Nehemiya 9:37 - Dewtere Laamɗo Fulfulde Burkina Faso

³⁷ Barke mo leydi ndiin hokkata fuu ina yecco e juuɗe laamiiɓe ɓe njowuɗaa dow amin saabe hakkeeji amin. Iɓe ngaɗa min ko ɓe njiɗi, minen e daabaaji amin. Miɗen mbuuri ley torra mawɗo.

Nehemiya 9:37 ပူးပေါင်းရင်းမြစ်များ

Isira 4:13

Ndelle, Laamiiɗo na haani annda faa laaɓa, si yimɓe ɓeen mbaawii njottini gollal nyiɓitagol huɓeere ndeen e kokuwol piiliingol nde ngool fu, ɓe njoɓataa ceede leydi katin, ɗum woni ceede lampo e ceede doonyugol e ceede laawol. Ndeen walaa ceede ƴuurooje to maɓɓe de naata ley leydi maaɗa katin.

Isira 6:8

Miɗo yamira on ngaɗon huunde fuu ko mbaawɗon faa mballon mawɓe Yahuudiyankooɓe ɓeen, faa ɓe puɗɗita nyiɓitaade suudu nduun. Katin itton ley ceede leydi ɗe yimɓe Fonngo Maayo Efrat njoɓi ɗeen, njoɓon gollooɓe ɓeen taa gollal ngaal daroo.

Isira 7:24

Katin du, ceede lampo, maa ceede doonyugol maa ceede laawol, taa jaɓee to almaami'en maa to Lewinkooɓe maa to yimooɓe maa to reenooɓe dammbuɗe maa to gollooɓe ley suudu Dewal Laamɗo heddiiɓe fuu.

Nehemiya 5:8

Mbiimi ɓe: — En ngaɗii haddu baawɗe meeɗen, en ndimɗinii Yahuudiyankooɓe sakiraaɓe meeɗen sonniranooɓe lenyi janani. De joonin onon e ko'e mooɗon, on connii sakiraaɓe mooɗon. On connirii ɓe woɓɓe hakkunde meeɗen. Ndeen ɓe fuu, ɓe ndeƴƴinii sabo ɓe keɓaay ko ɓe njaaboo.

Lewinkooɓe 26:17

Mi ummanto on de wayɓe mon njaaloo on. Wanyuɓe on ɓeen ndawranan on de ndoggon fay si on ndiiwaaka.

Yuhanna 8:33

Ɓe njaabii mo: — Minen, min ƴuwdi Ibrahiima, abada fay gooto maraay min. Noy mbiirataa min ndimɗan?

Fillitagol 28:33

Lenyol ngol on anndaa nyaaman barke gese mon e ko ngolloton fuu. On keddoto on torreteeɓe yaaliiɓe.

Fillitagol 28:39

On tiiroto gese inabooje, ndemanon ɗe ammaa on njarataa inaboojam majje, on ɓorataa ɓiɓɓe majje sabo gilƴi nyaaman ɗe.

Fillitagol 28:48

On ngollanan wayɓe mon ɓe Joomiraaɗo yaarata on leydi muɓɓen ɓeen tawa oɗon ngondi e rafo e ɗomka e talkaaku e rafi kolte. Ɓe kaɓɓan njamndi e daaɗe mon faa ɓe kalkida on on fuu.

Fillitagol 28:51

Kanngol nyaamata barke mardi mooɗon e mo gese mon fuu faa on fuu kalkon. Ngol yoppidataa on alkama naa inaboojam naa nebbam naa ɓii nagge naa ɓii mbaalu naa ɓii mbeewa faa ɗo ngol fiɗɗi on.