Romankooɓe 1:9 - Dewtere Laamɗo Fulfulde Burkina Faso

⁹ Laamɗo mo ndewammi e ɓernde am fuu e ko ngollanammi Kabaaru Lobbo haala Ɓiyum ɗuum, wo seedee miɗo miccoo on wakkati fuu

Romankooɓe 1:9 ပူးပေါင်းရင်းမြစ်များ

Ayuuba 16:19

Ndaar, fay joonin seedee am ina woni dow kammu, kokkoowo seedaaku am na toon faa dow.

Marka 1:1

Ɗum woni fuɗɗoode Kabaaru Lobbo haala Iisaa Almasiihu Ɓii Laamɗo.

Luuka 18:1

Iisaa banndani ɓe banndol faa hollita ɓe ina tilsi ɓe keddodoo e du'aare, taa ɓe njoppa saabe tampiri.

Golle Nelaaɓe 12:5

Ɗum waɗi de Piyeer haybaa e ley kasu nguun, ammaa kawrital goonɗinɓe ngal selaay nyaaganaade mo Laamɗo.

Golle Nelaaɓe 19:21

Caggal ɗuum, Pool siini feƴƴitinde Makedoniya e Akaya faa fonndoo Urusaliima. O wi'i: — Si mi tilake toon fu, tilay mi yaha Roma du.

Golle Nelaaɓe 24:14

Ammaa miɗo jaɓi yeeso maa: miɗo rewri Laamɗo maamiraaɓe meeɗen oon e laawol ngol ɓe mbi'ata feerewol ngool. Miɗo goonɗini ko winndaa e Tawreeta Muusaa ɗuum e ko winndaa e dewte annabaaɓe ɗuum fuu.

Golle Nelaaɓe 27:23

Jemma hankin, Laamɗo jeyɗo kam mo ndewammi oon nuli maleyka to am.

Golle Nelaaɓe 3:26

Nde Laamɗo ummintinnoo Iisaa golloowo muuɗum oon fu, wo e mooɗon o artii nulde ɗum. O nuli ɗum faa o barkina on e ley ko o ooncata mono fuu yoppa golleeji muuɗum bonɗi.

Romankooɓe 9:1

Wo goonga kaalammi miin kawtuɗo e Almasiihu, mi fenataa. Ɓernde am nde Ruuhu Ceniiɗo ɗowata ndeen, ina seedanoo kam miɗo haala goonga.

2 Korintunkooɓe 1:23

Laamɗo na seedanoo kam, o jukkoo kam si mi fewii: wo faa taa mi haɓa e mooɗon waɗi de mi yeccaaki Korintu.

2 Korintunkooɓe 11:31

Jettooje ngoodanii Laamɗo Baaba Iisaa Joomiraaɗo meeɗen faa abada. Kam anndi mi fenaay.

Galaatiyankooɓe 1:20

Ko mbinndanammi on ɗuum ɗo wo goonga, Laamɗo na seedii mi fenaay.

Efeesunkooɓe 6:18

Wakkati fuu ngaɗon du'aawuuji e nyaagundeeji e ballal Ruuhu Ceniiɗo. Kakkilee taa on celu waɗande seniiɓe ɓeen fuu du'aare.

Filipiyankooɓe 1:3

Miɗo yetta Laamɗo nde miccitiimi on fuu.

Filipiyankooɓe 1:4

Wakkati ndu'antoomi on fuu, wo e seyo.

Filipiyankooɓe 2:22

De Timote kaa, oɗon anndi no holliri neɗɗaaku muuɗum lobbu, sabo wallii kam e waajaade Kabaaru Lobbo hono no ɓiɗɗo wallirta bammum ni.

Filipiyankooɓe 3:3

Sabo wo enen ngoni taadiiɓe jaati ɓeen, eɗen teddinira Laamɗo e ballal Ruuhu muuɗum, eɗen mantoroo Iisaa Almasiihu, en njowaay jikke men dow golleeji ɓanndu.

1 Tesaloniyankooɓe 1:2

Miɗen njetta Laamɗo wakkati fuu saabe mooɗon on fuu. Min celataa miccitaade on e ley du'aawuuji amin.

1 Tesaloniyankooɓe 3:10

Jemma e nyalooma miɗen nyaagoo Laamɗo e semmbe faa min nji'a on katin, faa min kiɓɓina ko nyaki e goonɗinal mon.

1 Tesaloniyankooɓe 5:17

Taa celon waɗude du'aare.

1 Timote 2:7

Wo saabe kabaaru o Laamɗo waɗiri kam baajotooɗo e nulaaɗo faa mi faamina yimɓe ɓe nganaa Alhuudiyankooɓe ɓeen goonɗinal e goonga. Goonga kaalammi, mi fenaay.

2 Timote 1:3

Miɗo yetta Laamɗo mo ngollanammi oon. Miɗo gollirana mo ɓernde nde walaa feloore, hono no maamiraaɓe am ngaɗirnoo ni. Jemma e nyalooma fuu mi selataa miccitaade ma e ley du'aawuuji am,

Filemon 1:4

Filemon, wakkati nde miccitiimi on ley du'aare fu, miɗo yetta Laamɗo mo teddinammi.

1 Samuwiila 12:23

Min kaa, mi yiɗaa selude du'anagol on. Si mi waɗii noon fu, wo hakke to Joomiraaɗo. Mi jannginan on laawol lobbol ponnditiingol.