Nehemiya 9:14 - Dewtere Laamɗo Fulfulde Burkina Faso

¹⁴ Kaalanɗaa ɓe nyalaande maaɗa seniinde, ɗum woni nyalaande fowteteende. Kokkuɗaa Muusaa maccuɗo maaɗa jamirooje e ekitingol, faa janngina ɓe.

Nehemiya 9:14 ပူးပေါင်းရင်းမြစ်များ

Fuɗɗoode 2:3

Laamɗo barkini nyalaande jeɗɗaɓerde ndeen, senini nde, sabo e mayre o fowtinii nde o timminnoo tagugol tageefo fuu ndeen.

Nehemiya 1:8

Miɗo ŋaare miccitoɗaa amaana mo ngaɗanɗaa Muusaa maccuɗo maaɗa; mbi'uɗaa: «Si on njokkaay ko mbiimi, mi sankitan on hakkunde lenyi duuniyaaru.

Nehemiya 10:32

Si ɓe ngaddii kujje conneteeɗe nyannde fowteteende maa nyalaande seniinde wonnde, si ɗum alkama maa goɗɗum feere, min coodataa. Ley hitaande jeɗɗaɓerde fuu, min njoppan gese amin, min ndemataa ɗe. Katin du, min njaafanto mo min njokkataa nyamaande ley hitaande ndeen.

Wurtagol 16:23

Muusaa wi'i ɓe: — Inan ko Joomiraaɗo yamiri: Jaango wo nyalaande fowteteende seniinde, wo nde nyalaande seninanaande Joomiraaɗo. Ca'on ko ca'oton fuu, njongon ko njongoton fuu. Ko heddii du, ndeson ɗum faa weeta.

Wurtagol 16:29

Paamee, wo miin Joomiraaɗo hokki on nyalaande fowteteende. Saabe ɗuum waɗi de kokkumi on nyannde jeegoɓerde nyaamdu heƴooru on faa waɗa balɗe ɗiɗi. De nyannde jeɗɗaɓerde kaa, mono e mooɗon fuu jooɗoo nokku muuɗum. Taa fay gooto mooɗon wurtoo.

Wurtagol 24:12

Joomiraaɗo wi'i Muusaa: Ƴeeŋu ngaraa to am dow waamnde ndee de keɗoɗaa faa mi hokke alluuje kaaƴe cehaaɗe. Mi winndii jamirooje e sariyaaji dow majje faa ekintinaa yimɓe ɓeen.

Lewinkooɓe 19:3

Mono e mooɗon fuu teddina innam e bammum de haybana nyalaaɗe am powteteeɗe ɗeen. Miin woni Joomiraaɗo, Laamɗo mooɗon.

Lewinkooɓe 27:34

Ɗee ngoni jamirooje ɗe Joomiraaɗo hokki Israa'iila'en e hunnduko Muusaa dow waamnde Sinayi.

Yuhanna 1:17

Saabe Muusaa keɓirɗen jamirooje, ammaa hinney e goonga wo saabe Iisaa Almasiihu heɓiraa.

Fillitagol 4:45

Ɗee ngoni jamirooje e sariyaaji e kiite ɗe Muusaa janngini Israa'iila'en nde mburtinoo leydi Misira.

Fillitagol 4:5

Kettinee, miɗo janngina on jamirooje e sariyaaji fodde no Joomiraaɗo, Laamɗo am yamiri kam faa ɗowtanoɗon ɗum ley leydi ndi naatoton faa njeyton ndiin.

Fillitagol 5:31

Ammaa aan kaa, keddodoɗaa e am ɗo faa mi hokke jamirooje e sariyaaji e kiite ko ekintintaa ɓe faa ɓe ngaɗa ko mbiimi ley leydi ndi kokkammi ɓe, laatoo ndongu maɓɓe ndiin.