Nehemiya 13:5 - Dewtere Laamɗo Fulfulde Burkina Faso

⁵ Tawi o hokkiino oon suudu mawndu resirtenoondu sadaka conndi e uurdi mbelndi e kujje gollitirɗe e jakkaaji ley gawri e cabijam kesam e nebbam jaytun e ko Lewinkooɓe e yimooɓe e reenooɓe dammbuɗe njeynoo hokkeede e ngeɗu almaami'en.

Nehemiya 13:5 ပူးပေါင်းရင်းမြစ်များ

Nehemiya 10:36

Katin min adi amaana waddande suudu Dewal Joomiraaɗo, ley hitaande fu, ko arti ɓenndude ley gese e siyiiji ɓiɓɓe leɗɗe amin fuu.

Nehemiya 10:37

Min ngaddanan almaami'en gollooɓe ley suudu Dewal Laamɗo, afo'en amin worɓe e dikkorɗi daabaaji amin, hono no winndiraa ley Tawreeta noon.

Nehemiya 10:38

Min ngattanan ɓe du, ko ɓuri wooɗude ley conndi alkama, e ɓiɓɓe leɗɗe feere feere e cabijam kesam, e nebbam jaytun nder cuuɗi nguurey gonɗi ley suudu Dewal Laamɗo. Katin min ngaddanan Lewinkooɓe jakka ko ƴuuri e gese amin fu. Ɓe ittan jakka ley kuɓeeje to min ngollataa fuu.

Nehemiya 12:44

Nyannde ndeen worɓe cuɓaa faa laatoo ndaaranooɓe cuuɗi desirɗi dokkal ko arti ɓenndude e jakkaaji e ngeɗuuji almaami'en e Lewinkooɓe, ko heɓa e gese piiliiɗe kuɓeeje, hono no winndiraa ley Tawreeta noon. Ndeen yimɓe Yahuuda ceyii sanne saabe gollal ngal almaami'en e Lewinkooɓe ngaɗata ngaal.

Nehemiya 13:7

Nde ngartunoomi Urusaliima fu, nanumi bone mo Eliyaasib waɗi saabe moƴƴinande Tobiya suudu ley kokuwol suudu Dewal Laamɗo.