Romankooɓe 1:30 - Dewtere Laamɗo Fulfulde Burkina Faso

³⁰ wo ɓe mbonkotooɓe, wanyuɓe Laamɗo. Wo ɓe huyfinooɓe yimɓe, wo ɓe mawninkiniiɓe, mantotooɓe. Iɓe piloo laabi kesi faa ɓe ngaɗa ko boni. Iɓe calanoo saaraaɓe maɓɓe.

Romankooɓe 1:30 ပူးပေါင်းရင်းမြစ်များ

1 Kaanankooɓe 20:11

Kaananke Israa'iila jaabii ɓe wi'i: — Mbi'on mo: Ɓornotooɗo kaɓitirɗe muuɗum faa yaha konu haanaa mawninde hoore muuɗum hono keɓoyɗo jaalagol de warti na ɓorto.

Banndi 24:8

Miilotooɗo waɗude ko boni, wo umminoowo hakkillo.

Banndi 25:23

Hono no kammu ɓalinirta lettugal de toɓa, noon hunnduko nyo'oowo ɓawlinirta geese.

Banndi 30:17

Jawuɗo baaba mum e inna mum, salii ɗowtanaade ɓe, daawle coppan yitere mum, jigaaje nyaaman nde.

Banndi 8:36

Ammaa mo heɓaay kam, bonnanii hoore mum, banyuɗo kam fuu wo maayde yiɗi.

Tindinoowo 7:29

De inan ko njiimi ley tayka am: Laamɗo tagii neɗɗo wo ponnditiiɗo, ammaa o tewtanii hoore makko dabareeji ɗuuɗɗi.»

Limle 10:35

Nde keesuwal Amaana ngaal dillata fuu, Muusaa na wi'a: — Joomiraaɗo umma, wayɓe maaɗa cankitoo, habdiiɓe ma du ndogga yeeso maaɗa.

Matta 15:4

Sabo Laamɗo wi'ii: «Teddin bammaa e inna maa.» O wi'i katin: «Kuɗuɗo bammum naa inna mum, wareede laatoo jukkungo muuɗum.»

Matta 16:21

Gilla wakkati oon, Iisaa fuɗɗi anndinde taalibaaɓe muuɗum ɓeen ina tilsani ɗum yaha Urusaliima. Toon mawɓe yimɓe e hooreeɓe almaami'en e jannginooɓe Tawreeta torran ɗum sanne, de ngaɗa waree. De nyannde tataɓerde ndeen o iirtoto.

Luuka 21:16

Fay saaraaɓe mon e sakiraaɓe mon e koreeji mon e yigiraaɓe mon njammboto on, mbara woɓɓe mooɗon.

Yuhanna 7:7

Yimɓe adunaaru mbaawaa wanyude on, de miin kaa iɓe mbanyi kam, sabo miɗo seedii golleeji maɓɓe ɗi mbooɗaa.

Golle Nelaaɓe 5:36

Ɓooyaay ko Tewdas ɓangunoo. Imo jogorinoo hoore makko won ko o laatii. Ko waɗata yimɓe 400 ina njokkunoo mo. O waraama, jokkunooɓe mo ɓeen fuu cankitake, de ɗum fuu laatake ɓolum.

Romankooɓe 2:17

Aan, bi'uɗo wo a Alhuudiyanke, aɗa tuugii Tawreeta Muusaa, aɗa mantoroo kawtal maa e Laamɗo,

Romankooɓe 2:23

Aan mantortooɗo Tawreeta, a huyfintaa innde Laamɗo e luttugol maa Tawreeta oon naa?

Romankooɓe 3:27

Ndelle, ɗume neɗɗo waawi mantoraade? Walaa! Haybude Tawreeta Muusaa oon waɗi ɗum naa? Wanaa! Goonɗinal tan waɗi ɗum!

2 Korintunkooɓe 10:15

Min mantortaako golle woɓɓe ɗe ngalanaa min. Ammaa ko goonɗinal mooɗon ɓeydotoo ɗuum, miɗen njikka golle amin ɓeydorto noon hakkunde mooɗon faa heewa, tawee min paltaaki ko Laamɗo halfini min.

2 Korintunkooɓe 12:20

Si mi warii to mooɗon fu, miɗo hula taa mi tawra on no mi muuyraay, onon du tawron kam no on muuyraay. Miɗo hula taa mi tawda on e kalala e kiram mbonɗam e tikkere e yidde hoorem tan e nyiŋundural e nyoore e mawninkinaare e muurtere.

Fillitagol 27:16

Kuddi woodana kuyfinɗo bammum e innam. Ndeen yimɓe fuu njaaboo mbi'a: «Aamiina.» —

Fillitagol 7:10

Ammaa wanyuɓe mo ɓeen kaa, o yoɓtorto ɗum'en halkere. Ɓooyataa o yoɓtaaki wayɓe mo ɓeen.

2 Tesaloniyankooɓe 2:4

Wo o ganyo Laamɗo. O mawninan hoore makko e dow huunde fuu ko rewetee hono wo Laamɗo naa ko sujidantee, faa o jooɗowoo ley suudu Laamɗo. Noon o wiirata kanko e hoore makko wo o Laamɗo.

2 Timote 3:2

Si goonga, yimɓe laatoto yiɗuɓe ko'e muɓɓen, yiɗuɓe jawdi, mantotooɓe, mawninkiniiɓe, mbonkotooɓe Laamɗo. Ɓe calanto saaraaɓe maɓɓe, ɓe mbonnan moƴƴere, ɓe teddintaa ko senii.

Titus 3:3

Sabo arande enen du en famɗunooɓe hakkillo, salinooɓe, majjunooɓe. En laatakeno maccuɓe muuyɗe yonki keewɗe e ko weli terɗe fuu. Eɗen ngondunoo e nganyaandiiji e haasidaaku, eɗen mbanyanoo, eɗen mbanyundurnoo.

Yaakuuba 3:5

Noon ɗemngal du worri. Wo tergal pamaral e ɓanndu neɗɗo, de ingal mantoroo kulle mawɗe. Ndaaree! Doccel yiite, no foti famɗude ni, ina waawi wulude ladde mawnde fuu.

Yaakuuba 4:16

De joonin, oɗon mawninkinoo, oɗon mantoo. Mantoraade hono nii fuu ina boni.

2 Piyeer 2:18

Iɓe piloo jarribaade yimɓe e dow haalaaji mawɗi ɓoli. Iɓe nawtoroo muuyɗe terɗe cemtiniiɗe faa ɓe eyta yaltuɓe ko ɓooyaay hakkunde majjuɓe.

Yahuuda 1:16

Yimɓe ɓeen wo ŋurŋurtooɓe. Iɓe nji'a boofi woɓɓe e huunde fuu. Iɓe njokka muuyɗe terɗe maɓɓe. Daaɗe maɓɓe na mawnitoroo ƴukkinaare. Iɓe mana woɓɓe faa ɓe keɓa ko ɓe njiɗi.