Nehemiya 9:17 - Dewtere Laamɗo Fulfulde Burkina Faso

^17-18 Ɓe ɗowtanaaki ma, ɓe njeggiti maandeeji kaayniiɗi ɗi ngaɗanɗaa ɓe, ɓe cattini ɓerɗe maɓɓe. Ley muurtere maɓɓe, ɓe cuɓanii ko'e maɓɓe ardotooɗo ɓe, faa ɓe yecco ley maccungaaku nder leydi Misira. Ammaa aan, wo a Laamɗo jaafotooɗo, a jom yidde e yurmeende e munyal e moƴƴere. Fay nde ɓe ngaɗannoo ko'e maɓɓe ngaari kaŋŋe de ɓe mbi'i kayri woni alla maɓɓe burtinɗo ɓe leydi Misira, maa du, nde ɓe ngaɗunoo golle bonɗe, a yoppaay ɓe kamɓe tan.

Nehemiya 9:17 ပူးပေါင်းရင်းမြစ်များ

1 Kaanankooɓe 6:13

Mi jooɗoto hakkunde yimɓe am Israa'iila'en, mi yoppataa ɓe.

1 Kaanankooɓe 8:57

Joomiraaɗo, Laamɗo men wonda e meeɗen hono no wondirnoo e maamiraaɓe meeɗen noon. Taa o acca en, taa o yoppa en.

Isira 9:9

Fay ko min laatii maccuɓe ɗum fu, Laamɗo amin, a seedaay e amin. A waɗii du kaananke Persi waɗanii min ko wooɗi. A semmbiɗinii min faa min nyiɓitoo suudu maaɗa seniindu, min moƴƴintina ndu ɗo ndu fusanoo. A hokkii min to min ɗuwoo nder leydi Yahuuda e huɓeere Urusaliima.

Nehemiya 9:31

Ɗum fuu, saabe yurmeende maaɗa, a halkaay ɓe, a yeggitaay ɓe sabo aan Laamɗo, a jom moƴƴere e yurmeende mawnde.

Wurtagol 32:9

Joomiraaɗo wi'i Muusaa: — Mi yi'i yimɓe ɓe. Si goonga wo ɓe sattuɓe, yoorɓe ko'e.

Banndi 1:24

Ammaa mi noddii on, de caliɗon. Wooɗi du, mi foortanii on junngo, de fay gooto mon saanaay.

Lewinkooɓe 26:44

Ammaa fay nde ɓe njaaraa leydi wayɓe maɓɓe, mi tottitataako ɓe, mi wanyataa ɓe faa yottanoo kam timminde ɓe ɓe fuu e bonnude amaana mo ngaddunoomi e maɓɓe oon. Miin woni Joomiraaɗo, Laamɗo maɓɓe.

Limle 14:11

Joomiraaɗo haaldi e Muusaa wi'i: — Faa ndeye lenyol ngol selata yawude kam? Faa ndeye ɓe koolotoo kam, fay ko ngaɗumi maandeeji kaayniiɗi hakkunde maɓɓe ɗuum fu?

Limle 14:41

Muusaa wi'i ɓe: — Ko saabii de oɗon mbosoo ko Joomiraaɗo wi'i? On keɓataa daliili.

Limle 16:14

A nannaay min leydi ndi kosam e njuumndi ilata e muuɗum, a hokkaay min gese e leɗɗe dimooje faa laatoo ndonngu amin. Ndelle a ndaardataanaa yimɓe ɓee fuu hono wumɓe naa? Min ngarataa!

Golle Nelaaɓe 7:39

Ammaa maamiraaɓe meeɗen njaɓaay ɗowtanaade mo. Ɓe calanii mo, hakkillooji maɓɓe pornyii Misira.

Romankooɓe 9:15

Inan ko o wi'i Muusaa: «Mi hinnoto mo muuyumi hinnaade, mi yurmoto mo muuyumi yurmaade.»

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.

1 Samuwiila 12:22

Joomiraaɗo du muuyii waɗude on yimɓe muuɗum. O yeebataako on, saabe manngu innde makko.