Nehemiya 6:14 - Dewtere Laamɗo Fulfulde Burkina Faso

¹⁴ Yaa Laamɗo am, miccitoɗaa ko Tobiya e Sanbalat ngaɗi. Miccitoɗaa No'aadiya, annabaajo debbo e annabaaɓe heddiiɓe filiiɓe hulɓinde kam.

Nehemiya 6:14 ပူးပေါင်းရင်းမြစ်များ

Nehemiya 13:29

Yaa Laamɗo am, miccitoɗaa ɓe sabo ɓe tuunini amaana almaami'en e mo Lewinkooɓe.

Nehemiya 5:19

Yaa Laamɗo am, miccitoɗaa kam, ngaɗanaa kam mbooɗirka ma fodde huunde fuu ko ngaɗammi yimɓe ɓe.

Wurtagol 15:20

Mariyama, sakiike Haaruuna debbo wo annabaajo. O hooƴi tummbugel pamarel, imo fiya imo wama. Ndeen rewɓe fuu mburtii, njokkii mo, ina piya tummbuɗe kamɓen du ina mbama.

Matta 24:11

Annabaaɓe fewreeɓe heewɓe ɓangan, kiila heewɓe.

Matta 24:24

Sabo almasiihu'en fewreeɓe e annabaaɓe fewreeɓe ɓangowan, ngaɗa maandeeji mawɗi e kaayeefiiji faa majjina fay suɓaaɓe ɓeen, si na laatoo.

Matta 7:15

— Tinnee e annabaaɓe fewreeɓe. Si ɓe ngarii to mooɗon fu, iɓe nga'i hono baali, de si goonga, wo ɓe cuuli jolbuɗi.

2 Timote 3:8

Worɓe naatooɓe cuuɗi ɓeen njeddii goonga hono no Yanes e Yamberes njeddirnoo Muusaa ni. Hakkillooji maɓɓe mbonii, goonɗinal maɓɓe du wanaa goonga.

1 Yuhanna 5:16

Ndelle, si won jiiɗo sakiike muuɗum ina waɗa hakke mo waddantaa ɗum maayde, o nyaaganoo ɗum Laamɗo, Laamɗo du hokkan ɗum nguurndam. De na woodi hakke gaddoowo maayde. Mi wi'aay nyaagoroɗon saabe hakke oon.

Holleede 19:20

Ndaabaawa ngaan nanngaa, kanga e annabaajo fewreejo gaɗannooɗo kaayeefiiji yeeso magga oon. E kaayeefiiji ɗiin o hiildunoo heɓuɓe maande ndaabaawa ngaan ɓeen, sujidannooɓe tooru nanndundu e magga ɓeen. Ɓe ɗiɗo fuu, ɓe paɗɗaa iɓe mbuuri e weendu yiite huɓɓirteendu sitti nduun.