Nehemiya 9:27 - Dewtere Laamɗo Fulfulde Burkina Faso

²⁷ Saabe majjum de ngattuɗaa ɓe e juuɗe wayɓe maɓɓe de torri ɓe. Ley torra oon, ɓe mbullitii ma faa mballaa ɓe, aan du, nanuɗaa bojji maɓɓe. Saabe yurmeende maaɗa mawnde, a hokki ɓe hisinooɓe ɓe e wayɓe maɓɓe.

Nehemiya 9:27 ပူးပေါင်းရင်းမြစ်များ

2 Kaanankooɓe 13:5

O neldi ɓe kisinoowo, faa teeta ɓe e juuɗe Siiriyankooɓe. Noon ɓe keɓiri ɓe mbuuri e jam ley cuuɗi maɓɓe hono no arande noon.

2 Kaanankooɓe 14:27

Ammaa Joomiraaɗo wi'aay ittan Israa'iila e adunaaru. Ndelle o hisinirii ɓe e junngo Yerobo'am ɓii Yehowas.

2 Kaanankooɓe 17:20

Joomiraaɗo tottii yimɓe Israa'iila fuu de torri ɗum'en. O wattii ɓe e juuɗe fiya-teeta'en faa o riiwi ɓe yeeso makko.

2 Kaanankooɓe 17:39

Joomiraaɗo, Laamɗo mooɗon kam tan haani kulon. Wo kanko hisinta on e juuɗe wayɓe on fuu.

Nehemiya 9:19

Ley yurmeende maaɗa, a yoppaay ɓe ley ladde yoornde. A ittaay ruulde e jayngol kolloowol ɓe laawol jemma e nyalooma.

Lewinkooɓe 26:17

Mi ummanto on de wayɓe mon njaaloo on. Wanyuɓe on ɓeen ndawranan on de ndoggon fay si on ndiiwaaka.

Ardiiɓe 2:18

Nde Joomiraaɗo nani uumaali maɓɓe ley torraaji yimɓe ɓillooɓe ɓe fu, yurmoto ɓe. Ndeen o hokka ɓe ardiiɗo, o wonndu e makko du. Joomiraaɗo ina danna ɓe e juuɗe wayɓe maɓɓe haddi balɗe ardiiɗo oon fuu.