Nehemiya 10:30 - Dewtere Laamɗo Fulfulde Burkina Faso

³⁰ kawriti e sakiraaɓe muɓɓen tedduɓe hunnduko wooto, kunii, mbi'i njokkan jamirooje Laamɗo ɗe hokki Muusaa maccuɗo muuɗum faa njogoo ɗe, de njokka sariyaaji Joomiraaɗo e tindinooje muuɗum.

Nehemiya 10:30 ပူးပေါင်းရင်းမြစ်များ

2 Kaanankooɓe 23:25

Kaananke hono makko e tuubude ɗowtanoo Joomiraaɗo waɗaay gaɗa makko e yeeso makko fuu. O teddiniri Joomiraaɗo e ɓernde makko fuu e hakkillo makko fuu e semmbe makko fuu fodde no Tawreeta Muusaa wi'iri noon.

2 Kaanankooɓe 23:3

O darii dow bimmbeere o waɗi amaana yeeso Joomiraaɗo faa o ɗowtanoo ɗum, o tiigoo jamirooje e seedaakuuji e sariyaaji muuɗum e ɓernde makko e hakkillo makko fuu, o jokka haalaaji mbinndaaɗi ley dewtere ndeen fuu. Yimɓe fuu anniyii ɗowtanaade amaana oon.

Nehemiya 10:1

Saabe ko waɗi ɗuum, min ngaɗi amaana ley ɓataaki. Maande mawɓe amin e Lewinkooɓe e almaami'en waɗaa dow ɓataaki kiin.

Nehemiya 13:23

Katin ley balɗe ɗeen, njiimi woɓɓe hakkunde Yahuudiyankooɓe na ndewli rewɓe leydi Asidod, e Amon e Mo'ab.

Nehemiya 13:25

Ndeen pelumi ɓe, kuɗumi ɓe, piimi woɓɓe maɓɓe, ɗoofumi ngaasa muɓɓen, ngaɗumi ɓe kunii e innde Laamɗo, ɓe kokkataa ɓiɓɓe maɓɓe rewɓe, ndewlee lenyi janani, wooɗi ɓe ndewlantaa ɓiɓɓe maɓɓe worɓe du surbaaɓe ley lenyi janani katin. Kamɓe e ko'e maɓɓe du, ɓe ndewlataa lenyi ɗiin.

Nehemiya 13:30

Ndeen laaɓinmi ɓe e ko laatii jananum fuu, puɗɗintinmi almaami'en e Lewinkooɓe golle muɓɓen.

Nehemiya 5:12

Ndeen ɓe mbi'i: — Min kokkitan ɓe ɗum fuu, wooɗi du, min njaɓataa goɗɗum to maɓɓe katin. Ndeen noddumi almaami'en, ngaɗumi mawɓe huɓeere e ardiiɓe ɓeen, kunii mbi'i ngaɗan ko podii ɗuum.

Wurtagol 34:16

Ndeen ɓaŋanaa ɓiɓɓe maaɗa worɓe ɓiɓɓe maɓɓe rewɓe, de ɓeen ekintina ɓiɓɓe maaɗa lallere sabo ɓe ngattan ɗum'en e waɗude iidi sakkande allaaji maɓɓe.

Fillitagol 29:11

Inani on ɗoo, faa naaton ley amaana mo Joomiraaɗo, Laamɗo mooɗon haɓɓidata e mooɗon hannden ley hunayeere.

Fillitagol 7:3

Taa ɓanngal hawta on e maɓɓe. Taa kokkon ɓiɓɓe mon rewɓe ɓiɓɓe maɓɓe worɓe, wooɗi du, taa ɓaŋanon ɓiɓɓe mon worɓe ɓiɓɓe maɓɓe rewɓe.