Nehemiya 8:3 - Dewtere Laamɗo Fulfulde Burkina Faso

³ O dari yeeso maɓɓe dow njaayri dammbugal Ndiyam, o janngani ɓe dewtere ndeen. Yimɓe fuu na kettinii jannde Tawreeta ndeen gilla fajiri faa hewti hakkunde naange.

Nehemiya 8:3 ပူးပေါင်းရင်းမြစ်များ

Nehemiya 10:29

Yimɓe heddiiɓe fuu: almaami'en e Lewinkooɓe e reenooɓe dammbuɗe e yimooɓe e gollooɓe ley suudu Dewal Joomiraaɗo e sennduɓe ko'e muɓɓen e lenyi janani jooɗiiɗi ley leydi ndiin faa njokka jamirooje Laamɗo; kamɓe e rewɓe maɓɓe e ɓiɓɓe maɓɓe worɓe e rewɓe, e nanuɓe de paami ko janngaa ɓeen fuu,

Nehemiya 13:1

Ley nyalaande ndeen yimɓe njannganaa Tawreeta Muusaa. Ɓe tawi ina winndaa ley toon taa Amoninke maa Mo'abinke natta ley kawrital yimɓe Laamɗo

Nehemiya 8:1

Yimɓe fuu kawriti ley njaayri ngondi yeeso dammbugal Ndiyam, ɓe mbi'i Isira jannginoowo Tawreeta oon wadda dewtere Tawreeta Muusaa nde Joomiraaɗo hokki Israa'iilankooɓe ndeen.

Nehemiya 8:18

Isira janngi dewtere Tawreeta Laamɗo ley nyalaaɗe iidi ɗeen fuu, gilla go'aɓerde faa sakitiinde. Ɓe ngaɗiri iidi oon balɗe jeɗɗi. Ley nyalaande jeeɗaɓerde, ɓe ngaɗi iidi mawɗo fodde no winndiraa.

Nehemiya 8:4

Isira na dari dow nokkuure toownde waɗiraande leɗɗe saabe kawrital ngaal. Mattiitiya e Sema e Anaaya e Uriyahu e Hilkiya e Maaseya na ndarii junngo makko nyaamo. Pedaaya e Misayel e Malkiya e Haasum e Haasibadana e Jakariya e Meesullam du, na ndarii junngo makko nano.

Nehemiya 8:5

O omti dewtere ndeen yeeso yimɓe ɓeen, mono fuu na yi'a ngam imo darii dow to toowi.

Marka 12:37

Daawda e hoore muuɗum ina noddira Almasiihu oon «Joomam». Ndelle, noy o laatortoo taanum? Jamaa keewɗo ina hettindanii Iisaa e seyo.

Luuka 19:48

ammaa ɓe kunngake heɓude laawol sabo yimɓe ɓeen ina ngattani haalaaji makko ɗiin hakkillo sanne.

Luuka 8:18

Ndelle, tinnee no nanirɗon ni, sabo neɗɗo fuu jogiiɗo paamal dow laamu Laamɗo, ɓeydante. Ammaa mo walaa paamal oon, fay ko miilata ina jogii ɗuum, teetete.

Golle Nelaaɓe 13:15

Caggal janngeede Tawreeta Muusaa e dewte annabaaɓe, hooreeɓe waajordu nduun neli ɓe noddee ɓe ngara yeeso muɓɓen. Ɓe mbi'i: — Sakiraaɓe, si oɗon njogii haala cemmbinooha yimɓe ɗo fu, kaalee.

Golle Nelaaɓe 13:27

Sabo wonɓe Urusaliima ɓeen e hooreeɓe muɓɓen fuu annditaay Iisaa. Katin du ɓe paamaay haalaaji annabaaɓe janngeteeɗi nyalaande fowteteende fuu. Annabaaɓe ɓeen mbi'ii Iisaa sarete. Ko ɓe carii mo ɗuum, ɓe tabintinii haalaaji ɗiin.

Golle Nelaaɓe 15:21

Gilla e jamaanuuji ɓooyɗi, Tawreeta Muusaa ina jannginee ley gure ɗeen fuu, iɓe njannga ɗum nyalaande fowteteende fuu ley cuuɗi baajorɗi.

Golle Nelaaɓe 16:14

Gooto maɓɓe wo debbo jokkuɗo Laamɗo bi'eteeɗo Lidiya. Wo o connoowo kaddule boɗeeje, jeyaaɗo ngalluure wi'eteende Tiyatira. Imo hettindii waaju oon, de Joomiraaɗo omti ɓernde makko faa o jaɓa ko Pool waajotoo ɗuum.

Golle Nelaaɓe 17:11

Yimɓe wonɓe ɗoon ina ɓuri Alhuudiyankooɓe wonɓe Tesaloniiki ɓeen jikku lobbo. Ɓe njakkitorii konngol Pool ngool e juuɗe ɗiɗi. Iɓe piloo ley Binndi ɗiin nyannde fuu faa ɓe ndaara yalla ko Pool waajii ɗuum wo goonga.

Golle Nelaaɓe 20:11

Ndeen Pool ƴeenti, heltii buuru, nyaami. Caggal ɗuum, o warti e waaju makko faa weeti, de o dilli.

Golle Nelaaɓe 20:7

Nyannde arandeere e jeɗɗiire, tawi miɗen kawriti faa min keltoo buuru. Pool ina waajoo yimɓe ɓeen, sabo imo anniyii dillude jaango majjum. O heddii e waaju oon faa hakkunde jemma.

Golle Nelaaɓe 28:23

Ɓe kokkunduri nyalaande nde ɓe ngartoyta. Nyalaande ndeen yottii, heewɓe ngari kawriti to jipporde makko toon. Gilla fajiri faa caggal kiraaɗe imo fiirtana ɓe haala laamu Laamɗo, imo waajoo ɓe. Imo holla ɓe kabaaru Iisaa gonɗo ley Tawreeta Muusaa e ley dewte annabaaɓe.

Fillitagol 31:9

Ndeen Muusaa winndi dewtere Tawreeta ndeen hokki nde almaami'en, ɓiɓɓe Lewi, wakkotooɓe keesuwal Amaana Joomiraaɗo e mawɓe Israa'iila fuu.

1 Tesaloniyankooɓe 2:13

Katin won ko saabanii min yettude Laamɗo wakkati fuu: nde nannoɗon konngol Laamɗo ngool e kunnduɗe amin ndeen, on njaɓɓoraaki ngol wo ngol konngol ɓii-Aadama. Ammaa on njaɓɓorake ngol wo ngol konngol Laamɗo. Wo kam jaati. Ingol golla e ley mooɗon, onon goonɗinɓe.

Yoosuwa 8:35

Yoosuwa janngi jamirooje Muusaa fuu. Fay gootel walaa ngel o heddi. O janngi ɗe yeeso kawrital yimɓe Israa'iila fuu, kamɓe e rewɓe maɓɓe e ɓiɓɓe maɓɓe e weerɓe jooɗiiɓe hakkunde maɓɓe fuu.

Holleede 2:29

Jom nowru fuu, nana ko Ruuhu haalanta kawrite goonɗinɓe ɗuum!»

Holleede 3:22

Jom nowru fuu, nana ko Ruuhu haalanta kawrite goonɗinɓe ɗuum!»