Nehemiya 8:10 - Dewtere Laamɗo Fulfulde Burkina Faso

¹⁰ O wi'i ɓe katin: — Njehee nyaamowe nyaamndu lobburu, njaron cabijam mbelɗam. Mo walaa ko defa fuu, neldon ɗum nyaamdu ngam hannden wo nyalaande Joomiraaɗo meeɗen seniinde. Taa mettinon ɓerɗe mooɗon. Mbeltoree seyo saabe Joomiraaɗo woni semmbe mooɗon.

Nehemiya 8:10 ပူးပေါင်းရင်းမြစ်များ

1 Kaanankooɓe 8:66

Nyalaande jeetataɓerde ndeen, kaananke hokki ɓe laawol ɓe koota gure maɓɓe. Ɓe mbarkini mo, ɓe kootidi gure maɓɓe e seyo, ɓerɗe maɓɓe na mbeli saabe mbooɗirka ka Joomiraaɗo holli maccuɗo muuɗum Daawda e yimɓe muuɗum Israa'iila'en.

1 Kabaaruuji Laamiiɓe 16:27

Wo kanko jeyi manngu e teddeengal, semmbe e seyo fuu wo to makko tawetee.

Nehemiya 8:11

Lewinkooɓe du, na cawrina yimɓe ɓeen na mbi'a ɓe: — Ndeƴƴinee, ndeƴƴinee, celee bojji sabo nyalaande nde wo seniinde, taa mettinee ɓerɗe mooɗon.

Nehemiya 8:12

Ndeen yimɓe ɓeen fuu njehii nyaamowi, njari, de ittani ɓe ngalaa ɓeen ngeɗu. Ɓe ceyii ngam ɓe paamitake ko ɓe njanngana ɗuum.

Ester 9:19

Ɗum hollata ko saabi de Yahuudiyankooɓe gure ladde e galluuje pamare na kiira nder seyo manngo e hokkondirgol dokke nyannde 14 lewru Adar.

Ester 9:22

Saabe balɗe ɗeen Yahuudiyankooɓe keɓunoo baawɗe dow wayɓe muɓɓen. Ley lewru nduun, suno maɓɓe waylitii seyo, mettorgal maɓɓe du, waylitii weltaare mawnde. Iɓe ngaɗa hiirooji hitaande fuu wakkati lewru nduun, iɓe ceyoo, iɓe kokkondira dokke e nyaamdu, iɓe mballita talkaaɓe saabe ɓe keɓii jooɗaade e jam hakkunde wayɓe maɓɓe.

Banndi 17:22

Ɓernde welnde na sawra, mettorgal ɓernde du na yoorna ƴi'e.

Tindinoowo 11:2

Peccaa jawdi maaɗa, njeɗaa yimɓe njeɗɗo naa njeetato sabo a anndaa bonanda garoowo dow leydi.

Tindinoowo 2:24

Walaa fuu ko ɓurani neɗɗo nyaamude e yarde e weltoraade golleeji muuɗum. De kanjum du, mi yi'ii ɗum ƴuuraanaa e junngo Laamɗo.

Tindinoowo 3:13

Neɗɗo heɓa nyaama, yara, de weltoroo golleeji muuɗum ɗi tampani, wo dokkal Laamɗo.

Tindinoowo 5:18

Katin du ɓii-Aadama fuu mo Laamɗo hokki jawdi e danyal de hokki ɗum nawtoraade ɗum fuu, joomum jaɓa ngeɗu muuɗum de weltoroo ko tampani, wo ɗum dokkal Laamɗo.

Tindinoowo 9:7

Njahaa, nyaamiraa nyaamri maa seyo, njardaa njaram maaɗa lamminaaɗam e ɓernde welnde, sabo noon Laamɗo muuyi ngaɗaa.

Luuka 11:41

Cakkee ko woni ley kore e kaake ɗeen. Ndeen, ko heddii ɗuum fuu laatanto on ko laaɓi.

2 Korintunkooɓe 8:2

Ɓe ndaartindoraama torraaji cattuɗi, ammaa no seyo maɓɓe heewri noon waddanii ɓe hokkitirde ko heewi, fay si iɓe ngoni e talkaaku cattungu.

Filipiyankooɓe 3:4

Si goonga, miin kaa miɗo waawnoo yowude jikke am dow golleeji ɓanndu. Si goɗɗo miilii ina waawi yowude jikke muuɗum dow golleeji ɓanndum fu, miin ɓuri haandude e majjum.

Holleede 11:10

Yimɓe adunaaru ceyorto saabe maayde maɓɓe ndeen. Ɓe mbeltoto, ɓe kokkundura dokke dow weltaare, sabo annabaaɓe ɗiɗo ɓeen torriino ɓe sanne.

1 Samuwiila 25:8

Ƴamaa maccuɓe maaɗa, ɓe laaɓinante. Ndelle accaa jokolɓe am keɓa yardaa-muye e maaɗa, sabo ɓe ngarii nyannde juulɗe. Miɗo ŋaare, kokkoraa maccuɓe ɓe e miin ɓiya Daawda ko mbaawuɗaa.»