Nehemiya 9:10 - Dewtere Laamɗo Fulfulde Burkina Faso

¹⁰ Ngaɗuɗaa maandeeji kaayniiɗi dow Fira'awna e gollanooɓe ɗum e yimɓe leydi muuɗum fuu, sabo aɗa anndi no ɓe njawiri yimɓe maaɗa. A waɗii innde ma teddinee faa warde hannden.

Nehemiya 9:10 ပူးပေါင်းရင်းမြစ်များ

Nehemiya 9:16

Ammaa maamiraaɓe amin koyfinii ma, ɓe njoornii ɓerɗe maɓɓe, ɓe calake jokkude jamirooje maaɗa.

Nehemiya 9:29

Tindinɗaa ɓe, ɓe njeccoo e jamirooje maaɗa, de ɓe njoorni ko'e maɓɓe, ɓe calii jokkude ɗe, ɓe ngaɗi hakke, ɓe kuyfinii konngol maaɗa kokkoowol yonki. Ɓe muurti, ɓe njoorni ko'e maɓɓe, ɓe calii jokkude ko mbiiɗaa.

Wurtagol 18:11

Joonin mi faamii Joomiraaɗo na ɓuri allaaji goɗɗi fuu manngu sabo ndaar ko o waɗi Misirankooɓe mawninɓe ko'e muɓɓen ɓeen!

Wurtagol 3:20

Ndelle mi foortan junngo am mi fiira Misira e maandeeji kaayniiɗi ɗi ngaɗanmi ley muuɗum fuu. Caggal ɗuum o yoppan on ndillon.

Wurtagol 5:2

Ammaa Fira'awna wi'i: — Moy woni Joomiraaɗo faa mi hettindanoo ɗum, de mi yoppa yimɓe Israa'iila ndilla? Mi anndaa Joomiraaɗo, wooɗi mi yoppataa yimɓe Israa'iila ndilla.

Wurtagol 7:1

Ndeen Joomiraaɗo wi'i Muusaa: — Mi waɗii ma hono Laamɗo yeeso Fira'awna. Mawna Haaruuna du laatante annabaajo.

Wurtagol 9:16

Ammaa mi accii ma mbuuruɗaa faa mi holle baawɗe am, faa innde am sankitoo ley adunaaru fuu.

Golle Nelaaɓe 7:36

Kanko wurtini ɓe, o waɗi kaayeefiiji e maandeeji kaayniiɗi ley leydi Misira e ley maayo Maaliya e ley ladde duuɓi 40.

Romankooɓe 9:17

Sabo e ley Binndi ɗiin, Laamɗo wi'ii Fira'awna: «Ko ngaɗirmaami kaananke dey, faa mi hollira baawɗe am e maaɗa, katin du faa innde am gooynee e adunaaru ndu fuu.»

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Fillitagol 7:19

On njiiri gite mon torraaji mawɗi e maandeeji e kaayeefiiji e semmbe mawɗo nde Joomiraaɗo, Laamɗo mooɗon wurtinannoo on ndeen. Wo noon o waɗata lenyi ɗi kuloton ɗiin fuu.

1 Piyeer 5:5

Hono noon onon jokolɓe, njaɓee yamiroore mawɓe. On fuu, ngondon e leeƴinkinaare hakkunde mooɗon, sabo Binndi ɗiin mbi'ii: «Laamɗo na salanoo mawninkiniiɓe, de na hokka leeƴinkiniiɓe moƴƴere.»