Nehemiya 2:19 - Dewtere Laamɗo Fulfulde Burkina Faso

¹⁹ Ammaa nde Sanbalat Horoonankeejo e Tobiya Amoninkeejo e Gesem Laarabuujo nannoo ko min anniyii waɗude fu, jalnorii min, ɓe kuyfini min. Ɓe mbi'i: — Ɗume anniyiiɗon waɗude? Yalla oɗon anniyii umminande Kaananke muurtere naa?

Nehemiya 2:19 ပူးပေါင်းရင်းမြစ်များ

Nehemiya 13:28

Tawi gooto hakkunde ɓiɓɓe Yahooyada ɓii Eliyaasib, mawɗo almaami'en, na dewli ɓii Sanbalat, Horoonanke. Ndiiwumi o, mburtinmi o Urusaliima.

Nehemiya 2:10

Ammaa nde Sanbalat Horoonankeejo e Tobiya maccuɗo Amoninkeejo, nannoo ɗum fu, ɓerɗe maɓɓe metti sanne, ngam ɓe njiɗaa fuu goɗɗo wara walla Israa'iilankooɓe.

Nehemiya 4:1

Ɓernde Sanbalat e Tobiya e Laarabuuɓe e Amoninkooɓe e yimɓe Asidod metti sanne nde nannoo gollal nyiɓitagol kokuwol piiliingol huɓeere Urusaliima na yaara yeeso, nokkuuje maggol caamunoode fuu na moƴƴintinee.

Nehemiya 6:6

Inan ko winndaa ley ɓataaki kiin: Kabaaru yottake nokku fuu nder leyɗe, Gesem du seedake, wi'aama ko aan e Yahuudiyankooɓe heddiiɓe oɗon kaɓɓi dabare muurtude. Ɗuum waɗi oɗon nyiɓitoo kokuwol piiliingol huɓeere ngool. Katin du, min nanii aɗa yiɗi waɗude hoore maaɗa kaananke maɓɓe.

Nehemiya 6:9

Ɓe fuu, iɓe njiɗi hulɓinde min. Ɓe miilii si ɓe ngaɗii noon kulol nanngan min, de gollal ngaal daroo. Ngaɗumi du'aare, mbiimi: — Yaa Laamɗo, semmbinɗin juuɗe am.

Ayuuba 30:1

De joonin kaa, yimɓe na njalnoroo kam, fay ɓe keccumi, ɓe baabiraaɓe muɓɓen kewtaay jokkude dawaaɗi deenannooɗi baali am.

Matta 9:24

O wi'i ɗum'en: — Mburtee, sabo suka debbo o maayaay, wo ɗaani tan. De yimɓe ɓeen njalnorii mo.

Marka 5:40

Ɓe njalnorii haala makko. Ndeen o wurtini ɓe fuu, o hooƴi baaba suka oon e inna muuɗum e taalibaaɓe makko tato ɓe o wondi, ɓe naati suudu to suka oon tawaa toon.

Luuka 23:2

Ɓe puɗɗi iɓe pela mo, iɓe mbi'a: — Gorko o min tawi ina wosina lenyol amin, ina haɗa ɗum'en yoɓude kaananke mawɗo oon lampo, ina wi'a hoore muuɗum wo Almasiihu, kaananke.

Yuhanna 19:12

Gilla ndeen Pilaatu ina filoo yoppude mo. Ɗum waɗi de Alhuudiyankooɓe ina peekoo, ina mbi'a: — Sini a yoppii mo, a wanaa yigoo kaananke Roma mawɗo oon. Neɗɗo fuu gaɗuɗo hoore muuɗum kaananke wo ganyo kaananke Roma.

Golle Nelaaɓe 24:5

Min tawii gorko o wo daaɓoowo bone sanne. Wo o gaddoowo fitina hakkunde Alhuudiyankooɓe wonɓe ley adunaaru fuu. O ardiiɗo laawol Nasaraatunkooɓe.

Ibraninkooɓe 11:36

Woɓɓe katin njalnoraa, piyaa dorri. Woɓɓe ngeƴƴaa, ngattaa ley kasu.