Nehemiya 5:2 - Dewtere Laamɗo Fulfulde Burkina Faso

² Woɓɓe maɓɓe mbi'i: — Minen e ɓiɓɓe amin worɓe e rewɓe miɗen ɗuuɗi. Miɗen njeyi heɓude nguurey ko min nyaama, min mbuurda.

Nehemiya 5:2 ပူးပေါင်းရင်းမြစ်များ

Fuɗɗoode 41:57

Yimɓe leyɗe goɗɗe fuu ina ngara Misira faa cooda nguurey e junngo Yuusufi, sabo rafo ngoon sattii ley adunaaru fuu.

Fuɗɗoode 42:2

O wi'i: — Mi nanii nguurey ina woni Misira. Njehee, coodanowee en nguurey heɓa mbuuren, taa maayen rafo.

Fuɗɗoode 43:8

Ndeen Yahuuda wi'i bammum Israa'iila: — Accu suka oon yaada e am. Min njahan heɓa mbuuren taa maayen rafo, minen e maaɗa e ɓiɓɓe amin fuu.

Fuɗɗoode 47:19

Yalla min maayan yeeso maa naa? Leydi amin wanaa faa'e. Coodaa min minen e leydi amin ndiin fuu, de kokkaa min nguurey. Min laatoo maccuɓe Fira'awna, o hawjoo leydi amin ndiin du. Hokku min aawdi faa min mbuura, taa min maaya, taa leydi amin laatoo ɓoldi.

2 Kaanankooɓe 4:1

Nyannde gomma, dee gooto e taalibaaɓeno annabaaɓe ŋaari Elisey wi'i: — Taalibbo maa, jom suudu am wuuraa. Wooɗi du, aɗa anndi imo wuurdunoo e kulol Joomiraaɗo e ɓernde makko. Joonin le, gorko mo o joganinoo nyamaande warii faa nannga ɓiɓɓe amin worɓe ɗiɗo waɗowa maccuɓe.

Nehemiya 5:3

Woɓɓe maɓɓe du mbi'i: — Gese amin nguurey e cabiije teetaama saabe nyamaande nde min njaɓi faa min cooda gawri wakkati rafo.

Fillitagol 23:19

Taa ngaddon ceede woykuraaku ley suudu Joomiraaɗo, Laamɗo mooɗon saabe on aadakeno hokkude goɗɗum sabo ɗuum na laatii ko harmi e gite Joomiraaɗo.