa dow anniya bonɗo, ɗum wanaa hiila du.

1 Tesaloniyankooɓe 2:8

Miɗen korsinnoo on sanne, wanaa Kabaaru Laamɗo Lobbo oon tan min njardii hokkude on. Miɗen njardii hokkude on fay yonkiiji amin du, sabo on laatake sakiraaɓe amin horsuɓe.

1 Timote 4:13

Fadde am warude, tinnoɗaa e janngande yimɓe Binndi ceniiɗi, mbaajoɗaa ɓe, paaminaa ɓe.

1 Timote 5:17

Mawɓe kawrital goonɗinɓe dawrooɓe faa wooɗi ɓeen ina kaani teddineede teddeengal manngal, sakko tinniiɓe e waajaade e jannginde ɓeen.

1 Timote 6:18

Sey ɓe ngolla ko wooɗi, ɓe keewa golleeji lobbi no jawdi maɓɓe heewiri noon. Ɓe laatoo moƴƴuɓe, yardiiɓe wallirde woɓɓe e jawdi maɓɓe.

Ibraninkooɓe 10:25

Taa celen hawritinde no woɓɓe ngaɗata ni. Ammaa sanaa cemmbunduren ɓerɗe, sakko ko nji'oton nyalaande Joomiraaɗo ndeen ina ɓadoo warude.

Ibraninkooɓe 13:17

Ɗowtanoɗon ardiiɓe on, njaɓanon ɗum'en, sabo iɓe kaybi yonkiiji mon. Ɓe kaaltanowan Laamɗo golle maɓɓe fuu. Accee ɓe ngollira golleeji ɗiin e seyo, wanaa e mettorgal. Sabo si ɓe ngaɗirii ɗum mettorgal fu, nafataa on.

Ibraninkooɓe 13:22

Sakiraaɓe, miɗo nyaagoo on kettindoree waajuuji ɗiin munyal, sabo ko mbinndanmi on ɗo ɗuum juutaa sanne.

Ibraninkooɓe 13:24

Njowtee ardiiɓe on e seniiɓe ɓeen fuu. Sakiraaɓe ƴuuruɓe Itali ɓeen du ina njowta on.

Ibraninkooɓe 13:7

Miccitee ardiiɓe on, haalanɓe on konngol Laamɗo ɓeen. Miiloɗon dow no ɓe njooɗorii e nguurndam maɓɓe faa ɓe ngaɗi nafaa, nyemmbiton goonɗinal maɓɓe ngaal.