Romankooɓe 1:28 - Dewtere Laamɗo Fulfulde Burkina Faso

²⁸ Saabe ko ɓe miilinoo anndude Laamɗo walaa ko nafata ɗuum, Laamɗo yoppidi ɓe e majjere maɓɓe, faa ɓe ngaɗi ko neɗɗo haanaa waɗude.

Romankooɓe 1:28 ပူးပေါင်းရင်းမြစ်များ

Fuɗɗoode 6:5

Joomiraaɗo yi'i no ɓerɗe yimɓe poti ɓawlude ley adunaaru, e no miilooji bonɗi tan keewiri ley ɓerɗe muɓɓen wakkati fuu.

2 Samuwiila 22:27

Wo a laaɓuɗo to laaɓuɓe, aɗa ɓuri oonyiiɓe ƴoyre.

Banndi 1:22

— Onon ɓe ƴoƴaa, faa ndeye celoton rafi ƴoyre? Onon jalnortooɓe, ndeye accoton yawude jom hakkillo? Onon fuuyɓe, faa ndeye keddotoɗon oɗon mbanya anndal?

Banndi 1:29

Sabo on mbanyii anndal am, on calake hulude Joomiraaɗo.

Banndi 1:7

Hulude Joomiraaɗo woni puɗɗam anndal, wo puuyɗo yawata hakkillo e ekintinol.

Banndi 17:16

Ɗume ceede puuyɗo nafata? Yalla o tefiran ɗe hakkillo naa? A'aa, o walaa muuyɗe majjum.

Golle Nelaaɓe 17:23

Sabo ko njiiltiimi e ngalluure mooɗon ɗuum, mi yi'ii cuuɗi mooɗon dewirɗi, mi tawii ina winndaa e ittirde sadaka wootere: «Saabe Alla mo anndaaka». Ndelle, Alla mo on anndaa oon, kam mbaajotoomi on.

Golle Nelaaɓe 17:32

Nde ɓe nannoo Pool ina waajoo haala ummital maayɓe ndeen, woɓɓe na njalnoroo mo, de woɓɓe na mbi'a: — Min kettindoto waaju maa o nyannde wonnde.

Romankooɓe 1:18

Tikkere Laamɗo ina ɓanga illa dow kammu ina jippoo dow luttugol yimɓe e oonyaare muɓɓen fuu. Iɓe kaɗa goonga ɓangude saabe oonyaare maɓɓe ndeen.

Romankooɓe 1:21

Fay si taweede iɓe anndi Laamɗo, ɓe teddiniraay ɗum no foti teddinireede noon, ɓe njettaay mo du. Miilooji maɓɓe ɗiin laatake ɓoli, ɓerɗe maɓɓe puuyɗe ɗeen du niɓɓii.

Romankooɓe 1:24

Saabe ɗuum, Laamɗo yoppidi ɓe e muuyɗe yonkiiji maɓɓe tuunɗe faa ɓe kuyfini ɓalli maɓɓe hakkunde maɓɓe.

Romankooɓe 1:26

Saabe ɗuum, Laamɗo yoppidi ɓe e muuyɗe terɗe maɓɓe cemtiniiɗe. Rewɓe maɓɓe ɓeen mbattiti ko haani waɗeede e ɓalli muɓɓen e ko haanaa.

1 Korintunkooɓe 15:34

Ngartiree hakkillooji mon e ko fonnditii, celon waɗude hakke. Sabo woɓɓe mooɗon anndaa Laamɗo. Ko mbiirumi noon wo faa cemton.

2 Korintunkooɓe 10:5

miɗen keɓa jaalorgal dow mawnitaare fuu haɗoore yimɓe anndude Laamɗo. Wooɗi du, miɗen nannga miilooji muɓɓen fuu, miɗen njaara ɗi faa ɗi ɗowtanoo Almasiihu.

Efeesunkooɓe 5:4

Taa kaalee haalaaji bonɗi naa ɓoli naa nyiddiniiɗi, sabo hono majji kaanaa taweede e mooɗon. Ko kaanɗon waɗude dey, njetton Laamɗo.

2 Tesaloniyankooɓe 1:8

O ɓangan ley yiite nyanngunge faa o jukkoo ɓe anndaa Laamɗo, ɓe njaɓaay jokkude Kabaaru Lobbo Joomiraaɗo men Iisaa ɓeen.

2 Timote 3:8

Worɓe naatooɓe cuuɗi ɓeen njeddii goonga hono no Yanes e Yamberes njeddirnoo Muusaa ni. Hakkillooji maɓɓe mbonii, goonɗinal maɓɓe du wanaa goonga.

Titus 1:16

Iɓe mbi'a iɓe anndi Laamɗo, ammaa golleeji maɓɓe ina kolla ɓe anndaa mo. Wo ɓe nyiddiniiɓe, saliiɓe, fay gollal lobbal gootal ɓe mbaawaa gollude.

Filemon 1:8

Ndelle, si goonga miɗo jogii baawɗe saabe Iisaa Almasiihu yamirde ma ko tilsi ngaɗaa.

2 Piyeer 3:5

Iɓe anniyii yeggitinde Laamɗo tagirii kammu e leydi fuu konngol muuɗum. Illa ko ɓooyi o tagirii leydi ndi ndiyam, ndi yaltii ley ndiyam.