Nehemiya 9:25 - Dewtere Laamɗo Fulfulde Burkina Faso

²⁵ Ɓe teeti kuɓeeje cemmbinɗiniraaɗe kokuuji e leydi lobbiri e gure keewɗe ɗe kujje lobbe e gayɗe ndiyam e gese cabiije e jaytun e leɗɗe feere feere dimooje ɓiɓɓe ɗuuɗɗe. Ɓe nyaami, ɓe kaari, ɓe payi, ɓe ceyorii ko kokkuɗaa ɓe.

Nehemiya 9:25 ပူးပေါင်းရင်းမြစ်များ

1 Kaanankooɓe 14:9

Aan kaa, aɗa ɓuri artiiɓe maa fuu bonde. A yehi a waɗowi tooruuji tafiraaɗi jamɗe faa a tikkinii kam. A salake kam fey!

1 Kaanankooɓe 8:66

Nyalaande jeetataɓerde ndeen, kaananke hokki ɓe laawol ɓe koota gure maɓɓe. Ɓe mbarkini mo, ɓe kootidi gure maɓɓe e seyo, ɓerɗe maɓɓe na mbeli saabe mbooɗirka ka Joomiraaɗo holli maccuɗo muuɗum Daawda e yimɓe muuɗum Israa'iila'en.

Nehemiya 9:35

Fay ko ɓe ceyorii barkeeji ɗuuɗɗi ɗi kokkuɗaa ɓe, e leydi njaajundi lobbiri ndi ngattuɗaa ɓe ley muuɗum ndiin, ɓe mbanyi jokkude ma, ɓe njoppaay laawol bonde maɓɓe.

Banndi 30:9

Sabo si a waɗii kam jom jawdi keewndi, miɗo waawi salaade ma, mi wi'a: «Moy woni Joomiraaɗo?» Si mi jogaaki faa'e du, miɗo waawi wujjude, de mi famɗina innde maa, yaa Laamɗo am.

Romankooɓe 2:4

Naa a jawɗo moƴƴuki Laamɗo mawki kiin, kam e munyal muuɗum e heese muuɗum naa? Yalla a faamaay moƴƴuki muuɗum ina yaare faa tuubaa?

Fillitagol 3:5

Galluuje ɗeen fuu wo cemmbiniraaɗe kokuuji toowɗi e gampuuje coketeeɗe. Na woodunoo du, gure ɗuuɗɗe ɗe kowiraaka kokuuji.

Fillitagol 32:13

Imo ƴeenyinannoo ɓe baamle, iɓe nyaamannoo ɓiɓɓe gese maɓɓe. Imo musinninannoo ɓe njuumndi tefaare, e nebbam tuntere ndeen.

Fillitagol 32:14

Imo yarnannoo ɓe kosam na'i ɗaaniiɗam, e ɓiraaɗam baali e be'i, Imo nyaamnannoo ɓe ɓelle jawɗi e damɗi Basan, iɓe nyaamannoo alkama lobbo, iɓe njarannoo inaboojam mboɗejam, njaram lamminaaɗam.

Fillitagol 32:15

Ammaa nde Yesurun haarunoo faa fayi fu, ummanii Joomiraaɗo. On payii, on tekkii, on ngaɗii deedi. Ndeen njoppuɗon Laamɗo taguɗo on oon, kuyfinɗon Tefaare kisindam mooɗon ndeen.