Nehemiya 4:7 - Dewtere Laamɗo Fulfulde Burkina Faso

⁷ Ndeen ngaɗumi yimɓe ndarii gaɗa kokuwol ngool faro to ngol ɓuri leeƴirde. Ɓe ndarii dow nokkuuje jaajuɗe. Peccumi ɓe fodde cuuɗi maɓɓe, iɓe njogii kaafaaje e labbe e kure.

Nehemiya 4:7 ပူးပေါင်းရင်းမြစ်များ

Fuɗɗoode 3:15

Mi waɗan nganyaandi hakkunde maaɗa e debbo oon, e hakkunde ƴuwdi maaɗa e ƴuwdi makko. Ƴuwdi debbo oon fusan hoore maa, aan du, a soppan mo teppere.

2 Kaanankooɓe 24:2

Joomiraaɗo waɗi Baabiilankooɓe e Siiriyankooɓe e Mo'abinkooɓe e Amoninkooɓe koni Yahuuda faa kalka ɗum fodde konngol ngol haalirnoo e kunnduɗe annabaaɓe muuɗum.

Isira 5:8

Miɗen njiɗi anndinde kaananke, min njehii leydi Yahuuda to suudu Dewal Laamɗo jom teddeengal. Indu nyiɓitoree kaaƴe lobbe cehaaɗe, wooɗi leɗɗe ina ngattee gereeji mayru. Gollal ngaal na golliree no wooɗiri, ingal yara yeeso.

Nehemiya 2:10

Ammaa nde Sanbalat Horoonankeejo e Tobiya maccuɗo Amoninkeejo, nannoo ɗum fu, ɓerɗe maɓɓe metti sanne, ngam ɓe njiɗaa fuu goɗɗo wara walla Israa'iilankooɓe.

Nehemiya 2:19

Ammaa nde Sanbalat Horoonankeejo e Tobiya Amoninkeejo e Gesem Laarabuujo nannoo ko min anniyii waɗude fu, jalnorii min, ɓe kuyfini min. Ɓe mbi'i: — Ɗume anniyiiɗon waɗude? Yalla oɗon anniyii umminande Kaananke muurtere naa?

Nehemiya 4:1

Ɓernde Sanbalat e Tobiya e Laarabuuɓe e Amoninkooɓe e yimɓe Asidod metti sanne nde nannoo gollal nyiɓitagol kokuwol piiliingol huɓeere Urusaliima na yaara yeeso, nokkuuje maggol caamunoode fuu na moƴƴintinee.

Nehemiya 4:6

Kile keewɗe Yahuudiyankooɓe jooɗiiɓe ɗakkol wayɓe amin ɓeen na cappana min dow maɓɓe, iɓe mbi'a min: — Ngartee to amin.

Nehemiya 4:8

Nde ndaarunoomi ɗum fuu, ummiimi kaaldumi e ardiiɓe e mawɓe e yimɓe heddiiɓe mbiimi: — Taa kulon wayɓe mon, miccitee Joomiraaɗo wo mawɗo, wo kulɓiniiɗo. Ndelle konee saabe sakiraaɓe mooɗon e ɓiɓɓe mon worɓe e rewɓe, e deekiraaɓe mon e gure mooɗon!

Nehemiya 6:16

Nde wayɓe amin e lenyi jooɗiiɗi ɗakkol amin nannoo ɗum fu, ɓe kuli sanne. Ɓalli maɓɓe mbaati ngam ɓe paamii gollal ngaal wo e ballal Laamɗo amin yottiniraa.

Amos 1:13

Inan ko Joomiraaɗo wi'i: Saabe Amoninkooɓe ngaɗii hakke dow hakke de mi fiirtataa ko anniyiimi dow muɓɓen ɗuum, sabo ceekii deedi debereeduuɓe leydi Galaad faa njaajina leydi muɓɓen.

Amos 1:8

Mi fiɗɗan jooɗiiɗo dow jooɗorgal laamu Asdod mi yoppataa Askelon tiigiiɗo sawru laamu oon du. Mi ummanto yimɓe Ekoron, de Filistiyankooɓe heddiiɓe fuu kalka. Noon Laamɗo Joomiraaɗo wi'i.

Amos 3:9

Ley laamorɗi Asdod e ley ɗi Misira, ngoynee mbi'on: Kawritee dow baamle Samariya de ndaaron no galluure ndeen jiiɓondiri e torra ka wuurdi.

Golle Nelaaɓe 5:33

Nde waalde Saahiiɓe ɓeen nannoo ɗum ndeen, tikki sanne, anniyii warude ɓe.

Holleede 12:17

Kuungal manngal ngaal tikkani debbo oon sanne, yehi haɓoyde e heddiiɓe e ƴuwdi debbo oon. Ɓeen ngoni ɗowtaniiɓe jamirooje Laamɗo de tiigii seedaaku ngu Iisaa waddi nguun.

1 Samuwiila 11:2

Ammaa Nahas Amoniijo oon wi'i ɓe: — Inan no ngadirammi amaana: neɗɗo mooɗon fuu, mi ittan yitere mum gere nyaamo faa mi semtina yimɓe Israa'iila fuu.