Nehemiya 9:32 - Dewtere Laamɗo Fulfulde Burkina Faso

³² Laamɗo amin, a mawɗo, a jom teddeengal, a kulɓiniiɗo, a tiigoriiɗo amaana maaɗa e hoolaare. Taa yawu torraaji ɓurɗi min semmbe, caamuɗi dow amin, minen e laamiiɓe amin e mawɓe amin e almaami'en amin e annabaaɓe amin e maamiraaɓe amin e yimɓe maaɗa fuu, gilla jamaanu kaananke Asuura faa hewti hannden.

Nehemiya 9:32 ပူးပေါင်းရင်းမြစ်များ

1 Kaanankooɓe 8:23

o wi'i: — Joomiraaɗo, Laamɗo Israa'iila, hono maaɗa walaa, walaa dow kammu, walaa dow leydi. Aɗa reena amaana, aɗa holla maccuɓe maaɗa jokkirɓe ma e ɓerɗe muɓɓen fuu ɓeen njinngu koolniingu.

2 Kaanankooɓe 15:19

Pul kaananke Asuura umminani leydi Israa'iila fitina. Ndeen Menahem hokki mo kilooji cardi 34.000 faa o walla ɗum semmbinɗina laamu muuɗum.

2 Kaanankooɓe 15:29

Ley laamu makko, Tigilat-Pileser kaananke Asuura wari honi galluure Iyon e Abel-Bayti-Ma'aka e Yanoha e Kedes e Hasor e leydi Galaad e ndi Galili e ndi Naftali fuu. O nanngi yimɓe ɓeen fuu o yaari ɗum'en leydi Asuura.

2 Kaanankooɓe 17:23

faa nyannde Joomiraaɗo riiwi ɓe woɗɗini yeeso muuɗum hono no sapporinoo ɓe e kunnduɗe annabaaɓe muuɗum fuu noon. Wo noon Israa'iila'en ndiiwiraa leydi muɓɓen njaaraa leydi Asuura. Toon ɓe keddii faa warde hannden.

2 Kaanankooɓe 17:3

Salmanasar kaananke Asuura wari haɓdi e makko, jaalii mo, dawrani leydi makko de tilsinani mo yoɓude lampo.

2 Kaanankooɓe 17:6

Hitaande jeenayaɓerde laamu Hoseya, kaananke Asuura jaalii nde de nanngi Israa'iila'en wonnooɓe toon fuu yaari leydi muuɗum. O joƴƴini woɓɓe maɓɓe ley wuro Hala, woɓɓe du daande gooruwol Habor ɗakkol galluure Gojan, heddiiɓe ɓeen du, ley galluuje Mediyankooɓe.

2 Kaanankooɓe 23:29

Ley nguurndam makko Fira'awna Neko, kaananke Misira, na wallannoo kaananke Asuura e konu ɗakkol Maayo Efrat. Kaananke Yosiya yehi faa haɓda e Neko wuro Megiddo. Wakkati ɓe kawrunoo pay, Neko wari mo.

2 Kaanankooɓe 25:7

Ɓe kirsi ɓiɓɓe Sedekiya yeeso muuɗum de caggal ɗuum ɓe itti gite muuɗum, ɓe kaɓɓiri ɗum callali njamndi mboɗeeri, ɓe njaari ɗum Baabiila.

Isira 4:10

e lenyi goɗɗi ɗi Osnapaar kaananke inndirteeɗo Mawɗo Tedduɗo nangoynoo waddi yoppi ley gure leydi Samariya e leyɗe keddiiɗe gonɗe Fonngo Maayo Efrat.

Isira 4:2

njehi to Sorobabel e to mawɓe lenyol, mbi'i ɗum'en: — Accee kawten ngollen gollal maadi suudu Dewal Joomiraaɗo ngaal sabo minen du, miɗen ɗowtanoo Laamɗo mooɗon. Wooɗi du, min mbooyidii e sakkande mo kirsamaaji, gilla jamaanu Esara-Hadon kaananke Asuura gaddunooɗo min ɗo.

Isira 9:13

Fay ko ɗum fuu ɗum hewtii min saabe golle amin bonɗe, e feloore mawnde wonde dow amin, miɗen anndi aan Laamɗo amin, a yurmake min, a torraay min fodde no hakkeeji amin keewiri. A heddanii min ƴuwdi seeɗa.

Nehemiya 1:5

Mbi'umi: Yaa Joomiraaɗo! Laamɗo Toowɗo, Laamɗo mawɗo, Laamɗo kuleteeɗo, kiɓɓinoowo amaana muuɗum to yiɗuɓe ɗum, jokkiiɓe jamirooje muuɗum.

Wurtagol 18:8

Muusaa haalani esum ko Joomiraaɗo waɗi Fira'awna e Misirankooɓe fuu saabe Israa'iila'en e torraaji kewtiiɗi ɓe ley jahaangal maɓɓe e no Joomiraaɗo danniri ɓe.

Lewinkooɓe 26:18

Si fay e noon fuu on njaɓaay hettindanaade kam fu, mi ɓeydan eeltugol on ngool kile jeɗɗi saabe hakkeeji mooɗon ɗiin.

Lewinkooɓe 26:21

Si on keddake e wanyude kam, on njaɓaay hettindanaade kam fu, mi fiiran on torraaji kile jeɗɗi katin saabe hakkeeji mooɗon ɗiin.

Lewinkooɓe 26:24

miin du, mi hollan on nganyaandi am. Mi fiyan on kile jeɗɗi saabe hakkeeji mooɗon ɗiin.

Lewinkooɓe 26:28

miin du, mi hollan on nyanngere am nyaaɗunde ndeen. Mi jukkoto on jukkungo ɓurngo arandeeji ɗiin kile jeɗɗi, saabe hakkeeji mon ɗiin.

Fillitagol 7:12

Si on kettindake jamirooje ɗeen, on tinnake e waɗude ko mbi'i fu, Joomiraaɗo, Laamɗo mooɗon tabintinan amaana e hinney muuɗum mo hunaninoo maamiraaɓe mooɗon oon.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

Fillitagol 7:21

Taa ɓerɗe mon ndiwna saabe maɓɓe, sabo Joomiraaɗo, Laamɗo mon gonɗo hakkunde mooɗon oon, wo Laamɗo mawɗo, kulɓiniiɗo.

Fillitagol 7:9

Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.