Nehemiya 8:16 - Dewtere Laamɗo Fulfulde Burkina Faso

¹⁶ Ndeen ɓe njehii, ɓe ngaddi licce ɗeen, ɓe ndarnani ko'e maɓɓe tenndeeje. Mono fu e nokkuure mum, woɓɓe dow cuuɗi muɓɓen, woɓɓe e njaayri gure muɓɓen, woɓɓe e njaayri suudu Dewal Laamɗo, woɓɓe e njaayri dammbugal Ndiyam, woɓɓe e njaayri dammbugal Efrayim.

Nehemiya 8:16 ပူးပေါင်းရင်းမြစ်များ

2 Samuwiila 11:2

Nyannde gomma, wakkati laasara peewɗo, Daawda ummii e leesom na waancoo dow suudu mum laamordu. Illa e dow suudu toon o yi'i debbo gomma na lootoo. Debbo oon na ŋarɗi sanne.

2 Kaanankooɓe 14:13

Yehowas kaananke Israa'iila nanngi Amasiya ɓii Yowas taan Ahajiya kaananke Yahuuda ley wuro Bayti-Semes. Caggal ɗuum o yottii galluure Urusaliima de o heli kokuwol piiliingol galluure ngool gilla dammbugal Efrayim faa yottii dammbugal Soɓɓundu. Njuuteefi majjum wo piyanɗe 400.

Nehemiya 12:37

Ɓe ƴeeŋiri dammbugal Ɓuldude, ɓe ponndii ƴeenyirɗe huɓeere Daawda, ɓe njottii ƴeenyirde kokuwol ngool, ɓe paltorii dow wuro Daawda, faro dammbugal Ndiyam lettugawal.

Nehemiya 12:39

dammbugal Efrayim, dammbugal Yesaana, dammbugal Liƴƴi, cuuɗi toowɗi indirteeɗi Hananel e Hemre, dammbugal Baali, faa min kewti dammbugal Reenooɓe.

Nehemiya 3:26

Ndeen gollooɓe ley suudu Dewal Joomiraaɗo wonɓe waamnde Ofel ɓeen du nyiɓitii gilla lettugal dammbugal Ndiyam faa hewti suudu toowndu tekkindu kokuwol nduun.

Nehemiya 8:1

Yimɓe fuu kawriti ley njaayri ngondi yeeso dammbugal Ndiyam, ɓe mbi'i Isira jannginoowo Tawreeta oon wadda dewtere Tawreeta Muusaa nde Joomiraaɗo hokki Israa'iilankooɓe ndeen.

Nehemiya 8:3

O dari yeeso maɓɓe dow njaayri dammbugal Ndiyam, o janngani ɓe dewtere ndeen. Yimɓe fuu na kettinii jannde Tawreeta ndeen gilla fajiri faa hewti hakkunde naange.

Fillitagol 22:8

Si on nyiɓii suudu heyru on kippirii ɗum maadi fu, sey piiltinon ɗum kokuwel hono hoggo dow toon taa goɗɗo ƴuura dow toon saama de maaya, laatoo wo onon caabanii ɗum maayde.