Romankooɓe 11:28 - Dewtere Laamɗo Fulfulde Burkina Faso

²⁸ Ko Alhuudiyankooɓe ɓeen njaɓaay Kabaaru Lobbo oon ɗuum, ɓe laatorii wayɓe Laamɗo, ammaa wo ɗum saabe mooɗon faa keɓon Kabaaru oon. De ko Laamɗo suɓii ɓe ɗuum, ɓe laatake ɓe o yiɗi saabe maamiraaɓe maɓɓe.

Romankooɓe 11:28 ပူးပေါင်းရင်းမြစ်များ

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 28:14

Ƴuwdi maa ɗuuɗan hono gabbe njaareendi, ndi sankitoto faro lettugal e gorgal e soɓɓirre e horɗoore. Lenyi duuniyaaru fuu keɓan barke saabe maa e saabe ƴuwdi maaɗa.

Matta 21:43

Saabe ɗum, miɗo wi'a on: laamu Laamɗo ittete e mooɗon, hokkee yimɓe waɗooɓe ko haani e maggu.

Luuka 1:54

O wallii yimɓe Israa'iila, maccuɓe makko ɓeen, sabo o yeggitaay ko o haaldunoo e maamiraaɓe meeɗen, yurmaade Ibrahiima e ƴuwdi muuɗum faa abada.

Golle Nelaaɓe 14:2

Ammaa Alhuudiyankooɓe saliiɓe goonɗinde ɓeen ummini hakkillooji lenyi goɗɗi, mbonni ɓerɗe muɓɓen faa mbanya sakiraaɓe goonɗinɓe ɓeen.

Golle Nelaaɓe 18:6

Ammaa saabe ko ɓe calanii mo, iɓe njenna mo, o fiɗɗi kaddule makko, o wi'i ɓe: — Si Laamɗo jukkake on fu, wo feloore mooɗon! Miin kaa, mi walaa feloore. Gilla joonin mi yahan to ɓe nganaa Alhuudiyankooɓe.

Romankooɓe 11:11

Ndelle, miɗo ƴama: ko Alhuudiyankooɓe ɓeen pergii ɗuum, yalla wo faa ɓe caama faa abada naa? Wanaa koy! De wo saabe lutti maɓɓe ɗiin, yimɓe ɓe nganaa Alhuudiyankooɓe ɓeen keɓiri kisindam, faa Alhuudiyankooɓe ɓeen kira.

Romankooɓe 11:30

Onon yimɓe ɓe nganaa Alhuudiyankooɓe, arande on calakeno Laamɗo, de joonin kaa on keɓii yurmeende saabe sattere Alhuudiyankooɓe.

Romankooɓe 11:7

Ndelle, ɗume laatii? Ko laatii dey, Israa'iilankooɓe ɓeen keɓaay ko pilotonoo ɗuum, wo ɓe Laamɗo suɓii ɓeen ni keɓi ɗum. Heddiiɓe ɓeen, ɓerɗe muɓɓen njoornaa

Romankooɓe 5:10

Sabo nde laatinoɗen wayɓe Laamɗo ndeen, Laamɗo rewrintinii en e muuɗum saabe maayde Ɓiyum. Ko ndewrintinaɗen e makko joonin ɗuum, sikke fuu walaa en kisinte saabe nguurndam Ɓiyiiko oon du.

Romankooɓe 9:5

Kamɓe ƴuuri e maamiraaɓe Israa'iila arandeeɓe ɓeen. Almasiihu du, neɗɗaaku muuɗum ƴuuri e lenyol ngool. Jettooje ngoodanii Laamɗo tiimuɗo huunde fuu faa abada! Aamiina.

Fillitagol 10:15

Wo e maamiraaɓe mooɗon tan Joomiraaɗo takkondiri de yiɗi ɗum'en, gaɗa muɓɓen du, wo onon taaniraaɓe muɓɓen ɓeen o suɓii hakkunde lenyi keddiiɗi fuu hono no worri hannden noon.

Fillitagol 4:31

Sabo Joomiraaɗo, Laamɗo mooɗon oon, wo Laamɗo jurmotooɗo, o yoppataa on, o halkataa on, o yeggitataa amaana tedduɗo mo o haɓɓidinnoo e maamiraaɓe mooɗon oon.

Fillitagol 8:18

Miccitoɗon Joomiraaɗo, Laamɗo mooɗon sabo wo kam hokkata on semmbe mo keɓirton jawdi ndiin fuu. Noon o tabintinirta amaana mo o waɗidinnoo e maamiraaɓe mooɗon, hono no worri hannden ni.

Fillitagol 9:5

Wanaa saabe dartaare mooɗon e laaɓal ɓerɗe mon waɗi de oɗon njeyta leydi maɓɓe, ammaa wo saabe bonde lenyi ɗiin de Joomiraaɗo, Laamɗo mooɗon teeti ɗi yeeso mon faa tabintina hunayeere nde hunaninoo maamiraaɓe mon Ibrahiima e Isiyaaka e Yaakuuba.