Nehemiya 13:27 - Dewtere Laamɗo Fulfulde Burkina Faso

²⁷ Ndelle joonin onon du, nanete oɗon ngaɗa iri bonanda mawɗo hono oon. Oɗon njamboro Laamɗo e dewlugol rewɓe jananɓe naa?

Nehemiya 13:27 ပူးပေါင်းရင်းမြစ်များ

Isira 10:2

Ndeen Sekaniya ɓii Yahiyel jeyaaɗo suudu Elam, haaldi e Isira, wi'i ɗum: — Min jambake Laamɗo meeɗen sabo min ndewlii rewɓe lenyi janani ley lenyi leydi ndi. Ammaa fay e noon jikke yaafeede ina ngoodani Israa'iilankooɓe.

Isira 9:14

Ndelle, noy min puɗɗitirta wosaade jamirooje maaɗa, min ɓaŋundura e yimɓe gollooɓe ko nyiddinii ɓeen? Si min ngaɗii noon katin fu, ina haani kalkiraa min tikkere maaɗa, taa ƴuwdi amin heddo fay seeda.

Nehemiya 10:31

Min anniyake sukaaɓe amin rewɓe ndewlataake lenyi janani jooɗiiɗi ley leydi ndi, wooɗi min ndewlantaa sukaaɓe amin worɓe surbaaɓe lenyi ɗiin.

Nehemiya 13:23

Katin ley balɗe ɗeen, njiimi woɓɓe hakkunde Yahuudiyankooɓe na ndewli rewɓe leydi Asidod, e Amon e Mo'ab.

1 Samuwiila 30:24

Moy hettindotoo ko mbi'aton? Ngeɗu gorko keddodiiɗo e gineeji to ndaaka e jahuɗo wolde fu laatoto gootum. Ɓe peccidan e mooɗon.