Nehemiya 2:17 - Dewtere Laamɗo Fulfulde Burkina Faso

¹⁷ Nde ngartunoomi fu, mbiimi ɓe: — Ndaare torra ka ngonɗen ley mum. Urusaliima waɗaama winnde, dammbuɗe mum du bulaama. Ngaree nyiɓitoɗen kokuwol piiliingol huɓeere Urusaliima ngool, faa keɓen mburtoɗen e torra e semteende.

Nehemiya 2:17 ပူးပေါင်းရင်းမြစ်များ

Isira 9:9

Fay ko min laatii maccuɓe ɗum fu, Laamɗo amin, a seedaay e amin. A waɗii du kaananke Persi waɗanii min ko wooɗi. A semmbiɗinii min faa min nyiɓitoo suudu maaɗa seniindu, min moƴƴintina ndu ɗo ndu fusanoo. A hokkii min to min ɗuwoo nder leydi Yahuuda e huɓeere Urusaliima.

Nehemiya 1:3

Ɓe njaabii kam, ɓe mbi'i: — Yimɓe ɓeen ina ngondi e torra mawɗo, iɓe kollee yawaara. Kokuwol piiliingol huɓeere Urusaliima ngool helaama, ommbirɗe huɓeere ndeen du mbulaama.

Nehemiya 2:13

Ley jemma oon, nde mburtinoomi fu, ndewumi dammbugal Naɗɗol Gorgawol, ƴaɓɓoriimi ildude Kuungal, ƴuurumi dammbugal Birgi. Nji'umi no kokuwol piiliingol huɓeere Urusaliima ngol heliraa e no ommbirɗe dammbuɗe maggol ɗeen mbuliraa.

Nehemiya 2:16

Hakkunde mawɓe lenyol ɓeen, walaa annduɗo to njahumi, walaa fuu annduɗo ko ngaɗoymi toon. Mi hollaay ɗum Yahuudiyanke fay gooto, maa almaami'en maa mawɓe lenyol maa du gollooɓe heddiiɓe.

Nehemiya 3:15

Ndeen Sallum ɓii Kal-Hooje kaananke huɓeere Misifa nyiɓitii dammbugal Ɓuldude. O waɗani ngal ommbirɗe e palal faa ngal ommbiree. Katin o nyiɓitii kokuwol piiliingol weendu Silowam to sardiŋe Kaananke faa yottii jipporde huɓeere Daawda.

1 Samuwiila 11:2

Ammaa Nahas Amoniijo oon wi'i ɓe: — Inan no ngadirammi amaana: neɗɗo mooɗon fuu, mi ittan yitere mum gere nyaamo faa mi semtina yimɓe Israa'iila fuu.