Nehemiya 8:18 - Dewtere Laamɗo Fulfulde Burkina Faso

¹⁸ Isira janngi dewtere Tawreeta Laamɗo ley nyalaaɗe iidi ɗeen fuu, gilla go'aɓerde faa sakitiinde. Ɓe ngaɗiri iidi oon balɗe jeɗɗi. Ley nyalaande jeeɗaɓerde, ɓe ngaɗi iidi mawɗo fodde no winndiraa.

Nehemiya 8:18 ပူးပေါင်းရင်းမြစ်များ

Nehemiya 8:2

Nyannde go'o lewru jeɗɗaɓurdu, almaami Isira waddi dewtere Tawreeta ndeen yeeso kawrital worɓe e rewɓe e waawɓe nanude de paama ko winndaa ley mayre fuu.

Nehemiya 8:3

O dari yeeso maɓɓe dow njaayri dammbugal Ndiyam, o janngani ɓe dewtere ndeen. Yimɓe fuu na kettinii jannde Tawreeta ndeen gilla fajiri faa hewti hakkunde naange.

Lewinkooɓe 23:36

Ley balɗe jeɗɗi ɗeen, nyannde fuu, ngaɗanon Joomiraaɗo sadaka. Nyalaande jeetataɓerde, ngaɗon kawrital ceniingal. Ngaɗanon Joomiraaɗo sadaka. Ngaal woni kawrital timmoode iidi oon. Taa ngollon golle tampinooje on.

Lewinkooɓe 23:41

Ngaɗanon Joomiraaɗo iidi oon hitaande fuu faa waɗa balɗe jeɗɗi. Wo ɗum yamiroore nde ɗowtantoɗon ley jamaanuuji fuu. Ngaɗon ɗum ley lewru jeɗɗaɓurdu.

Limle 29:35

Nyalaande jeetataɓerde ngaɗon kawrital ceniingal. Taa ngollon golle tampinooje on.

Yuhanna 7:37

Nyalaande sakitotoonde teddunde e iidi, Iisaa darii, ƴeewnii, wi'i: — Neɗɗo fuu ɗomɗuɗo wara to am, yara.