Nehemiya 9:1 - Dewtere Laamɗo Fulfulde Burkina Faso

¹ Nyannde 24 lewru nduun, Israa'iilankooɓe kawriti, cuumii. Iɓe ɓornii bootooji, iɓe njoora leydi dow ko'e maɓɓe. Ɗum na holla mettorgal ɓerɗe maɓɓe.

Nehemiya 9:1 ပူးပေါင်းရင်းမြစ်များ

2 Samuwiila 1:2

Nyannde tataɓerde ndeen gorko ƴuuri ndaaka Sawulu. Tawi imo seeki kaddule makko, imo watti leydi dow hoore makko faa o holla mettorgal makko. Nde o yottinoo to Daawda ndeen o hippii e leydi faa o teddina ɗum.

Isira 8:21

Ɗakkol gooruwol Ahawa toon, njamirmi lenyol ngool fuu suumoo faa min leeƴina ko'e amin yeeso Laamɗo heɓa o walla min, o reena min ley jahaangal ngal min njahata, minen e ɓiɓɓe amin e ko min ngoodi fuu.

Isira 8:23

Saabe majjum min cuumii, min ŋaarii Laamɗo amin reena min. Kam du, nani du'aare amin, de jaabii min.

Nehemiya 8:2

Nyannde go'o lewru jeɗɗaɓurdu, almaami Isira waddi dewtere Tawreeta ndeen yeeso kawrital worɓe e rewɓe e waawɓe nanude de paama ko winndaa ley mayre fuu.

Ester 4:16

— Yahu hawrondinoy Yahuudiyankooɓe wonɓe ley huɓeere Suus fuu, de cuumanoɗon kam. Balɗe tati, taa nyaamon, taa njaron. Miin e gollooɓe am rewɓe du, min ngaɗiran noon. Caggal ɗuum, mi yahan to kaananke fay si na ɗum laati mboɗaa. Fay si tawi mi maayan sey mi maaya.

Ester 4:3

Leyɗe to kabaaru oon hewtii fuu, Yahuudiyankooɓe na tawdaa e suno manngo. Iɓe cuumoo, iɓe mbulla iɓe mboytoo. Iɓe ɓornoo bootooji, iɓe pukkoo dow ndoondi.

Ayuuba 2:12

Nde ɓe njottotonoo ndeen, ɓe kaynii mo to woɗɗi de ɓe annditaay mo. Ndeen ɓe ƴepti daaɗe maɓɓe ɓe mboyri semmbe, mono e maɓɓe fuu seeki kaddule muuɗum. Ɓe nokki leydi, ɓe paɗɗi dow, ndi saami dow ko'e maɓɓe.

Lewinkooɓe 23:34

Kaaldaa e Israa'iila'en mbi'aa ɗum'en: Nyannde 15 lewru jeɗɗaɓurdu, ngaɗanon Joomiraaɗo Iidi Tenndeeje faa waɗa balɗe jeɗɗi.

Lewinkooɓe 23:39

Nyannde 15 lewru jeɗɗaɓurdu, nde taƴoton gese mooɗon fu, ngaɗanon Joomiraaɗo iidi faa waɗa balɗe jeɗɗi: Nyalaande go'aɓerde e jeetataɓerde fuu laatoo nyalaaɗe powtiri.

Yoosuwa 7:6

Yoosuwa e mawɓe Israa'iila ceeki kaddule muɓɓen, kippi geese muɓɓen yeeso keesuwal Joomiraaɗo, faa kiiral naange. Ɓe paɗɗi sollaare dow ko'e maɓɓe saabe mettorgal.

Holleede 11:3

Mi hokkan seedeeɓe am ɗiɗo mbaajoo annabaaku haddi balɗe ujunere e keme ɗiɗi e capanɗe jeegom (1.260), iɓe ɓornii tekke bootooji.

Ardiiɓe 20:26

Ndeen Israa'iilankooɓe fuu njehi Baytila. Ɓe njooɗii, ɓe mboyi yeeso Joomiraaɗo, ɓe nyalli iɓe cuumii faa kiiral naange, ɓe cakki sadakaaji buleteeɗi e sadakaaji jeɗeteeɗi yeeso Joomiraaɗo.

1 Samuwiila 4:12

Gorko jeyaaɗo e lenyol Benjamin doggi ƴuuri wolde toon, wari to Siilo nyannde ndeen, kaddule muuɗum na ceekii, kusaw na woni dow hoore muuɗum.

1 Samuwiila 7:6

Ndelle ɓe kawritiri to wuro Mispa, ɓe ƴoogowi ndiyam de ɓe njoori ɗam yeeso Joomiraaɗo, ɓe cuumii nyannde ndeen, ɓe mbi'i: — Min luttii Joomiraaɗo. To Mispa toon, Samuwiila ardii yimɓe Israa'iila, rewrintini ɗum'en e Joomiraaɗo.