Nehemiya 5:12 - Dewtere Laamɗo Fulfulde Burkina Faso

¹² Ndeen ɓe mbi'i: — Min kokkitan ɓe ɗum fuu, wooɗi du, min njaɓataa goɗɗum to maɓɓe katin. Ndeen noddumi almaami'en, ngaɗumi mawɓe huɓeere e ardiiɓe ɓeen, kunii mbi'i ngaɗan ko podii ɗuum.

Nehemiya 5:12 ပူးပေါင်းရင်းမြစ်များ

Isira 10:12

Ndeen jamaa oon fuu ƴeewni wi'i: — Ina tilsi min ngaɗa ko mbiiɗaa!

Isira 10:5

Ndeen Isira ummii waɗi almaami'en e Lewinkooɓe e Israa'iilankooɓe fuu kunii mbi'i ngaɗan ko wi'aa ɗuum.

Nehemiya 10:29

Yimɓe heddiiɓe fuu: almaami'en e Lewinkooɓe e reenooɓe dammbuɗe e yimooɓe e gollooɓe ley suudu Dewal Joomiraaɗo e sennduɓe ko'e muɓɓen e lenyi janani jooɗiiɗi ley leydi ndiin faa njokka jamirooje Laamɗo; kamɓe e rewɓe maɓɓe e ɓiɓɓe maɓɓe worɓe e rewɓe, e nanuɓe de paami ko janngaa ɓeen fuu,

Nehemiya 10:30

kawriti e sakiraaɓe muɓɓen tedduɓe hunnduko wooto, kunii, mbi'i njokkan jamirooje Laamɗo ɗe hokki Muusaa maccuɗo muuɗum faa njogoo ɗe, de njokka sariyaaji Joomiraaɗo e tindinooje muuɗum.

Nehemiya 10:31

Min anniyake sukaaɓe amin rewɓe ndewlataake lenyi janani jooɗiiɗi ley leydi ndi, wooɗi min ndewlantaa sukaaɓe amin worɓe surbaaɓe lenyi ɗiin.

Nehemiya 13:25

Ndeen pelumi ɓe, kuɗumi ɓe, piimi woɓɓe maɓɓe, ɗoofumi ngaasa muɓɓen, ngaɗumi ɓe kunii e innde Laamɗo, ɓe kokkataa ɓiɓɓe maɓɓe rewɓe, ndewlee lenyi janani, wooɗi ɓe ndewlantaa ɓiɓɓe maɓɓe worɓe du surbaaɓe ley lenyi janani katin. Kamɓe e ko'e maɓɓe du, ɓe ndewlataa lenyi ɗiin.

Nehemiya 5:11

Ndelle hannden, kokkitee ɓe gese nguurey e ɗe cabiije e ɗe leɗɗe e gure maɓɓe. Wooɗi taa njaɓon tino dow ceede alkama e cabijam e nebbam jaytun katin.

Matta 26:63

Ɗum fuu imo deƴƴinii. Almaami Mawɗo oon wi'i mo: — Miɗo yamire e innde Laamɗo Buurɗo, kaalanaa min si tawii aan woni Almasiihu, Ɓii Laamɗo oon.

Luuka 19:8

De Jakayus darii, wi'i Iisaa: — Joomam, hettina, mi hokkan feccere jawdi am fuu talkaaɓe. Si won mo teetumi huunde, mi yoɓan ɗum kile nay.