Nehemiya 8:9 - Dewtere Laamɗo Fulfulde Burkina Faso

⁹ Nehemiya goforneer e almaami Isira, jannginoowo Tawreeta e Lewinkooɓe piirtani yimɓe ɓeen maanaa jamirooje ɗeen. Nde ɓe paamitinoo ɗum fuu ɓe puɗɗii woyude. Ndeen Nehemiya wi'i ɓe: — Hannden wo nyalaande Joomiraaɗo, Laamɗo meeɗen seniinde. Taa ɓerɗe mooɗon metta, taa mboye.

Nehemiya 8:9 ပူးပေါင်းရင်းမြစ်များ

2 Kaanankooɓe 22:11

Nde kaananke nannoo kabaaru binndaaɗo ley dewtere Tawreeta ndeen fuu, seeki kaddule muuɗum.

2 Kaanankooɓe 22:19

Mi nani haala ma, sabo ɓernde ma hecciɗii de leeƴinɗaa hoore maaɗa, ceekuɗaa kaddule maaɗa mbulluɗaa yeeso am, nde mbi'unoomi mi waɗan nokkuure ndeen laatoo winnde huɗaande, kayre e jooɗiiɓe e mayre fuu. Nii Joomiraaɗo wi'i.

Isira 2:63

Saabe majjum, goforneer yamiri taa ɓe nyaama nyaamdu seniindu sanaa nde almaami ngolliri «Urim» e «Tumim» dow mayru faa faama muuyɗe Laamɗo.

Isira 7:11

Inan ɓataaki ki Artajerjes kaananke neldi almaami Isira, jannginoowo, jom anndal dow ekintingol e dow jamirooje ɗe Joomiraaɗo hokki lenyol Israa'iila:

Nehemiya 10:1

Saabe ko waɗi ɗuum, min ngaɗi amaana ley ɓataaki. Maande mawɓe amin e Lewinkooɓe e almaami'en waɗaa dow ɓataaki kiin.

Nehemiya 12:26

Kamɓe ndaaranta gollal ngaal ley jamaanu Yoyaakim almaami ɓii Yesuwa taan Yoosadak e jamaanu Nehemiya goforneer e almaami Isira jannginoowo Tawreeta.

Nehemiya 7:65

Goforneer Yahuuda yamiri taa ɓe nyaama ko ɓuri senaade faa nde almaami gollirii ɗum «Urim» e «Tumim».

Nehemiya 7:70

Woɓɓe ley ardiiɓe lenyol kokki ballal muɓɓen saabe gollal suudu seniindu: Buuɗi kaŋŋe 20.000, e cardi kilooji 1.100.

Nehemiya 8:2

Nyannde go'o lewru jeɗɗaɓurdu, almaami Isira waddi dewtere Tawreeta ndeen yeeso kawrital worɓe e rewɓe e waawɓe nanude de paama ko winndaa ley mayre fuu.

Tindinoowo 3:4

wullude e wakkatim, jalude du e wakkatim, cunu e wakkatim, bami du e wakkatim,

Lewinkooɓe 23:24

Kaaldaa e Israa'iila'en mbi'aa ɗum'en: Nyannde go'o lewru jeɗɗaɓurdu fuu wo Nyalaande fowteteende. Nde laatoo nyannde miccitagol e puufaali luwe ley kawrital ceniingal.

Romankooɓe 3:20

Sabo fay gooto ndaardataake ponnditiiɗo yeeso Laamɗo saabe haybude muuɗum Tawreeta Muusaa. Si goonga, golle Tawreeta oon haaɗii e anndinde yimɓe ko woni hakke.

Romankooɓe 7:9

Miin e hoore am, nde mi anndaano Tawreeta arande ndeen, miɗo wuurnoo, ammaa ko kaɗaaɗi ɗiin ngari ɗuum, hakkeeji laatii buurɗi,

Fillitagol 12:12

Ceyoɗon yeeso Joomiraaɗo, Laamɗo mooɗon, onon e ɓiɓɓe mon rewɓe e worɓe, e maccuɓe mon e horɓe mon e Lewinkooɓe tawaaɓe ley galluuje mon, sabo Lewinkooɓe ngalaa ngeɗu hakkunde mooɗon.

Fillitagol 12:7

Wo toon nyaamoton yeeso Joomiraaɗo, Laamɗo mooɗon de onon e yimɓe mon mbeltoroɗon barke mo waɗani on ley golleeji mon fuu.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Fillitagol 26:14

Min nyaamaay fay gootum e majjum wakkati min ngondunoo e mettorgal saabe maayreede, min ittaay faa'e nde min laatinoo tuunɓe wooɗi du, min cakkanaay faa'e saabe maayɗo. Min kettindanake Joomiraaɗo, Laamɗo amin, min ngaɗii no njamirɗaa min noon pay.

Yaakuuba 4:9

Mettinee ɓerɗe mon, cunee, mboyee. Ngaɗon jaleeɗe mooɗon bojji, weltaare mooɗon du laatoo cunu.