Nehemiya 13:19 - Dewtere Laamɗo Fulfulde Burkina Faso

¹⁹ Nde finata weeta nyalaande fowteteende ndeen, ngaɗumi dammbuɗe Urusaliima fuu ombaa, mbiimi taa ɗe omtee sanaa nyalaande fowteteende ɗeen falti. Ngaɗumi woɓɓe hakkunde gollanooɓe kam ndeeni dammbuɗe ɗeen, taa woɓɓe nanna dimle ley toon nyannde fowteteende.

Nehemiya 13:19 ပူးပေါင်းရင်းမြစ်များ

Nehemiya 13:20

Nde wootere maa du nde ɗiɗi soodooɓe e sonnooɓe na mbaala yaasin Urusaliima.

Nehemiya 7:3

Mbiimi ɓe: — Dammbuɗe huɓeere Urusaliima omtataake si wanaa nde naange nyawli. Reenooɓe na ndaara ɗe faa wakkati ommbeede majje hewti, ndeen ɓe ommba ɗe, ɓe coka ɗe. Yimɓe Urusaliima cenndiraa reenugol huɓeere ndeen, woɓɓe ndeena nokkuuje njeyɗe reeneede, woɓɓe du ndeena ɗakkol cuuɗi muɓɓen.

Lewinkooɓe 23:22

Nde tayri gese mooɗon hewti fu, taa taƴon butaali gonɗi dow keeri gese ɗeen. Taa cuɓtinoɗon gabbe maa butaali kedditiiɗi ley gese mooɗon. Njoppanon ɗum talkaaɓe e jananɓe. Miin woni Joomiraaɗo, Laamɗo mooɗon.

Lewinkooɓe 23:32

Nyalaande ndeen laatanoo on fowteteende teddunde de cuumoɗon. Wo noon njogitortoɗon Nyalaande fowteteende ndeen gilla futuro jeenay lewru nduun faa hewta jaangoore muuɗum futuro.

Yuhanna 5:10

Saabe majjum hooreeɓe Alhuudiyankooɓe mbi'i cellinaaɗo oon: — Hannden wo nyalaande fowteteende, daganaaki ma ndonndoɗaa daɗɗo maa.