Nehemiya 9:8 - Dewtere Laamɗo Fulfulde Burkina Faso

⁸ Tawuɗaa imo hoolii ma, de ngaɗanɗaa mo amaana, a hokkan mo, kanko e ɓiɓɓe makko, leydi Kanaaninkooɓe e Hittiyankooɓe e Amorinkooɓe e Perisinkooɓe e Yebusinkooɓe e Girgasinkooɓe faa ndi laatoo dongu maɓɓe. Saabe aan, a dartiiɗo, a hiɓɓinii amaana maaɗa oon.

Nehemiya 9:8 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 15:6

Abram goonɗini Joomiraaɗo, de saabe ɗuum Laamɗo ndaardi o wo o ponnditiiɗo.

Fuɗɗoode 22:12

Joomiraaɗo wi'i: — Taa junngo maa yottoo suka oon! Taa ngaɗaa mo fay gootum, sabo joonin kaa, mi annditii wo a kuloowo Laamɗo. A salanaaki kam ɓiya korsuɗo gooto mo njogiɗaa oon.

2 Samuwiila 22:31

Laamɗo le, laawol muuɗum wo kiɓɓungol, konngol Joomiraaɗo na hoolnii. Imo laatii wawaade moolotooɓe e makko fuu.

1 Kabaaruuji Laamiiɓe 1:14

Kanaana oon du woni baaba Yebusinkooɓe e Amorinkooɓe e Girgasinkooɓe

1 Kabaaruuji Laamiiɓe 16:16

Taa njeggitee amaana mo o haɓɓidi e Ibrahiima, taa njeebee hunayeere nde o hunanii Isiyaaka.

Isira 9:15

Yaa Joomiraaɗo, Laamɗo Israa'iila, aan, wo a dartiiɗo sabo a heddanii min ƴuwdi seeɗa. Inan miɗen ndarodii e pelooje amin yeeso maaɗa, fay ko tawaa saabe majje gooto amin fu haanaa daraade yeeso maaɗa.

Nehemiya 9:33

Sikke walaa, a waɗii ko haani faa ndartinaa min. Aan, a goongaajo, a gaɗoowo ko wooɗi. Minen du, min ngaɗii ko boni.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 3:8

Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.

Limle 13:29

Amalekinkooɓe na njooɗii horɗoore, Hittiyankooɓe e Yebusinkooɓe e Amorinkooɓe na njooɗii faro baamle. Kanaaninkooɓe du na njooɗii daande maayo Manngo e daande gooruwol Urdun.

Limle 23:19

Laamɗo wanaa tagaaɗo sakko fena, wanaa ɓii-Aadama sakko mimsita. Yalla o waɗataa ko o wi'i naa? Yalla o tabintintaa ko o haali naa?

Golle Nelaaɓe 13:22

Ndeen Laamɗo ɓorti Sawulu, hokki Daawda laamu. O haali kabaaru muuɗum, o wi'i: «Mi heɓii Daawda ɓii Yesa gorko belnoowo ɓernde am, gaɗoowo muuyɗe am fuu.»

Fillitagol 26:3

Njahon to almaami jottinoowo sadakaaji ley nyalaaɗe ɗeen de mbi'on ɗum: — Hannden miɗen njiɗi hollude Joomiraaɗo, Laamɗo maaɗa ko min naatii ley leydi ndi hunaninoo maamiraaɓe amin hokkan min ndiin.

Fillitagol 32:4

Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.

Fillitagol 7:1

Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.

Fillitagol 9:5

Wanaa saabe dartaare mooɗon e laaɓal ɓerɗe mon waɗi de oɗon njeyta leydi maɓɓe, ammaa wo saabe bonde lenyi ɗiin de Joomiraaɗo, Laamɗo mooɗon teeti ɗi yeeso mon faa tabintina hunayeere nde hunaninoo maamiraaɓe mon Ibrahiima e Isiyaaka e Yaakuuba.

Titus 1:2

Goonɗinal e anndal ngaal na njowii dow jikke meeɗen heɓude nguurndam nduumiiɗam. Laamɗo, mo fenataa, mo bonnataa amaana oon, aadinoo hokkude nguurndam ɗaam gilla jamaanuuji puɗɗaay.

Ibraninkooɓe 11:17

Saabe goonɗinal, nde Laamɗo ndaartindinoo Ibrahiima ndeen, jaɓiri hokkude Isiyaaka faa laatoo kirsamaari. Si goonga, o segilanake hokkude ɓiyiiko korsuɗo oon hono sadaka, fay si Laamɗo na aadanii mo lenyol keewngol.

Ibraninkooɓe 6:18

Kulle ɗiɗi ɗe, ɗum woni hunayeere ndeen e amaana oon, mbaylitataako abada, sabo Laamɗo fenataa. Ndelle, ɗum fuu na semmbinɗina ɓerɗe meeɗen, enen doggirɓe to Laamɗo faa njogoɗen jikke mo kokkaɗen oon.

Yoosuwa 11:23

Yoosuwa jaalii leydi ndiin fuu, hono no Joomiraaɗo yamirnoo Muusaa. Yoosuwa hokki ndi Israa'iila'en ndi laatanoo ɗum'en ndongu. O fecci ndi fodde lenyi maɓɓe. Konu timmi, leydi ndiin heɓi jam.

Yoosuwa 11:3

to Kanaaninkooɓe wonɓe lettugal e gorgal e to Amorinkooɓe e Hittiyankooɓe e Perisinkooɓe e Yebusinkooɓe wonɓe dow waamnde, e Hiwinkooɓe wonɓe ley waamnde Hermon nder leydi Mispa.

Yoosuwa 23:14

Miin kaa, wakkati dillugol am ley adunaaru ɗo ɓadake hono no neɗɗo fuu dillirta ley mayru ni. Gooto mooɗon fuu ina anndi e ɓernde muuɗum e yonki mum no Joomiraaɗo, Laamɗo mon tabintiniri haalaaji ɗi wi'unoo on fuu. O tabintini haalaaji makko lobbi fuu, walaa fay ngoota ka o tabintinaay.

Yoosuwa 9:1

Kabaaru jaalagol Israa'iila'en yottii laamiiɓe wonɓe gorgal Urdun fuu, to leyɗe gonɗe dow baamle, e ley baamle e leyɗe ɗakkiiɗe maayo Manngo faa yottii Liban. Ɓeen ngoni laamiiɓe Hittiyankooɓe e Amorinkooɓe e Kanaaninkooɓe e Perisinkooɓe e Hiwinkooɓe e Yebusinkooɓe fuu. Nde ɓe nannoo kabaaru majjum ndeen,

1 Yuhanna 1:9

Ammaa si en kaaltanii Laamɗo hakkeeji men, o yaafoto en, o laaɓina en e hakkeeji fuu. Sabo kanko, wo o koolniiɗo, ponnditiiɗo.