Nehemiya 13:15 - Dewtere Laamɗo Fulfulde Burkina Faso

¹⁵ Ley balɗe ɗeen, njiimi yimɓe ina ɓoosa cabiije nyalaande fowteteende ley leydi Yahuuda, woɓɓe du ina ndimnda kaɓɓe alkama, e inaboojam e inabooje e ƴibbe e kujje feere feere dow araaji. Iɓe nanna ɗum ley Urusaliima nyannde fowteteende. Ndeen pelumi ɓe saabe sonnugol neema nyannde fowteteende.

Nehemiya 13:15 ပူးပေါင်းရင်းမြစ်များ

Nehemiya 10:31

Min anniyake sukaaɓe amin rewɓe ndewlataake lenyi janani jooɗiiɗi ley leydi ndi, wooɗi min ndewlantaa sukaaɓe amin worɓe surbaaɓe lenyi ɗiin.

Nehemiya 10:32

Si ɓe ngaddii kujje conneteeɗe nyannde fowteteende maa nyalaande seniinde wonnde, si ɗum alkama maa goɗɗum feere, min coodataa. Ley hitaande jeɗɗaɓerde fuu, min njoppan gese amin, min ndemataa ɗe. Katin du, min njaafanto mo min njokkataa nyamaande ley hitaande ndeen.

Nehemiya 13:16

Katin yimɓe leydi Tirus jooɗiiɓe ley Urusaliima ina ngadda liƴƴi e kujje feere feere conneteeɗe iɓe connira yimɓe Yahuuda ley Urusaliima nyannde fowteteende.

Nehemiya 13:21

Tindinmi ɓe, mbiimi: — Ko saabi mbaaluɗon yaasin? Si on ngaɗi ɗum katin fu, mi nanngan on. Gilla ndeen ɓe mbayri warude luumo nyannde fowteteende.

Nehemiya 9:29

Tindinɗaa ɓe, ɓe njeccoo e jamirooje maaɗa, de ɓe njoorni ko'e maɓɓe, ɓe calii jokkude ɗe, ɓe ngaɗi hakke, ɓe kuyfinii konngol maaɗa kokkoowol yonki. Ɓe muurti, ɓe njoorni ko'e maɓɓe, ɓe calii jokkude ko mbiiɗaa.

Ayuuba 39:12

Aɗa hoolii nga wartowan, faa nga wartirane gawri maa to ƴaretee naa?

Wurtagol 31:12

Joomiraaɗo haaldi e Muusaa wi'i:

Wurtagol 31:16

Israa'iila'en ndeena nyalaande fowteteende ndeen, nde laatanoo ɓe nyalaande seniinde ley jamaanuuji fuu faa abada.

Wurtagol 34:21

Ngolliron balɗe jeegom ammaa nyalaande jeɗɗaɓerde ndeen, tilay powton. Fay si wo wakkati ndemri naa tayri, na tilsi powton.

Wurtagol 35:2

Nyalaaɗe jeegom ngollirton golleeji mooɗon, ammaa nyannde jeɗɗaɓerde ndeen wo nyalaande fowteteende seniinde saabe Joomiraaɗo. Golluɗo nyannde ndeen fuu, wo bareteeɗo.

Banndi 28:4

Joppuɗo jamirooje teddinii bonɓe, jogiiɗo ɗe ina haɓda e maɓɓe.

Amos 8:5

Oɗon mbi'a: Faa ndeye iidi darorɗe lewru oon faltotoo, faa keɓen connen alkama meeɗen! Faa ndeye nyalaande fowteteende ndeen faltotoo, faa keɓen omten beembe meeɗen! En ɓuytan taasaaje meeɗen ponndirɗe, en ɓeydan cogguuji sonnoore meeɗen, en oonyan ponndirɗe faa njamboɗen.

Golle Nelaaɓe 2:40

Caggal ɗuum, Piyeer gongini ɓe haalaaji goɗɗi keewɗi, ina waajoo ɓe, ina wi'a: — Ndeenee ko'e mon e yimɓe jamaanu oonyiiɗo o.

Golle Nelaaɓe 20:21

Mi tindinii Alhuudiyankooɓe e Geresankooɓe fuu tuubana Laamɗo, ngoonɗina Joomiraaɗo meeɗen Iisaa.

Galaatiyankooɓe 5:3

Katin miɗo haalana on neɗɗo fuu pilotooɗo taadeede: ina tilsani ɗum jokka haddi Tawreeta Muusaa oon fuu.

Efeesunkooɓe 4:17

Ndelle, ko jokkata ɗuum mbi'ammi on: miɗo ŋaaroo on e ley innde Joomiraaɗo, taa mbuurdon katin hono no yimɓe ɓe anndaa Laamɗo, sabo miilooji maɓɓe ɗiin wo ɓoli.

Fillitagol 8:19

Si on njeggitii Joomiraaɗo, Laamɗo mooɗon, de on ndewii allaaji goɗɗi, on ɗowtanake ɗi faa kofiɗon yeeso majji fu, mi seedanto on hannden, walaa sikke on kalkete.

1 Tesaloniyankooɓe 4:6

Fay gooto taa naata suudu banndum, taa waɗa ɗum ko boni. Sabo Joomiraaɗo woni jomnitotooɗo kulle ɗeen fuu. Min kaalanii on ɗum, min cappanii on.