Romankooɓe 10:3 - Dewtere Laamɗo Fulfulde Burkina Faso

³ Ɓe paamaay fonnditaare nde Laamɗo hokkata ndeen, faa ɓe pilanii ko'e maɓɓe dabare laataade fonnditiiɓe. Ɗuum waɗi de ɓe ɗowtanaaki laawol ngol Laamɗo ndaardata neɗɗo wo ponnditiiɗo ngool.

Romankooɓe 10:3 ပူးပေါင်းရင်းမြစ်များ

Nehemiya 9:33

Sikke walaa, a waɗii ko haani faa ndartinaa min. Aan, a goongaajo, a gaɗoowo ko wooɗi. Minen du, min ngaɗii ko boni.

Ayuuba 33:27

O yiman yeeso woɓɓe o wi'a, «Mi waɗii hakke, mi oonyiino ko dartii, ammaa Laamɗo jukkoraaki kam ɗum.

Lewinkooɓe 26:41

Miin du, mi hollan ɓe nganyaandi am, mi yaaran ɓe leydi wayɓe maɓɓe. Nde ɓerɗe maɓɓe mawninkininooɗe ɗeen ngarowi kecciɗi de ɓe njoɓi hakkeeji maɓɓe ɗiin fu,

Luuka 10:29

Kaa jannginoowo Tawreeta oon ina yiɗi heedude e goonga, wi'i mo: — Moy woni gondo am?

Luuka 16:15

Iisaa wi'i ɓe: — Onon le, oɗon moƴƴina ko'e mooɗon yeeso yimɓe, ammaa Laamɗo ina anndi ɓerɗe mon. Sabo ko yimɓe teddinta ɗuum, ina nyiddinii to Laamɗo.

Romankooɓe 1:17

Sabo Kabaaru Lobbo oon ina ɓangina no Laamɗo fonnditorii, ina ɓangina wo e goonɗinal tan neɗɗo ndaardetee ponnditiiɗo yeeso Laamɗo, illa fuɗɗoode faa e timmoode. Wo noon Binndi ɗiin mbiiri: «Ponnditiiɗo wuurdan goonɗinal.»

Romankooɓe 10:2

Miɗo seedanoo ɓe ɓe njinnganii Laamɗo sanne, de jinngi ɗiin ngaldaa e paamal.

Romankooɓe 10:20

Ndeen kaa, annabi Esaaya hulaay wi'ude caggal ɗuum: «Yimɓe ɓe pilaakino kam ɓeen njiitii kam, yimɓe ɓe ƴamanaay kam ɓeen du, mi ɓanganii ɗum'en hoore am.»

Romankooɓe 11:7

Ndelle, ɗume laatii? Ko laatii dey, Israa'iilankooɓe ɓeen keɓaay ko pilotonoo ɗuum, wo ɓe Laamɗo suɓii ɓeen ni keɓi ɗum. Heddiiɓe ɓeen, ɓerɗe muɓɓen njoornaa

Romankooɓe 3:22

o ndaardan goonɗinɓe ɓeen fuu wo fonnditiiɓe saabe goonɗinal muɓɓen Iisaa Almasiihu. Sabo walaa ko senndi yimɓe:

Romankooɓe 3:26

saabe munyal muuɗum. O waɗirii ɗum faa o ɓangina fonnditaare makko ley jamaanu mo ngonɗen o, faa o holla wo o ponnditiiɗo, wooɗi du, neɗɗo fuu goonɗinɗo Iisaa, o ndaardan ɗum ponnditiiɗo.

Romankooɓe 5:19

No salaare neɗɗo gooto waɗiri yimɓe heewɓe luttuɓe ni, hono noon ɗowtaare neɗɗo gooto du waɗiroyta heewɓe ndaardee fonnditiiɓe.

2 Korintunkooɓe 5:21

Almasiihu waɗaay hakke abada. Ammaa Laamɗo yowi hakkeeji meeɗen fuu dow makko, faa kawtal meeɗen e Almasiihu waɗa en fonnditiiɓe yeeso Laamɗo.

Fillitagol 6:25

Ndelle en laatoto dartiiɓe si en tinnake e ɗowtanaade jamirooje ɗe Joomiraaɗo, Laamɗo meeɗen hokki en ɗeen fuu.

Filipiyankooɓe 3:9

mi jeyee e muuɗum. Mi walaa fonnditaare nde mbaawumi heɓude e jokkugol am Tawreeta oon. Mi heɓii fonnditaare saabe ko kooliimi Almasiihu. Kayre woni fonnditaare nde Laamɗo hokki goonɗinɓe mo ɓeen.

2 Piyeer 1:1

Ɓataaki ki to am ƴuuri, miin Simon Piyeer. Mi maccuɗo Iisaa Almasiihu, mi nulaaɗo muuɗum. Miɗo jowta on, onon heɓuɓe goonɗinal korsungal hono ngal amin ngaal saabe fonnditaare Iisaa Almasiihu, Laamɗo meeɗen kisinoowo en oon.