Nehemiya 9:16 - Dewtere Laamɗo Fulfulde Burkina Faso

¹⁶ Ammaa maamiraaɓe amin koyfinii ma, ɓe njoornii ɓerɗe maɓɓe, ɓe calake jokkude jamirooje maaɗa.

Nehemiya 9:16 ပူးပေါင်းရင်းမြစ်များ

2 Kaanankooɓe 17:14

Ammaa ɓe kettindaaki, ɓe njoorni ko'e maɓɓe hono no maamiraaɓe maɓɓe calorinoo ngoonɗinde Joomiraaɗo, Laamɗo muɓɓen noon.

Nehemiya 9:10

Ngaɗuɗaa maandeeji kaayniiɗi dow Fira'awna e gollanooɓe ɗum e yimɓe leydi muuɗum fuu, sabo aɗa anndi no ɓe njawiri yimɓe maaɗa. A waɗii innde ma teddinee faa warde hannden.

Nehemiya 9:29

Tindinɗaa ɓe, ɓe njeccoo e jamirooje maaɗa, de ɓe njoorni ko'e maɓɓe, ɓe calii jokkude ɗe, ɓe ngaɗi hakke, ɓe kuyfinii konngol maaɗa kokkoowol yonki. Ɓe muurti, ɓe njoorni ko'e maɓɓe, ɓe calii jokkude ko mbiiɗaa.

Wurtagol 15:26

O wi'i ɓe: Si on kettindanake daande am e goonga, on ngaɗii ko wooɗi yeeso am, on ɗowtanake jamirooje am fuu, miin Joomiraaɗo, Laamɗo mooɗon, mi fiirataa on masiibaaji ɗi piirunoomi Misirankooɓe ɗiin. Sabo wo miin woni Joomiraaɗo dannoowo on.

Wurtagol 32:9

Joomiraaɗo wi'i Muusaa: — Mi yi'i yimɓe ɓe. Si goonga wo ɓe sattuɓe, yoorɓe ko'e.

Banndi 29:1

Tindinteeɗo de yoorni hoore mum boɓɓoto hela, hunngoo ummaade.

Golle Nelaaɓe 7:51

Etiyen ɓeydi katin, wi'i: — Onon sattuɓe, yoorɓe ɓerɗe, faaɗinkiniiɓe! Abada on celaay salanaade Ruuhu Ceniiɗo! On laatake hono maamiraaɓe mooɗon ɓeen ni.

Romankooɓe 2:5

Ammaa ko a joorɗo ɓernde, a caliiɗo tuubude ɗuum, aɗa waddana hoore maa tikkere Laamɗo nyannde Laamɗo ɓanginta tikkere muuɗum e sariya mum ponnditiiɗo oon.

Fillitagol 31:27

sabo miɗo anndi no laatoriɗon muurtooɓe yoorɓe ko'e. Si ley nguurndam am, wakkati ngondumi e mooɗon ndeen, on muurtanii Joomiraaɗo, noy muurtiranoyton o gaɗa dillol am adunaaru!

Fillitagol 32:15

Ammaa nde Yesurun haarunoo faa fayi fu, ummanii Joomiraaɗo. On payii, on tekkii, on ngaɗii deedi. Ndeen njoppuɗon Laamɗo taguɗo on oon, kuyfinɗon Tefaare kisindam mooɗon ndeen.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Fillitagol 9:13

Joomiraaɗo ɓeydi wi'i kam: — Mi yi'i lenyol ngool. Si goonga, wo ngol joorngol hoore.

Fillitagol 9:27

Miccita maccuɓe maaɗa Ibrahiima e Isiyaaka e Yaakuuba. Taa ndaaru njooram hooraaku e bonde e hakke lenyol ngol.

Fillitagol 9:6

Ndelle paamon wanaa saabe dartaare mooɗon waɗi de Joomiraaɗo, Laamɗo mooɗon na hokka on leydi lobbiri ndiin faa laatoo ndongu mooɗon, sabo wo on lenyol cattungol.

Ibraninkooɓe 3:13

Ammaa cemmbunduron ɓerɗe mon nyannde fuu haddi na wi'ee «hannden» taa luttal hiila on, de yoorna ɓerɗe mon.

Ibraninkooɓe 3:15

Wo hono no Binndi ɗiin mbiiri: «Hannden, si on nanii daande makko, taa njoornee ɓerɗe mon hono no maamiraaɓe mooɗon ngaɗirnoo de muurti ni.»