Nehemiya 5:13 - Dewtere Laamɗo Fulfulde Burkina Faso

¹³ Wooɗi piɗɗumi kommbol saayo am, mbiimi: — Neɗɗo fuu mo tabintinaay amaana o, nii Laamɗo fiɗɗirta joomum wurtina ɗum ley suudu mum e ley ko jeyi fuu. Ni Laamɗo fiɗɗirta joomum, yoppidataa ɗum faa'e. Ndeen yimɓe ɓeen fuu njaabii, mbi'i: «Aamiina!» Ɓe mani Joomiraaɗo. Caggal ɗuum ɓe tabintini amaana mo ɓe podinoo oon.

Nehemiya 5:13 ပူးပေါင်းရင်းမြစ်များ

2 Kaanankooɓe 23:3

O darii dow bimmbeere o waɗi amaana yeeso Joomiraaɗo faa o ɗowtanoo ɗum, o tiigoo jamirooje e seedaakuuji e sariyaaji muuɗum e ɓernde makko e hakkillo makko fuu, o jokka haalaaji mbinndaaɗi ley dewtere ndeen fuu. Yimɓe fuu anniyii ɗowtanaade amaana oon.

1 Kabaaruuji Laamiiɓe 16:36

Barke woodana Joomiraaɗo, Laamɗo Israa'iila faa abada abadin. Ndeen yimɓe fuu njaabii mbi'i: «Aamiina». Ɓe teddini Joomiraaɗo.

Nehemiya 8:6

Isira mani Joomiraaɗo, Laamɗo jom teddeengal, yimɓe fuu ɓanti juuɗe muɓɓen, njaabii mbi'i: «Aamiina! Aamiina!» Ɓe turii, ɓe kippi geese maɓɓe e leydi, ɓe teddini Joomiraaɗo.

Banndi 28:4

Joppuɗo jamirooje teddinii bonɓe, jogiiɗo ɗe ina haɓda e maɓɓe.

Tindinoowo 5:5

Taa accu hunnduko maaɗa waddane hakke. Nde njahuɗaa to nulaaɗo Laamɗo ndeen fu, taa mbi'aa: «Mi hensaaki.» Ko saabii de aɗa mettina ɓernde Laamɗo faa halka golleeji maaɗa?

Limle 5:22

Ndiyam kuddijam ɗaam naata ley reedu maaɗa, ƴuufina ndu de halka ɓeyngu maaɗa.» Ndeen debbo oon jaabo wi'a: «Aamiina aamiina.»

Matta 10:14

Si ina woodi galle naa wuro ɗo on njaɓɓaaka naa on kettindanaaka fu, njalton to maɓɓe, piɗɗon sollaare maɓɓe wonnde e koyɗe mon.

Golle Nelaaɓe 13:51

Kam'en du piɗɗi colla koyɗe muɓɓen e maɓɓe, de njehi Ikoniya.

Golle Nelaaɓe 18:6

Ammaa saabe ko ɓe calanii mo, iɓe njenna mo, o fiɗɗi kaddule makko, o wi'i ɓe: — Si Laamɗo jukkake on fu, wo feloore mooɗon! Miin kaa, mi walaa feloore. Gilla joonin mi yahan to ɓe nganaa Alhuudiyankooɓe.

1 Korintunkooɓe 14:16

Si wanaa noon fu, si a yettirii Laamɗo e ley yonki maa tan, noy tawaaɗo toon mo woowaa ɗum waawirta wi'ude «Aamiina» e yettugol maaɗa ngool? Sabo joomum nanataa ko kaalataa ɗuum.

1 Samuwiila 15:28

De Samuwiila wi'i mo: — Joomiraaɗo seekii laamu Israa'iila e maa hannden, de hokki ngu gooto hakkunde ɗakkiiɓe maaɗa, to neɗɗo ɓurɗo ma.