Nehemiya 4:14 - Dewtere Laamɗo Fulfulde Burkina Faso

¹⁴ Ndelle, wakkati nanɗon fuufaango luwal fu, kawriton to am, ɗo fuufaango ɗoon. Laamɗo men honanan en!

Nehemiya 4:14 ပူးပေါင်းရင်းမြစ်များ

2 Samuwiila 10:12

Cemmbiɗon, laatoɗon suusuɓe faa ndannen yimɓe meeɗen e galluuje Laamɗo men. Joomiraaɗo waɗa ko weli ɗum.

Nehemiya 1:5

Mbi'umi: Yaa Joomiraaɗo! Laamɗo Toowɗo, Laamɗo mawɗo, Laamɗo kuleteeɗo, kiɓɓinoowo amaana muuɗum to yiɗuɓe ɗum, jokkiiɓe jamirooje muuɗum.

Ayuuba 37:22

Ndaar jayngol ina ƴuura soɓɓirre na ɗelka hono kaŋŋe, Laamɗo warii ley teddeengal muuɗum kulɓiniingal.

Wurtagol 14:14

Joomiraaɗo e hoorem honanta on. Onon kaa ndeƴƴinee tan.

Wurtagol 14:25

O bonni taare torkooji maɓɓe faa ɗe mbaawa reggude katin. Misirankooɓe mbi'i: — En ndogga, ndillen faa ndaɗen sabo Joomiraaɗo e hoorem wallata Israa'iila'en ɓeen na kaɓda e meeɗen!

Tindinoowo 12:1

Miccitoɗaa Taguɗo maa ley njokollaaku maa, gilla nyalaaɗe tiiɗuɗe ɗeen ngaraay, wooɗi du gilla kitaale ɗe mbi'ataa a walaa seyo e muɓɓen ɗeen ɓadaaki,

Limle 14:9

Ammaa taa muurtanee Joomiraaɗo. Taa kulee yimɓe leydi ndiin sabo en njaaɓan ɓe. Ndeenaagu maɓɓe dilli yoppii ɓe, ammaa enen le, Joomiraaɗo na wondi e meeɗen. Taa kulee ɓe.

Matta 10:28

Taa kulee warooɓe ɓanndu, de mbaawanaa yonkiiji. Wo Laamɗo kaanɗon hulude. Kam woni baawɗo halkude ɓanndu e yonki fuu ley jahannama.

Fillitagol 1:21

Ndaaree: Joomiraaɗo, Laamɗo mooɗon wattii leydi ndiin e juuɗe mooɗon. Njahon njeytowon ndi hono no Joomiraaɗo, Laamɗo maamiraaɓe mon wi'iri noon. Taa kulon, taa nesi mooɗon taƴa.

Fillitagol 10:17

sabo Joomiraaɗo, Laamɗo mooɗon oon, kam woni Laamɗo allaaji fuu. Kanko woni Joomiraaɗo joomiraaɓe, Laamɗo mawɗo, jom semmbe, kulɓiniiɗo mo jaɓataa senndiiru hakkunde yimɓe wooɗi du, mo jaɓataa njeenaari faa haɗa goɗɗo goonga.

Ibraninkooɓe 13:6

Saabe majjum, eɗen mbaawi haalude ɗum ɗo dow hoolaare: «Joomiraaɗo woni balloowo kam, mi hulataa. Ɗume neɗɗo waawata waɗude kam?»

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Ardiiɓe 3:27

Nde o yottinoo ɗoon fu, o fuufi luwal konu dow baamle leydi Efrayimankooɓe. Wakkati oon Israa'iilankooɓe mburtii njippodii e makko dow baamle ɗeen, imo ardii ɓe.